ນາຍົກອອກຂໍ້ຕົກລົງແຕ່ງຕັ້ງຄະນະກຳມະການ ສະເພາະກິດແກ້ໄຂໄພພິບັດລະດັບຊາດ


26.07.2018 13:20     

   ວັນທີ 25 ກໍລະກົດ 2018 ທ່ານ ທອງລຸນ ສີສຸລິດ ນາຍົກ ລັດຖະມົນຕີ ໄດ້ອອກຂໍ້ຕົກລົງເລກທີ 47/ນຍ ວ່າດ້ວຍການ ແຕ່ງຕັ້ງຄະນະກຳມະການສະເພາະກິດແກ້ໄຂໄພພິບັດລະ ດັບຊາດ. ເນື້ອໃນຂໍ້ຕົກລົງມີດັ່ງນີ້: - ອີງຕາມກົດໝາຍວ່າດ້ວຍລັດຖະບານ (ສະບັບປັບປຸງ) ເລກທີ 04/ສພຊ, ລົງວັນທີ 08 ພະຈິກ 2016.

- ອີງຕາມການຕົກລົງ ແລະ ຊີ້ນຳຂອງກອງປະຊຸມ ນາຍົກ-ຮອງນາຍົກລັດຖະມົນຕີ ຄັ້ງວັນທີ 25 ກໍລະກົດ 2018. ນາຍົກລັດຖະມົນຕີ ຕົກລົງ:

ມາດຕາ 1: ແຕ່ງຕັ້ງຄະນະຊີ້ນຳລວມ

1. ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ເປັນປະທານ

2. ທ່ານ ພົນໂທ ສຸວອນ ເລືອງບຸນມີ ຮອງລັດຖະມົນຕີກະຊວງປ້ອງກັນປະເທດ ເປັນຮອງ

3. ທ່ານ ພົນຕີ ສິນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫງົບ ເປັນຄະນະ

4. ທ່ານ ປອ ຄຳແກ້ວ ສານບຸນຄຸນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີ ການສັງຄົມ ເປັນຄະນະ

5. ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ເປັນຄະນະ

6. ທ່ານ ນາງ ຄຳເພົາ ເອີນທະວັນ ຮອງລັດຖະມົນຕີກະຊວງການຕ່າງປະເທດ ເປັນຄະນະ

7. ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະ ປ່າໄມ້ ເປັນຄະນະ

8. ທ່ານ ຈັນສອນ ແສນບຸດຕະລາດ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ເປັນຄະນະ

9. ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ ເປັນຄະນະ

10. ທ່ານ ບຸນມີ ພຸດທະວົງ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງ ແວດລ້ອມ ເປັນຄະນະ

11. ທ່ານ ນາງ ວິໄລຄຳ ໂພສາລາດ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ ເປັນຄະນະ

12. ທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ເປັນຄະນະ

13. ທ່ານ ຮສ.ປອ ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກິລາ ເປັນຄະນະ

14. ທ່ານ ບັນດາຮອງເຈົ້າແຂວງ, ແຂວງທີ່ໄດ້ຮັບຜົນກະທົບຈາກໄພພິບັດ.

ມາດຕາ 2: ໜ່ວຍງານປະສານງານ

1. ທ່ານ ສົມສະນິດ ສຸວັນນະລາດ ຮອງລັດຖະມົນຕີ, ຮອງຫົວໜ້າ ຫສນຍ ເປັນຫົວໜ້າ

2. ທ່ານ ສະຖິດ ເພັດສິງເລືອງ ຮັກສາການຫົວໜ້າກົມເລຂາ ຫສນຍ ເປັນຮອງ

3. ທ່ານ ຮສ.ປອ ລິນຄຳ ດວງສະຫວັນ ຫົວໜ້າກົມຄົ້ນຄວ້າ-ສັງລວມ ເປັນຄະນະ

4. ທ່ານ ຮສ.ປອ ສົມກຽດ ພະສີ ຫົວໜ້າກົມປະຊາສຳພັນ ເປັນຄະນະ

5. ທ່ານ ແສງທອງ ມະນີຈັນ ຫົວໜ້າກົມບໍລິຫານ-ພິທີການ ແລະ ການເງິນ ເປັນຄະນະ.

