ລັດຖະບານ ເນັ້ນສ້າງສະຖານທີ່ພັກໃຫ້ປະຊາຊົນຜູ້ປະສົບໄພໃຫ້ພຽງພໍ


...

08.08.2018 8:30     

   ກອງປະຊຸມລັດຖະບານ ສະໄໝວິສາມັນ ໄດ້ຕົກລົງຮັບ ຮອງເອົາມາດຕະການຕ່າງໆ ເພື່ອແກ້ໄຂບັນຫາຜູ້ປະສົບໄພ ນ້ຳຖ້ວມຢູ່ເມືອງສະໜາມໄຊ ເປັນຕົ້ນແມ່ນການສ້າງສະຖານ ທີ່ພັກເຊົາໃຫ້ຜູ້ປະສົບໄພໃຫ້ພຽງ ພໍ ລວມທັງສາທາລະນຸປະໂພກ, ຂະນະດຽວກັນ ກໍໃຫ້ຄຸ້ມຄອງ ແລະ ນຳໃຊ້ເງິນຊ່ວຍເຫຼືອຢ່າງ ຮັດກຸມ. ພ້ອມດຽວກັນ ກໍແຕ່ງ ຕັ້ງຄະນະສະເພາະກິດ ເພື່ອ ກວດກາຄືນເຕັກນິກ, ຄຸນນະ ພາບຂອງການກໍ່ສ້າງທຸກເຂື່ອນ ໃນທົ່ວປະເທດ ລວມທັງເຂື່ອນ ທີ່ກໍ່ສ້າງແລ້ວ ແລະ ເຂື່ອນກຳ ລັງດຳເນີນການກໍ່ສ້າງ.
ກອງປະຊຸມດັ່ງກ່າວ ໄດ້ ປິດລົງໃນວັນທີ 7 ສິງຫານີ້, ພາຍ ໃຕ້ການເປັນປະທານຂອງທ່ານ ທອງລຸນ ສີສຸລິດ ນາຍົກ ລັດຖະມົນຕີ, ມີບັນດາທ່ານ ຮອງນາຍົກ ແລະ ສະມາຊິກ ລັດຖະບານ ຕະຫຼອດຮອດ ພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງຕົ້ນຕໍແມ່ນຟັງ ລາຍງານຂອງຄະນະສະເພາະ ກິດແກ້ໄຂໄພພິບັດລະດັບ ຊາດ, ແກ້ໄຂໄພພິບັດເຂື່ອນ ກັ້ນນ້ຳຂອງເຂື່ອນເຊປຽນ-ເຊນ້ຳນ້ອຍແຕກ ຊຶ່ງເປັນເຫດ ໃຫ້ມີຜົນກະທົບແຮງຕໍ່ເມືອງ ສະໜາມໄຊ. ຜ່ານການຮັບຟັງ ລາຍງານຂອງທ່ານ ສອນໄຊ ສີພັນດອນ ຮອງນາຍົກລັດຖະ ມົນຕີ ປະທານຄະນະກຳມະ ການສະເພາະກິດແກ້ໄຂໄພພິ ບັດລະດັບຊາດ ກ່ຽວກັບສະ ພາບ ແລະ ທິດທາງການແກ້ ໄຂໄພພິບັດຢູ່ແຂວງອັດຕະປື ແລະ ສະພາບນ້ຳຖ້ວມ ໃນ ຂອບເຂດທົ່ວປະເທດ, ບັນດາ ທ່ານສະມາຊິກລັດຖະບານ ໄດ້ອອກຄຳເຫັນ ແລະ ປຶກສາ ຫາລືກັນຢ່າງມີຄວາມຮັບຜິດ ຊອບສູງ ຕະຫຼອດສອງວັນທີ່ ຜ່ານມາ, ກອງປະຊຸມໄດ້ພິຈາ ລະນາຢ່າງຖີ່ຖ້ວນ ແລະ ຕົກ ລົງເອົາມາດຕະການຕ່າງໆໃນ ການແກ້ໄຂບັນຫາຕໍ່ໄປດັ່ງນີ້:
1. ຕົກລົງໃຫ້ທຸກພາກ ສ່ວນທີ່ກ່ຽວຂ້ອງ ສຸມທຸກຄວາມ ພະຍາຍາມ ແລະ ນຳໃຊ້ກຳລັງ ແຮງພາຍໃນທີ່ພວກເຮົາມີ ໂດຍສົມທົບກັບກຳລັງຊ່ວຍ ເຫຼືອຈາກບັນດາປະເທດເພື່ອນ ມິດ ເພື່ອສືບຕໍ່ຊອກຄົ້ນຫາຜູ້ ສູນຫາຍ ທີ່ອາດຈະຍັງມີຊີວິດ ຢູ່ ແລະ ນຳເອົາມາທີ່ປອດໄພ. ພ້ອມດຽວກັນນັ້ນ ໃຫ້ສືບຕໍ່ຄົ້ນ ຫາຜູ້ທີ່ເສຍຊີວິດໃຫ້ພົບເຫັນ ແລະ ເກັບກູ້ສົບເອົາມາໃຫ້ໄດ້ ໄວເທົ່າທີ່ຈະໄວໄດ້ ເພື່ອເອົາ ມາສັນນະສູດສົບ ແລະ ເຮັດ ຕາມຮີດຄອງປະເພນີ.
2. ສືບຕໍ່ສ້າງສະຖານທີ່ ພັກເຊົາໃຫ້ປະຊາຊົນທີ່ປະສົບ ໄພ ທີ່ອົບພະຍົບມາເຕົ້າໂຮມ ທີ່ສູນຕ່າງໆນັ້ນໃຫ້ໄວ ແລະ ພຽງພໍກັບຄວາມຕ້ອງການທີ່ ຈຳເປັນໃນເບື້ອງຕົ້ນ ແລະ ເພື່ອໃຫ້ກ້າວສູ່ຄວາມສະຫງົບ ແລະ ຄວາມເປັນລະບຽບຮຽບ ຮ້ອຍເປັນກ້າວໆ, ສືບຕໍ່ເບິ່ງ ແຍງປະຊາຊົນທີ່ປະສົບໄພ ໂດຍສະເພາະແມ່ນໃຫ້ມີອາ ຫານ-ການກິນ, ນ້ຳດື່ມ-ນ້ຳໃຊ້, ດູແລສຸຂະພາບ, ປ້ອງກັນບໍ່ ໃຫ້ເກີດພະຍາດລະບາດ, ປົວ ແປງທາງດ້ານຈິດໃຈ ແລະ ສືບຕໍ່ຊ່ວຍສົງເຄາະ ແລະ ເຮັດ ວຽກງານສະຫວັດດີການອື່ນໆ.
3. ສືບຕໍ່ຈັດແຈງ, ຈັດສົ່ງ ແລະ ແຈກຢາຍອຸປະກອນ ເຄື່ອງມື ແລະ ເຄື່ອງຊ່ວຍເຫຼືອ ບັນເທົາທຸກທີ່ມີຄວາມຕ້ອງ ການຈຳເປັນຮີບດ່ວນ, ສ້າງ ເງື່ອນໄຂໃຫ້ປະຊາຊົນໄດ້ມີຊີ ວິດຢູ່ຢ່າງປອດໄພ, ສ້າງສາທາ ລະນຸປະໂພກໃຫ້ປະຊາຊົນ ໃຫ້ມີຄວາມສະດວກຍິ່ງຂຶ້ນ. ພ້ອມດຽວກັນນັ້ນ ກໍສືບຕໍ່ຄຸ້ມ ຄອງເຄື່ອງບັນເທົາທຸກ ແລະ ແຈກຢາຍໃຫ້ທົ່ວເຖິງ, ຄຸ້ມຄອງ ເງິນຊ່ວຍເຫຼືອ ແລະ ນຳໃຊ້ ຢ່າງຮັດກຸມ, ໂປ່ງໃສ ແລະ ສາ ມາດກວດກາ-ຄຸ້ມຄອງໄດ້.
4. ກອງປະຊຸມຕົກລົງ ແຕ່ງຕັ້ງຄະນະສືບສວນ-ສອບ ສວນຄະນະໜຶ່ງຂຶ້ນ ໂດຍມອບ ໃຫ້ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະ ທານອົງການກວດກາລັດຖະ ບານ ເປັນຫົວໜ້າຄະນະ. ຄະ ນະຮັບຜິດຊອບສືບສວນ-ສອບສວນນີ້ ສາມາດຮັບເອົາ ການຊ່ວຍເຫຼືອທາງດ້ານການ ເງິນ,ເຕັກນິກ ແລະ ຊ່ຽວຊານ ຈາກຕ່າງປະເທດ ທີ່ມີມາດຕະ ຖານສາກົນມາຊ່ວຍພິສູດ, ກວດກາທາງດ້ານເຕັກນິກ, ຊອກໃຫ້ເຫັນສາເຫດທີ່ພາໃຫ້ ມີການແຕກຫັກຂອງເຂື່ອນກັ້ນ ນ້ຳ ແລະ ສາມາດເຊີນຕົວ ແທນຂອງລັດຖະບານຂອງປະ ເທດທີ່ມີບໍລິສັດຜູ້ປະກອບການ ແລະ ຂາຮຸ້ນທີ່ຈົດທະບຽນຢູ່ ມາໃຫ້ຄຳປຶກສາ ຫຼື ສັງເກດ ການ. ທັງນີ້ ກໍແນໃສ່ໃຫ້ການ ສືບສວນ-ສອບສວນ ມີຄຸນນະ ພາບສູງ, ມີຄວາມໂປ່ງໃສ ແລະ ເປັນທີ່ຍອມຮັບຕໍ່ທັງພາຍໃນ ແລະ ຕ່າງປະເທດ. ພາຍຫຼັງມີ ຜົນການສືບສວນ-ສອບສວນ ອອກມາແລ້ວ ຈຶ່ງດຳເນີນການ ໃນບາດກ້າວຕໍ່ໆໄປ. ພ້ອມດຽວ ກັນນັ້ນ ກອງປະຊຸມກໍໄດ້ຕົກ ລົງແຕ່ງຕັ້ງຄະນະກຳມະການ ລະດັບສູງຂອງລັດຖະບານ ເພື່ອກວດກາເຖິງຄວາມຮັບ ຜິດຊອບຂອງເຈົ້າໜ້າທີ່ລັດ ທີ່ກ່ຽວຂ້ອງກັບການອະນຸມັດ ການກໍ່ສ້າງຕະຫຼອດເຖິງການ ເຕືອນໄພລ່ວງໜ້າຕ່າງໆ ທີ່ພົວ ພັນກັບເລື່ອງທີ່ເກີດຂຶ້ນນີ້ ພາຍ ໃຕ້ການຊີ້ນຳຂອງທ່ານຮອງ ນາຍົກລັດຖະມົນຕີ ບຸນທອງ ຈິດມະນີ ປະທານອົງການກວດ ກາລັດຖະບານ.
5. ກອງປະຊຸມຕົກລົງໃຫ້ ຄະນະກຳມະການສະເພາະ ກິດ ແກ້ໄຂໄພພິບັດລະດັບ ຊາດ ແຕ່ງຕັ້ງຄະນະ ເພື່ອດຳ ເນີນການປະເມີນຜົນເສຍຫາຍ ແລະ ຜົນກະທົບຂອງໄພພິບັດ ຄັ້ງນີ້ໂດຍໄວ. ຄຽງຄູ່ກັນນີ້ ກໍໃຫ້ຄະນະດັ່ງກ່າວສ້າງຕັ້ງ ໜ່ວຍງານໜຶ່ງຂຶ້ນ ເພື່ອສ້າງ ແຜນຟື້ນຟູໄພພິບັດທັງສະ ເພາະໜ້າ ແລະ ຍາວນານ ເພື່ອລາຍງານລັດຖະບານ ແລະ ກຳນົດບຸລິມະສິດຂອງ ການລົງທຶນ, ຈັດສັນງົບປະ ມານ ແລະ ເລີ່ມລົງມືດຳເນີນ ການຟື້ນຟູໂດຍໄວ ພາຍຫຼັງ ນ້ຳລົດລົງ.
