ສານສະແດງຄວາມເຫັນໃຈຈາກການນຳ ສປ ຈີນ ເຖິງການນຳເຮົາ


27.07.2018 11:13     

   ສະຫາຍ ສີ ຈິ້ນຜິງ ເລຂາທິການໃຫຍ່ຄະນະກຳມະການ ສູນກາງພັກກອມມູນິດຈີນ ປະທານປະເທດ ແຫ່ງ ສປ ຈີນ ໄດ້ສົ່ງສານສະແດງຄວາມເຫັນໃຈເຖິງ ສະຫາຍ ບຸນຍັງ ວໍລະ ຈິດ ເລຂາທິການໃຫຍ່ ຄະນະບໍລິຫານງານພັກປະຊາຊົນ ປະ ຕິວັດລາວ ປະທານປະເທດ ແຫ່ງ ສປປ ລາວ ເມື່ອວັນທີ 25 ກໍລະກົດຜ່ານມານີ້ ທີ່ນະຄອນຫຼວງວຽງຈັນ ຊຶ່ງມີເນື້ອໃນດັ່ງນີ້: ໂດຍໄດ້ຮັບຊາບວ່າ ແຂວງອັດຕະປື ແຫ່ງ ສປປ ລາວ ໄດ້ ເກີດອຸບັດເຫດເຂື່ອນກັ້ນນ້ຳແຕກ ຊຶ່ງໄດ້ເຮັດໃຫ້ມີນ້ຳຖ້ວມ, ດິນເຈື່ອນ ແລະ ໄດ້ສ້າງຄວາມເສຍຫາຍຢ່າງໜັກໜ່ວງໃຫ້ແກ່ຊີວິດ ແລະ ຊັບສິນຂອງປະຊາຊົນ. ຂ້າພະ ເຈົ້າ ຂໍຕາງໜ້າໃຫ້ພັກ ແລະ ລັດ, ປະຊາຊົນຈີນ ແລະ ໃນນາມ ສ່ວນຕົວ ຂໍສະແດງຄວາມໄວ້ອາໄລ ເຖິງຜູ້ເສຍຊີວິດຢ່າງສຸດ ຊຶ້ງ ແລະ ສະແດງຄວາມເສຍໃຈນຳຄອບຄົວພີ່ນ້ອງຂອງຜູ້ເສຍ ຊີວິດ ແລະ ຜູ້ທີ່ບາດເຈັບຢ່າງຈິງໃຈ. ຈີນ ແລະ ລາວ ເປັນຄູ່ຮ່ວມຊາຕາກຳ ທີ່ມີຄວາມໝາຍ ຍຸດທະສາດ ເປັນບ້ານໃກ້ເຮືອນຄຽງທີ່ດີ, ເພື່ອນທີ່ດີ, ສະຫາຍ ທີ່ດີ ແລະ ຄູ່ຮ່ວມມືທີ່ດີ. ພວກຂ້າພະເຈົ້າ ຮູ້ສຶກເສຍໃຈນຳ ທີ່ ປະຊາຊົນລາວໄດ້ປະສົບເຄາະຮ້າຍຈາກໄພພິບັດ ແລະ ສູນ ເສຍທີ່ພັກອາໄສ, ຝ່າຍຈີນ ຍິນດີສະໜອງການຊ່ວຍເຫຼືອທຸກ ດ້ານ ຕາມຄວາມຮຽກຮ້ອງຕ້ອງການ ແລະ ຄວາມປະສົງ ຂອງຝ່າຍລາວທີ່ສະເໜີ. ຂ້າພະເຈົ້າເຊື່ອໝັ້ນວ່າ ພາຍໃຕ້ ການນຳພາອັນໜັກແໜ້ນເຂັ້ມແຂງ ທີ່ມີສະຫາຍເປັນແກນ ກາງ ປະຊາຊົນລາວຜູ້ປະສົບເຄາະຮ້າຍ ຈະສາມາດຜ່ານຜ່າຄວາມ ຫຍຸ້ງຍາກ ແລະ ຟື້ນຟູການຜະລິດ ແລະ ຊີວິດການເປັນຢູ່ໃຫ້ ເປັນປົກກະຕິໂດຍໄວ. ໃນໂອກາດນີ້ ສະຫາຍ ຫຼີ ເຄີ້ຊຽງ ນາຍົກລັດຖະມົນຕີ ແຫ່ງ ສປ ຈີນ ກໍໄດ້ສົ່ງສານສະແດງຄວາມເຫັນໃຈເຖິງ ສະຫາຍ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ສະຫາຍ ຫວັງ ອີ້ ທີ່ປຶກສາແຫ່ງລັດ ລັດຖະມົນຕີກະຊວງການ ຕ່າງປະເທດ ແຫ່ງ ສປ ຈີນ ກໍໄດ້ສົ່ງສານສະແດງຄວາມເຫັນ ໃຈເຖິງ ສະຫາຍ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ແຫ່ງ ສປປ ລາວ ເຊັ່ນດຽວກັນ.