6. ທ່ານ ຫົວໜ້າກົມສັງຄົມສົງເຄາະ, ກະຊວງແຮງງານ ແລະ ສະຫວັດດີການສັງຄົມ ເປັນ ຄະນະ.

7. ທ່ານ ຫົວໜ້າກົມການຂ່າວ, ກະຊວງການຕ່າງປະເທດ ເປັນຄະນະ.

8. ທ່ານ ຫົວໜ້າກົມສື່ມວນຊົນ, ກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ເປັນຄະນະ.

9. ທ່ານ ຫົວໜ້າກົມແຜນການ, ກະຊວງແຜນການ ແລະ ການລົງທຶນ ເປັນຄະນະ.

10. ທ່ານ ຫົວໜ້າ ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເປັນຄະນະ.

ມາດຕາ3: ພາລະບົດບາດໜ້າທີ່ ເປັນໃຈກາງໃນການປະສານສົມທົບກັບທຸກພາກສ່ວນທີ່ ກ່ຽວຂ້ອງສູນກາງ ແລະ ທ້ອງຖິ່ນ.

1. ແກ້ໄຂບັນຫາອຸທົກກະໄພ ທີ່ມີຜົນກະທົບຕໍ່ປະຊາຊົນ, ຊ່ວຍເຫຼືອຜູ້ຖືກຜົນກະທົບໃຫ້ທົ່ວ ເຖິງ ແລະ ເຂົ້າສູ່ສະພາບປົກກະຕິ.

2. ປະເມີນຜົນເສຍຫາຍ, ວາງແຜນການຊ່ວຍເຫຼືອບັນເທົາທຸກ ແລະ ຟື້ນຟູຊີວິດການເປັນຢູ່.

3. ວາງແຜນພັດທະນາ ໃນເຂດທີ່ໄດ້ຮັບຜົນກະທົບຈາກໄພພິບັດ ໃນໄລຍະຍາວ ເພື່ອໃຫ້ປະຊາຊົນ ມີອາຊີບຖາວອນ.

4. ຊອກຫາສາເຫດທີ່ພາໃຫ້ເກີດອຸປະຕິເຫດ ເພື່ອຊອກຫາວິທີແກ້ໄຂ ໃນໄລຍະຍາວ.

5. ໂຄສະນາປະຊາສຳພັນທຸກສະພາບຄວາມຄືບໜ້າ ໃນການຈັດຕັ້ງປະຕິບັດຂອງພາກ ສ່ວນທີ່ກ່ຽວຂ້ອງ ແລະ ວາງແຜນເຕືອນໄພພິບັດ ພ້ອມທັງຮັບການຊ່ວຍເຫຼືອທຸກຮູບແບບ.

6. ຄົ້ນຄວ້າປະເມີນທາງດ້ານການອອກແບບ, ເຕັກນິກໃນໂຄງການກໍ່ສ້າງເຂື່ອນໄຟຟ້າ, ເຂື່ອນກັນນ້ຳ ແລະ ເສັ້ນທາງ, ຜົນກະທົບທາງດ້ານສັງຄົມ-ສິ່ງແວດລ້ອມ.

7.ສັງລວມ ວາງແຜນເຕືອນໄພພິບັດ, ເກັບກຳຂໍ້ມູນຄວາມເສຍຫາຍ ເພື່ອລາຍງານຂັ້ນເທິງ ໃຫ້ທິດຊີ້ນຳ. ມາດຕາ4: ສຳລັບງົບປະມານເຄື່ອນໄຫວຂອງຄະນະດັ່ງກ່າວ ແມ່ນນຳໃຊ້ງົບປະມານບ້ວງ ກອງທຶນໄພພິບັດແຫ່ງຊາດ.

ມາດຕາ5: ບັນດາກະຊວງ, ອົງການ, ພາກສ່ວນກ່ຽວຂ້ອງ ແລະ ບັນດາທ່ານທີ່ໄດ້ຮັບການ ແຕ່ງຕັ້ງ ຈົ່ງຮັບຮູ້ ແລະ ພ້ອມກັນຈັດຕັ້ງປະຕິບັດ ຂໍ້ຕົກລົງສະບັບນີ້ຢ່າງເຂັ້ມງວດ.

ມາດຕາ6: ຂໍ້ຕົກລົງສະບັບນີ້ ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ.