ມອບ - ຮັບໂຄງການຂະຫຍາຍອາຄານ ຜູ້ໂດຍສານສະໜາມບິນວັດໄຕ


...

10.08.2018 10:17     

   ພິທີມອບ-ຮັບໂຄງການ ຂະຫຍາຍອາຄານຜູ້ໂດຍສານ ສະໜາມບິນສາກົນວັດໄຕຈັດຂຶ້ນ ໃນວັນທີ 9 ສິງຫາ ທີ່ສະໜາມ ບິນສາກົນວັດໄຕ ໂດຍການ ເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ມີທ່ານ ຄາຊຸຢູກິ ນາກະເນະ ຮອງລັດຖະມົນຕີກະຊວງການ ຕ່າງປະເທດແຫ່ງປະເທດຍີ່ ປຸ່ນ, ມີທ່ານເອກອັກຄະລາຊະ ທູດຍີ່ປຸ່ນ ປະຈຳລາວ, ມີແຂກ ຖືກເຊີນ ແລະ ພາກສ່ວນທີ່ ກ່ຽວຂ້ອງເຂົ້າຮ່ວມ. ໃນພິທີ, ທ່ານ ບຸນຈັນ ສິນທະວົງ ລັດຖະມົນຕີກະຊວງ ໂຍທາທິການ ແລະ ຂົນສົ່ງໄດ້ ມີຄຳເຫັນວ່າ: ໃນໄລຍະຜ່ານ ມາ, ລັດຖະບານ ແລະ ປະຊາ ຊົນຍີ່ປຸ່ນໄດ້ໃຫ້ການສະໜັບ ສະໜູນຊ່ວຍເຫຼືອດ້ານການ ເງິນໃຫ້ລັດຖະບານ ແລະ ປະ ຊາຊົນລາວຈຳນວນຫຼວງຫຼາຍ ເຂົ້າໃນການພັດທະນາວຽກ ງານການບິນພົນລະເຮືອນເຊັ່ນ: ໂຄງການກໍ່ສ້າງຫໍບັນຊາການ ບິນ ແລະ ສູນດັບເພີງ ໃນປີ 1999, ໂຄງການກໍ່ສ້າງອາຄານ ຜູ້ໂດຍສານສາກົນໃນປີ 1996, ໂຄງການຂະຫຍາຍລານ ຈອດ ເຮືອບິນສະໜາມບິນສາກົນ ວັດໄຕ ນະຄອນຫຼວງວຽງຈັນ ໃນປີ 2012 ແລະ ໂຄງການ ອື່ນໆ ຊຶ່ງລ້ວນແຕ່ມີຜົນສຳເລັດ ຢ່າງຈົບງາມ ແລະ ມີປະສິດທິ ຜົນສູງ. ສຳລັບໃນປີ 2015 ລັດຖະ ບານ ສປປ ລາວ ໄດ້ຮັບເງິນກູ້ ດອກເບ້ຍຜ່ອນຜັນ ຈາກລັດຖະ ບານຍີ່ປຸ່ນ ຜ່ານອົງການໄຈກາ ຈຳນວນ 9.017 ລ້ານເຢັນ ເພື່ອ ສືບຕໍ່ຂະຫຍາຍອາຄານຜູ້ໂດຍ ສານສະໜາມບິນສາກົນນະ ຄອນຫຼວງວຽງຈັນໃຫ້ມີຄວາມ ທັນສະໄໝ ແລະ ສາມາດຮອງ ຮັບຈຳນວນຜູ້ໂດຍສານທີ່ເພີ່ມ ຂຶ້ນຈາກ 520.000 ເທື່ອຄົນ ໃນ ປີ 2011 ມາເປັນ 1,38 ລ້ານ ເທື່ອຄົນ ໃນປີ 2017 ແລະ ຄາດຄະເນຈະເພີ່ມຂຶ້ນເຖິງ 3 ລ້ານເທື່ອຄົນ ໃນປີ 