6. ຕົກລົງແຕ່ງຕັ້ງຄະນະ ຮັບຜິດຊອບກວດກາຄືນທາງ ດ້ານເຕັກນິກ ແລະ ຄຸນນະ ພາບໃນການກໍ່ສ້າງ ແລະ ພັດ ທະນາເຂື່ອນຕ່າງໆ ທີ່ກຳລັງກໍ່ ສ້າງ ແລະ ກໍ່ສ້າງສຳເລັດແລ້ວ ໃນທົ່ວປະເທດຂອງພວກເຮົາ ໂດຍມອບໃຫ້ກະຊວງພະລັງ ງານ ແລະ ບໍ່ແຮ່ ເປັນເຈົ້າການ ສົມທົບກັບກະຊວງໂຍທາທິ ການ ແລະ ຂົນສົ່ງ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງ ວິທະຍາສາດ ແລະ ເຕັກໂນ ໂລຊີ, ຊ່ຽວຊານຈາກສາກົນ ຖ້າກວດເຫັນສິ່ງຜິດປົກກະຕິ ໃນການອອກແບບ ຫຼື ໃນມາດ ຕະຖານກໍ່ສ້າງ ກໍໃຫ້ມີການ ລາຍງານໃຫ້ລັດຖະບານ ເປັນ ແຕ່ລະກໍລະນີ ເພື່ອເອົາມາດ ຕະການປັບປຸງແກ້ໄຂ. ພ້ອມ ກັນນີ້ ລັດຖະບານຈະໃຫ້ໂຈະ ຊົ່ວຄາວໃນການພິຈາລະນາ ຮັບເອົາການສະເໜີໂຄງການ ໃໝ່ໄວ້ກ່ອນ ເພື່ອສຶກສາຄືນ ໃໝ່ຍຸດທະສາດ ແລະ ແຜນ ພັດທະນາເຂື່ອນໄຟຟ້າ ໃນ ສປປ ລາວ ຕໍ່ໄປ ເພື່ອເປັນ ບ່ອນອີງໃຫ້ການດຳເນີນການ ຕໍ່ໄປ;
7. ຍ້ອນວ່າໃນໄລຍະນີ້ ໃນທົ່ວປະເທດກຳລັງຖືກຄຸກ ຄາມຈາກໄພນ້ຳຖ້ວມ ຈຶ່ງໃຫ້ ຄະນະກຳມະການປ້ອງກັນ ແລະ ຄຸ້ມຄອງໄພພິບັດແຫ່ງ ຊາດສືບຕໍ່ຕິດຕາມ, ກວດກາ ແລະ ສະຫຼຸຸບລາຍງານສະພາບ ນ້ຳຖ້ວມ ໃນຂອບເຂດທົ່ວປະ ເທດຢ່າງເປັນປະຈຳ ພ້ອມທັງ ຮີບຮ້ອນ ປະສານງານກັບທ້ອງ ຖິ່ນ ເພື່ອໃຫ້ການຊ່ວຍເຫຼືອແກ່ ປະຊາຊົນຢ່າງທັນການ. ພ້ອມ ນີ້, ກໍໃຫ້ສືບຕໍ່ເອົາໃຈໃສ່ຕິດ ຕາມສະພາບດິນຟ້າອາກາດ ໃນຂອບເຂດທົ່ວປະເທດ ແລະ ແຈ້ງເຕືອນໄພພິບັດໃຫ້ທົ່ວເຖິງ ແລະ ທັນການ, ໂດຍມອບໃຫ້ ຂະແໜງການ ແລະ ທ້ອງຖິ່ນ ເອົາໃຈໃສ່ ແລະ ກຽມຄວາມພ້ອມ ໃນການເຄື່ອນຍ້າຍປະຊາຊົນ ຖ້າ ຫາກມີສະພາບຄວາມສ່ຽງໄພກໍ ໃຫ້ມີການເຕືອນໄພ ລ່ວງໜ້າ ຢ່າງທັນການ, ໃຫ້ພາກສ່ວນທີ່ ກ່ຽວຂ້ອງເຝົ້າລະວັງ, ຢູ່ປະຈຳ ການ ທຸກໆເຂື່ອນໄຟຟ້ານ້ຳຕົກ ໃນທົ່ວປະເທດ, ມີການຈັດ ການ ການບໍລິຫານນ້ຳຢູ່ເຂື່ອນ ຕ່າງໆ ຢ່າງເໝາະສົມ ເພື່ອ ປ້ອງກັນອຸປະຕິເຫດບໍ່ໃຫ້ເກີດ ຂຶ້ນໄດ້,
