ສະເຫຼີມສະຫຼອງວັນຊາດສິງກະໂປ


...

10.08.2018 9:53     

   ສະຖານເອກອັກຄະລັດ ຖະທູດ ສິງກະໂປ ປະຈຳ ສປປ ລາວ ໄດ້ຈັດພິທີສະເຫຼີມສະ ຫຼອງວັນຊາດ ສາທາລະນະລັດ ສິງກະໂປ ຄົບຮອບ 53 ປີ ຂຶ້ນ ໃນວັນທີ 8 ສິງຫາ ທີ່ໂຮງແຮມ ເມີກຽວ ນະຄອນຫຼວງວຽງຈັນ ໂດຍມີທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກຳ ແລະ ການຄ້າ, ທ່ານ ນາງ ຄຳເພົາ ເອີນທະວັນ ຮອງລັດຖະມົນຕີກະຊວງການ ຕ່າງປະເທດ, ມີບັນດາທູຕານຸ ທູດ, ພ້ອມດ້ວຍແຂກຖືກເຊີນເຂົ້າ ຮ່ວມ. ໃນພິທີ, ທ່ານ ໂດມີນິກ ໂກ (Dominic Goh) ເອກອັກຄະ ລັດຖະທູດວິສາມັນຜູ້ມີອຳນາດ ເຕັມ ແຫ່ງ ສາທາລະນະລັດ ສິງກະໂປ ປະຈຳລາວ ກ່າວວ່າ: ປະເທດສິງກະໂປ ໄດ້ສະ ເຫຼີມ ສະຫຼອງວັນຊາດຂຶ້ນ, ສິງກະ ໂປເປັນປະເທດນ້ອຍແຕ່ກໍ ປະສົບຜົນສຳເລັດເປັນຢ່າງດີ. ລາວ-ສິງກະໂປ ມີສາຍພົວພັນ ທີ່ດີນຳກັນ, ເດືອນພຶດສະພາ ທີ່ຜ່ານມານີ້, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ໄປຢ້ຽມຢາມ ສິງກະໂປຢ່າງເປັນທາງການ, ພາຍໃຕ້ການຮ່ວມມື ລາວ-ສິງກະໂປ ໄດ້ອົບຮົມໃຫ້ພະ ນັກງານລັດຖະກອນຂອງລາວ ຫຼາຍກວ່າ 13 ພັນຄົນ ແລະ ຈະສືບຕໍ່ໃຫ້ການຊ່ວຍເຫຼືອ ລາວຕື່ມອີກ. ລາວ-ສິງກະໂປ ເປັນຄູ່ຮ່ວມມືທີ່ໃກ້ຊິດໃນອາ ຊຽນ ໃນຖານະເປັນປະທານ ອາຊຽນ ສິງກະໂປ ຕ້ອງການ ເສີມສ້າງຄວາມເປັນແກນກາງ ທີ່ທັນສະໄໝໃນອາຊຽນ, ປະ ຊາຊົນທັງສອງປະເທດໄດ້ໄປ- ມາຫາສູ່ກັນ, ມີນັກຮຽນລາວ ໄປຮຽນຕໍ່ທີ່ສິງກະໂປເປັນຈຳ ນວນຫຼາຍ ໃນໂຄງການແລກ ປ່ຽນທັດສະນະສຶກສາ ແລະ ໃນແຕ່ລະປີ ກໍມີນັກຮຽນຈາກ ສິງກະໂປ ມາຢ້ຽມຢາມລາວ ແລະ ເຮັດກິດຈະກຳຊ່ວຍເຫຼືອ ປະຊາຊົນໃນເຂດຊົນນະບົດ. (ຂ່າວ-ພາບ: ແສງຈັນ)