2028. ໂຄງການຂະຫຍາຍອາ ຄານຜູ້ໂດຍສານສະໜາມບິນ ແຫ່ງນີ້ ເປັນໂຄງການໜຶ່ງທີ່ມີ ຄວາມໝາຍສຳຄັນຍິ່ງໃນການ ພັດທະນາວຽກງານການບິນ ພົນລະເຮືອນ ເພື່ອຮັບຮອງ ເອົາຈຳນວນຜູ້ໂດຍສານທີ່ຈະ ເພີ່ມຂຶ້ນໃນແຕ່ລະປີແລ້ວ, ຍັງ ເປັນການອຳນວຍຄວາມສະ ດວກໃຫ້ແກ່ການບໍລິການໃນ ການຂົນສົ່ງໂດຍສານ ແລະ ສິນ ຄ້າທາງອາກາດ, ຊຸກຍູ້ສົ່ງເສີມ ການຜະລິດການຈໍລະຈອນ ສິນຄ້າ. ສ້າງເງື່ອນໄຂອຳນວຍ ຄວາມສະດວກໃຫ້ແກ່ການລົງ ທຶນ, ການຄ້າ, ການທ່ອງທ່ຽວ ແລະ ການບໍລິການຕ່າງໆ, ຊຶ່ງ ເປັນການປະກອບສ່ວນເຂົ້າ ໃນການພັດທະນາເສດຖະກິດ - ສັງຄົມ ຂອງ ສປປ ລາວ ໃຫ້ຈະ ເລີນຮຸ່ງເຮືອງ ທັງເປັນການຜັນ ຂະຫຍາຍການຮ່ວມມື ຂອງ ສອງລັດຖະບານ ແລະ ປະຊາ ຊົນສອງຊາດ ລາວ-ຍີ່ປຸ່ນ ນຳ ອີກດ້ວຍ. ໂຄງການດັ່ງກ່າວໄດ້ເລີ່ມ ຈັດຕັ້ງປະຕິບັດມາຕັ້ງແຕ່ວັນທີ 9 ທັນວາ 2015 ຊຶ່ງມາຮອດ ປັດຈຸບັນ ໂຄງການ ແມ່ນໄດ້ສຳ ເລັດການກໍ່ສ້າງ ແລ້ວ 100% ດ້ວຍໄລຍະເວລາການກໍ່ສ້າງ ທັງໝົດ 32 ເດືອນ. ໃນນີ້, ໜ້າວຽກທີ່ປະຕິ ບັດສຳເລັດໄດ້ລວມມີ: ວຽກອາ ຄານຜູ້ໂດຍສານສາກົນ ໄດ້ຂະ ຫຍາຍເນື້ອທີ່ 13.539 m2, ວຽກ ປັບປຸງພື້ນທີ່ເນື້ອທີ່ 3.311 m2, ກໍ່ສ້າງອາຄານຜູ້ໂດຍສານພາຍ ໃນຫຼັງໃໝ່ເນື້ອທີ່ 7.229 m2, ກໍ່ສ້າງອາຄານຜູ້ໂດຍສານພາຍ ໃນຊົ່ວຄາວເນື້ອທີ່ 700 m2, ອາຄານບຳລຸງຮັກສາສ້ອມ ແປງສະໜາມບິນ, ທາງແລ່ນ Taxiway, ກໍ່ສ້າງລານຈອດ ລົດ ແລະ ວຽກຕິດຕັ້ງບັນດາ ອຸປະກອນອຳນວຍຄວາມສະ ດວກຕ່າງໆຈຳນວນໜຶ່ງ. ໃນໂອກາດນີ້, ທ່ານ ສົມດີ ດວງດີ, ທ່ານ ບຸນຈັນ ສິນທະວົງ ແລະ ທ່ານ ຄາຊຸຢູກິ ນາກະ ເນະ ພ້ອມດ້ວຍແຂກຖືກເຊີນໄດ້ ຮ່ວມຕັດແຖບຜ້າເປີດການນຳ ໃຊ້ອາຄານດັ່ງກ່າວຢ່າງເປັນທາງ ການ. (ຂ່າວ: ປຊຊ)