8. ກອງປະຊຸມລັດຖະ ບານສະໄໝວິສາມັນຄັ້ງນີ້ ໄດ້ ສະແດງຄວາມຂອບອົກຂອບ ໃຈຕໍ່ບັນດາປະເທດເພື່ອນມິດ ທັງຢູ່ໃກ້ ແລະ ໄກ ແລະ ອົງ ການຈັດຕັ້ງສາກົນຕ່າງໆຕໍ່ກັບ ຄວາມຫ່ວງໄຍ ພ້ອມທັງໄດ້ສົ່ງ ກຳລັງໃຈ, ໃຫ້ການສະໜັບສະ ໜູນ ແລະ ໃຫ້ການຊ່ວຍເຫຼືອ ທາງດ້ານທຶນຮອນ, ເຄື່ອງອຸປະ ກອນ ແລະ ເຄື່ອງອຸປະໂພກ-ບໍລິໂພກທີ່ຈຳເປັນ ຢ່າງທັນກັບ ສະພາບ ແກ່ລັດຖະບານ ແລະ ປະຊາຊົນລາວ ເພື່ອຊ່ວຍ ແກ້ໄຂສຸກເສີນແກ່ຜູ້ປະສົບ ກັບໄພພິບັດໃນຄັ້ງນີ້. ຂໍສະ ແດງຄວາມຂອບໃຈເປັນພິ ເສດຕໍ່ໜ່ວຍກູ້ໄພ ແລະ ອາສາ ສະໝັກຈາກປະເທດເພື່ອນມິດ ໂດຍສະເພາະຈາກ ສສ ຫວຽດ ນາມ, ສປ. ຈີນ, ຣາຊະອານາ ຈັກໄທ, ສ. ເກົາຫຼີ, ສ. ສິງກະ ໂປ ແລະ ປະເທດອື່ນໆ ທີ່ມາ ສົມທົບກັບໜ່ວຍກູ້ໄພພາຍໃນ ປະເທດຂອງພວກເຮົາ ດຳເນີນ ການກູ້ໄພ ແລະ ຊ່ວຍເຫຼືອຜູ້ ປະສົບໄພ ດ້ວຍຄວາມເສຍ ສະຫຼະ, ທໍລະຫົດ-ອົດທົນ ແລະ ດ້ວຍຈິດໃຈ ມະນຸດສະທຳອັນ ສູງສົ່ງ, ປະຊາຊົນລາວບັນດາ ເຜົ່າສຸດທິຊາບຊຶ້ງ, ຂອບໃຈ ແລະ ເປັນບຸນຄຸນຢ່າງສູງຕໍ່ນ້ຳ ໃຈໄມຕີດັ່ງກ່າວ ຢ່າງບໍ່ມີວັນ ຈະຫຼົງລືມໄດ້;
9. ກອງປະຊຸມຂໍສະແດງ ຄວາມຂອບໃຈຕໍ່ປະຊາຊົນ ລາວບັນດາເຜົ່າໃນຂອບເຂດ ທົ່ວປະເທດ ທີ່ໄດ້ມີຄວາມຫວ່ງ ໄຍ ຢ່າງຈົດຈໍຕໍ່ເຫດການໃນຄັ້ງ ນີ້ ແລະ ໄດ້ເສຍສະລະທັງກຳ ລັງຊັບ ແລະ ກຳລັງແຮງຂອງ ທຸກໆຄົນ ສຸມໃສ່ຊ່ວຍເຫຼືອດ້ວຍ ຄວາມເຫຼື້ອມໃສຢ່າງແທ້ຈິງ.
ຂໍຍ້ອງຍໍສັນລະເສີນກຳ ລັງທະຫານ, ກຳລັງຕຳຫຼວດ, ໜ່ວຍອາສາສະໝັກ,ແພດ-ໝໍ, ນັກຂ່າວ ແລະ ສື່ມວນຊົນທັງ ພາຍໃນ ແລະ ຕ່າງປະເທດ. ຊົມເຊີຍພະນັກງານ-ລັດຖະ ກອນທຸກໆອົງການຈັດຕັ້ງພັກ - ລັດ, ອົງການຕັ້ງມະຫາຊົນ, ແນວລາວສ້າງຊາດ, ຜູ້ປະກອບ ການ, ນັກທຸລະກິດ, ຄູບາອາ ຈານ, ນັກສິນລະປິນ ແລະ ປະ ຊາຊົນລາວທຸກຫົນແຫ່ງທັງ ພາຍໃນ ແລະ ຕ່າງປະເທດ ທີ່ ໄດ້ປະກອບສ່ວນ ແລະ ສະ ແດງອອກເຖິງກຳລັງແຮງແຫ່ງ ຄວາມສາມັກຄີ ເປັນຈິດໜຶ່ງໃຈ ດຽວ ໃນການຊ່ວຍເຫຼືອປະຊາ ຊົນລາວ ທີ່ໄດ້ຮັບຜົນກະທົບ ຈາກໄພພິບັດ ໃນຄັ້ງນີ້ ຊຶ່ງເປັນ ການແບ່ງເບົາເຫດການຄັ້ງນີ້ ໃຫ້ຫຼຸຸດຜ່ອນລົງ.
