ປະກອບຄຳເຫັນກ່ຽວກັບຊື່ເອີ້ນວ່າ ບຣູ


...

10.08.2018 9:53     

   ກຳມາທິການບັນດາເຜົ່າ ສະພາແຫ່ງຊາດ ຮ່ວມກັບສູນ ກາງແນວລາວສ້າງຊາດ ກະ ຊວງພາຍໃນ ແລະ ສະຖາບັນ ວິທະຍາສາດສັງຄົມແຫ່ງຊາດ ໄດ້ຈັດກອງປະຊຸມເປີດກວ້າງ ປະກອບຄຳເຫັນກ່ຽວກັບຊົນ ເຜົ່າທີ່ມີຊື່ເອີ້ນວ່າ ບຣູ ໃນວັນທີ 9 ສິງຫາ ນີ້ ທີ່ສູນຝຶກອົບຮົມ ແນວລາວສ້າງຊາດພາຍໃຕ້ ການເປັນປະທານຂອງທ່ານ ແສງນວນ ໄຊຍະລາດ ຮອງປະ ທານສະພາແຫ່ງຊາດ, ມີພາກ ສ່ວນກ່ຽວຂ້ອງເຂົ້າຮ່ວມ. ທ່ານ ແສງນວນ ໄຊຍະ ລາດ ໄດ້ກ່າວບາງຕອນວ່າ: ປະ ເທດລາວປະກອບດ້ວຍຫຼາຍ ຊົນເຜົ່າທີ່ມີພາສາປາກເວົ້າ, ຮີດຄອງປະເພນີ ແລະ ການ ເຊື່ອຖືທີ່ແຕກຕ່າງກັນ ຊຶ່ງຍາມ ໃດພັກ-ລັດ ກໍໄດ້ເອົາໃຈໃສ່ ແລະ ຖືສຳຄັນຕໍ່ວຽກງານຊົນ ເຜົ່າ ໂດຍສະເພາະແມ່ນຊື່ເອີ້ນ ຂອງແຕ່ລະຊົນເຜົ່າ ໃຫ້ຖືກກັບ ຈຸດພິເສດຂອງຊົນເຜົ່າຢູ່ໃນ ລາວ, ຖືກກັບຊື່ຕົວຈິງຂອງເຂົາ ເຈົ້າມັກ. ພ້ອມກັນນີ້, ກໍເພື່ອ ກຳຈັດ, ແກ້ໄຂ ແລະ ກ້າວໄປ ເຖິງການລຶບລ້າງຊື່ຊົນເຜົ່າ ທີ່ ມີລັກສະນະສຽດສີ, ດູຖູກໝິ່ນ ປະໝາດ ແລະ ພາໃຫ້ເກີດ ມີການອາຄາດບາດໝາງກັນ. ສະນັ້ນ, ກອງປະຊຸມຄັ້ງນີ້ ແມ່ນ ຈະໄດ້ຮັບຟັງການລາຍງານ ຜົນການຈັດກອງປະຊຸມຄົ້ນ ຄວ້າປະກອບຄຳຄິດຄຳເຫັນ ກ່ຽວກັບຊົນເຜົ່າທີ່ມີຊື່ເອີ້ນວ່າ: ບຣູ ຢູ່ແຂວງສະຫວັນນະເຂດ ເພື່ອໃຫ້ຜູ້ເຂົ້າຮ່ວມປະຊຸມໄດ້ ຮັບຊາບ ແລະ ຮຽກຮ້ອງໃຫ້ບັນ ດາຜູ້ເຂົ້າຮ່ວມສຸມສະຕິປັນຍາ ປະກອບຄຳຄິດເຫັນໃຫ້ກອງ ປະຊຸມໄດ້ຮັບຜົນສຳເລັດ ເພື່ອ ນຳເຂົ້າພິຈາລະນາ ໃນກອງປະ ຊຸມສະໄໝສາມັນເທື່ອທີ 6 ຂອງ ສະພາແຫ່ງຊາດ ຊຸດທີ VIII ທີ່ຈະຈັດຂຶ້ນໃນທ້າຍປີ 2018. (ຂ່າວ+ພາບ: ແສງຈັນ)