ທ່ານ ບຸນທອງ ຈິດມະນີ ເຄື່ອນໄຫວກວດກາບັນດາເຂື່ອນໄຟຟ້າ ຢູ່ແຂວງຫຼວງພະບາງ


...

10.08.2018 9:49     

   ໃນລະຫວ່າງວັນທີ 8-9 ສິງຫາ 2018, ທ່ານ ບຸນທອງ ຈິດມະນີ ກຳມະການກົມການ ເມືອງສູນກາງພັກ ເລຂາທິ ການສູນກາງພັກ ຮອງນາຍົກ ລັດຖະມົນຕີ ປະທານຄະນະ ກວດກາສູນກາງພັກ ແລະ ອົງ ການກວດກາລັດຖະບານ ຫົວ ໜ້າອົງການຕ້ານການສໍ້ລາດ ບັງຫຼວງຂັ້ນສູນກາງ ໄດ້ເດີນ ທາງໄປກວດກາການບໍລິຫານ ຈັດການນ້ຳຂອງເຂື່ອນໄຟຟ້າ ພະລັງງານນ້ຳຕ່າງໆທີ່ນອນຢູ່ ໃນແຂວງຫຼວງພະບາງ ເປັນ ຕົ້ນເຂື່ອນໄຟຟ້ານ້ຳຄານ 2, ນ້ຳຄານ 3, ນ້ຳອູ 1 ແລະ 2 ໂດຍມີທ່ານ ຄຳມະນີ ອິນທິ ລາດ ລັດຖະມົນຕີກະຊວງພະ ລັງງານ ແລະ ບໍ່ແຮ່ ແລະ ພາກ ສ່ວນທີ່ກ່ຽວຂ້ອງເດີນທາງ ຕິດຕາມນຳ ໂດຍການຕ້ອນ ຮັບຈາກທ່ານ ບົວທອງ ແພງ ສະຫວັນ ປະທານຄະນະກວດ ກາພັກ ອົງການກວດກາລັດ ແຂວງຫຼວງພະບາງ ພ້ອມດ້ວຍ ຄະນະ. ໃນໂອກາດທີ່ທ່ານເຄື່ອນ ໄຫວຄັ້ງນີ້ກໍໄດ້ຮັບຟັງການລາຍ ງານຈາກຜູ້ອຳນວຍການແຕ່ ລະເຂື່ອນກ່ຽວກັບການຄຸ້ມຄອງ, ການບໍລິຫານຈັດການນ້ຳ, ການກວດຄືນບັນດາເຕັກນິກ ການກໍ່ສ້າງ ລວມທັງການລາຍ ງານລະດັບນ້ຳໃຫ້ອຳນາດການ ປົກຄອງທ້ອງຖິ່ນ ແລະ ປະຊາ ຊົນໃຫ້ຮັບຊາບເປັນແຕ່ລະໄລ ຍະ ລວມໄປເຖິງການແກ້ຂ່າວ ທີ່ຄົນຈຳນວນໜຶ່ງສ້າງກະແສ ຂຶ້ນມາ ໃນສັງຄົມອອນລາຍກ່ຽວກັບ ເຂື່ອນ. ຈາກນັ້ນ, ທ່ານຍັງໄດ້ໃຫ້ ກຽດໂອ້ລົມ ແລະ ໃຫ້ທິດຊີ້ນຳ ຄະນະອຳນວຍການ, ຄະນະຮັບ ຜິດຊອບບັນດາເຂື່ອນ ແລະ ອຳນາດການປົກຄອງທ້ອງຖິ່ນ ໂດຍທ່ານໄດ້ເນັ້ນໜັກໃຫ້ຄະ ນະຮັບຜິດຊອບເຂື່ອນໃຫ້ມີສະ ຕິ, ມີຄວາມລະມັດລະວັງ ໃນ ການບໍລິຫານຈັດການນ້ຳໜ້າ ເຂື່ອນ ເພື່ອຮອງຮັບປະລິມານ ນ້ຳທີ່ຈະເພີ່ມຂຶ້ນໃນແຕ່ລະໄລ ຍະ, ເອົາໃຈໃສ່ຕິດຕາມສະ ພາບດິນຟ້າອາກາດຈາກກົມອຸ ຕຸນິຍົມ ແລະ ອຸທົກກະສາດ ກະຊວງຊັບພະຍາກອນທຳມະ ຊາດ ແລະ ສິ່ງແວດລ້ອມເປັນ ປະຈຳ, ຮັກສາການປ່ອຍນ້ຳ ໃຫ້ຢູ່ໃນລະດັບປອດໄພຈົນກວ່າ ລະດູຝົນຈະຜ່ານໄປ, ໃຫ້ຄະ ນະຮັບຜິດຊອບບັນດາເຂື່ອນ ກວດກາຄືນບັນດາເຕັກນິກ ການກໍ່ສ້າງ, ສະຖານທີ່ມີຄວາມ ສ່ຽງຕ່າງໆ ຖ້າຫາກມີສິ່ງຜິດ ປົກກະຕິໃຫ້ຮີບຮ້ອນຫາວິທີແກ້ ໄຂຢ່າງຮີບດ່ວນ ພ້ອມກັນນີ້ ກໍຕ້ອງມີສະຕິເປັນເຈົ້າການ ໃນການຮັກສາຄວາມປອດ ໄພໃນບໍລິເວນໜ້າເຂື່ອນ, ສັນ ເຂື່ອນ ແລະ ບໍລິເວນອື່ນໆ ພ້ອມທັງປະກອບອຸປະກອນ ເຕັກນິກທີ່ທັນສະໄໝເຂົ້າໃນ ການຮັກສາຄວາມປອດໄພຕື່ມ ອີກ ເປັນຕົ້ນກ້ອງວົງຈອນປິດ, ລະບົບເຕືອນໄພ. ສ່ວນອຳ ນາດການປົກຄອງທ້ອງຖິ່ນ ຕ້ອງເອົາໃຈໃສ່ໃນການລະດົມ ແລະ ຈັດສັນເຮືອນຊານຂອງ ປະຊາຊົນໃຫ້ຕັ້ງຢູ່ໃນເຂດທີ່ ປອດໄພ ແລະ ບໍ່ມີຄວາມສ່ຽງ, ຍົກຍ້າຍຈຳນວນທີ່ຕັ້ງຢູ່ໃນ ເຂດທີ່ມີນ້ຳຖ້ວມເປັນປະຈຳຢູ່ ເຂດທີ່ສູງ ແລະ ປອດໄພ ເພື່ອ ບໍ່ໃຫ້ເກີດບັນຫາອຸທົກກະໄພ ຊ້ຳຊາກອີກ. ໃນໂອກາດດຽວກັນນີ້, ທ່ານຮອງນາຍົກ ພ້ອມດ້ວຍ ຄະນະ ກໍໄດ້ໄປຢ້ຽມຢາມປະ ຊາຊົນບ້ານຈັດສັນສາມັກຄີໄຊ ເມືອງຊຽງເງິນ ແຂວງຫຼວງພະ ບາງ ທີ່ໄດ້ຮັບຜົນກະທົບຈາກ ດິນເຈື່ອນທັບເຮືອນ ອັນເນື່ອງ ມາຈາກຝົນຕົກແຮງ ຈາກນັ້ນ ທ່ານຮອງນາຍົກຍັງລົງເຄື່ອນ ໄຫວເຮັດວຽກ ແລະ ໂອ້ລົມພະ ນັກງານການນຳຢູ່ເມືອງປາກ ອູ ແລະ ໄດ້ມອບເງິນຈຳນວນ 50 ລ້ານກີບ ແລະ ເຄື່ອງຊ່ວຍ ເຫຼືອຈຳນວນໜຶ່ງໃຫ້ເມືອງປາກອູ. (ຂ່າວ-ພາບ: ວາລະສານກວດ ກາ)