ຂໍສະແດງຄວາມຮູ້ບຸນ ຄຸນ ຕໍ່ສະຫາຍເລຂາທິການ ໃຫຍ່, ປະທານປະເທດ ບຸນຍັງ ວໍລະຈິດ ທີ່ໄດ້ໃຫ້ການເອົາໃຈ ໃສ່ຊີ້ນຳ ແລະ ໃຫ້ກຳລັງໃຈຕໍ່ຜູ້ ປະຕິບັດໜ້າທີ່ຢ່າງໃກ້ສິດ.ຂອບໃຈຕໍ່ບັນດາສະຫາຍ ກຳ ມະການກົມການເມືອງ ແລະ ຄະນະເລຂາທິການສູນກາງ ພັກ, ພະນັກງານອາວຸໂສ, ບັນ ດາທ່ານລັດຖະມົນຕີ, ອົງການ ປົກຄອງທ້ອງຖິ່ນ, ໂດຍສະ ເພາະແມ່ນແຂວງອັດຕະປື ທີ່ໄດ້ໃຫ້ຄວາມເອົາໃຈໃສ່ຕິດ ຕາມ, ຊີ້ນຳການປະຕິບັດໜ້າ ທີ່ຂອງລັດຖະບານ. ຂອບໃຈຕໍ່ ສະມາຊິກສະພາແຫ່ງຊາດ, ສະພາທ້ອງຖິ່ນ, ບັນດາອົງ ການນິຕິບັນຍັດ, ອົງການຕຸລາ ການ, ອົງການຈັດຕັ້ງທາງສັງ ຄົມ, ສະພາການຄ້າ ແລະ ອຸດ ສາຫະກຳ, ສະມາຄົມທຸລະກິດ ລວມທັງນັກປະດິດຄິດແຕ່ງ, ນັກຮ້ອງ ທີ່ໄດ້ສະແດງຄວາມ ຮູ້ສຶກ ແລະ ສົ່ງກຳລັງໃຈໃຫ້ແກ່ ຜູ້ປະສົບໄພ ແລະ ຜູ້ກຳລັງປະ ຕິບັດໜ້າທີ່ຢູ່ນັ້ນ ໃຫ້ມີກຳລັງ ໃຈ ແລະ ກຳລັງກາຍ ເພື່ອຕໍ່ສູ້ ກັບຜົນຮ້າຍຂອງມະຫາຕະໄພ ໃນຄັ້ງນີ້. ຂອບໃຈອົງການຈັດ ຕັ້ງຂອງພັກ, ລັດຖະບານ, ທະ ຫານ, ຕຳຫຼວດ, ອົງການຈັດ ຕັ້ງມະຫາຊົນ, ອົງການແນວ ລາວສ້າງຊາດ, ສະພາແຫ່ງ ຊາດ, ອົງການນິຕິບັນຍັດ, ອົງ ການຕຸລາການ, ອົງການຈັດ ຕັ້ງທາງສັງຄົມ, ສະມາຄົມທຸ ລະກິດ ແລະ ບັນດາບໍລິສັດ ຫ້າງຮ້ານຕ່າງໆ ທີ່ໄດ້ໃຫ້ການ ຊ່ວຍເຫຼືອທາງດ້ານຊັບສິນ, ວັດຖຸສິ່ງຂອງ ແລະ ກຳລັງແຮງ ເພື່ອປະກອບສ່ວນໃຫ້ແກ່ການ ແກ້ໄຂໄພພິບັດໃນຄັ້ງນີ້, ໂດຍ ໄດ້ມີການເຕົ້າໂຮມເຄື່ອງຊ່ວຍ ເຫຼືອ ແລະ ນຳໄປມອບໃຫ້ຜູ້ ປະສົບໄພ ເຫັນວ່າສິ່ງເຫຼົ່ານັ້ນ ເປັນຄຸນຄ່າທາງດ້ານຈິດໃຈ ທີ່ ບໍ່ສາມາດປະເມີນໄດ້;
10. ຈາກທຸກໆສິ່ງທີ່ກ່າວ ມາຂ້າງເທິງນັ້ນ ພວກເຮົາເຊື່ອ ວ່າຈະສາມາດຜ່ານຜ່າອຸປະ ສັກ ແລະ ຄວາມຫຍຸ້ງຍາກໄປ ໄດ້ຢ່າງແນ່ນອນ. ໃນໂອກາດ ນີ້ຂ້າພະເຈົ້າຮຽກຮ້ອງມາຍັງພີ່ ນ້ອງຮ່ວມຊາດ ໃນທົ່ວປະເທດ, ເວລານີ້ ຍິ່ງກວ່າເວລາໃດໝົດ ພວກເຮົາຕ້ອງເພີ່ມທະວີຄວາມ ສະໜານສາມັກຄີກັນຢ່າງເປັນ ປຶກແຜນ, ສືບຕໍ່ມູນເຊື້ອວິລະ ຊົນຂອງຊາດເຮົາ, ສືບຕໍ່ປົກ ປັກຮັກສາມູນເຊື້ອວັດທະນະ ທຳອັນດີງາມຂອງຊາດເຮົາໄວ້ ຕະຫຼອດໄປ. ຂໍຮຽກຮ້ອງມາ ຍັງພະນັກງານ, ທະຫານ, ຕຳ ຫຼວດຢູ່ບັນດາຂະແໜງການ ທັງສູນກາງ ແລະ ທ້ອງຖິ່ນໃຫ້ ຍົກສູງຄວາມຮັບຜິດຊອບ ແລະ ຄວາມເປັນເຈົ້າການໃນ ການປະຕິບັດວຽກງານຂອງ ຕົນໃຫ້ສູງກວ່າເວລາປົກກະຕິ ເພື່ອພ້ອມກັນສູ້ຊົນແກ້ໄຂບັນ ຫາໄພພິບັດໃນຄັ້ງນີ້ ໃຫ້ສຳ ເລັດ ແລະ ລຸລ່ວງໄປໂດຍດີ;
11. ຂໍມອບໝາຍໃຫ້ຄະນະ ກຳມະການສະເພາະກິດ ແກ້ ໄຂໄພພິບັດລະດັບຊາດ ແລະ ຄະນະກຳມະການປ້ອງກັນ ແລະ ຄຸ້ມຄອງໄພພິບັດແຫ່ງ ຊາດ ແລະ ທຸກພາກສ່ວນໃນກົງ ຈັກ ຂອງພັກ ແລະ ລັດ ຈົ່ງພ້ອມ ກັນຜັນຂະຫຍາຍຈິດໃຈຊີ້ນຳ ຂອງກອງປະຊຸມລັດຖະບານ ສະໄໝວິສາມັນໃນຄັ້ງນີ້ ໃຫ້ ເປັນແຜນວຽກລະອຽດ ທັງໃນ ສະເພາະໜ້າ ແລະ ຍາວນານ ເພື່ອຈັດຕັ້ງປະຕິບັດໃຫ້ມີປະ ສິດທິຜົນ ພ້ອມທັງສະຫຼຸຸບລາຍ ງານໃຫ້ລັດຖະບານ ຢ່າງທັນ ການໃນການຈັດຕັ້ງປະຕິບັດ ໃນແຕ່ລະໄລຍະ. ກອງປະຊຸມໃນຄັ້ງນີ້, ຍັງ ໄດ້ຍາດເວລາພິຈາລະນາຮັບ ຮອງເອົາກົດໝາຍຈຳນວນ 3 ສະບັບຄື:
1. ກົດໝາຍວ່າດ້ວຍທີ່ດິນ;
2. ກົດໝາວ່າດ້ວຍຄົນພິ ການ;
3. ກົດໝາຍວ່າດ້ວຍການ ປ້ອງກັນຄວາມປອດໄພດ້ານ ລັງສີ ແລະ ນິວເຄຼຍ.
ທັງໝົດນັ້ນ, ແມ່ນຜົນຂອງ ກອງປະຊຸມລັດຖະບານ ສະ ໄໝວິສາມັນປະຈຳເດືອນສິງ ຫາ 2018. ສຳລັບກອງປະຊຸມ ສະໄໝສາມັນ ປະຈຳເດືອນນີ້, ຄາດວ່າຈະດຳເນີນໃນວັນທີ 22-24 ສິງຫາ 2018.