ສານອວຍພອນວັນຊາດມາເລເຊຍ


21.09.2018 11:02     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນເຖິງ ສົມເດັດ ຣາຊາທິບໍດີ ຊຸນຕານ ມູຮຳມັດ ທີຫ້າ ຍັງດີ-ເປີຕວນ ອາກົງ ທີ ສິບຫ້າ ແຫ່ງ ມາເລ ເຊຍ ເມື່ອບໍ່ດົນມານີ້ ຊຶ່ງເນື້ອໃນສານລະບຸວ່າ: ເນື່ອງໃນ ໂອກາດອັນສະຫງ່າລາສີ ແຫ່ງ ວັນປະກາດເອກະລາດ ແຫ່ງ ມາເລເຊຍ ຄົບຮອບ 61 ປີ, ໃນນາມປະຊາຊົນລາວທັງຊາດ ແລະ ໃນນາມສ່ວນຕົວ, ຂ້າພະເຈົ້າ ຂໍສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດ ມາຍັງ ສົມເດັດ ຣາຊາທິບໍດີ ແລະ ປະຊາຊົນ ແຫ່ງ ມາເລເຊຍ. ຂ້າພະເຈົ້າ ເຊື່ອໝັ້ນເປັນຢ່າງຍິ່ງວ່າ ສາຍພົວພັນມິດຕະ ພາບ ແລະ ການຮ່ວມມືອັນໃກ້ຊິດ ລະຫວ່າງສອງຊາດລາວ ແລະ ມາເລເຊຍ ຈະສືບຕໍ່ໄດ້ຮັບການເສີມຂະຫຍາຍ ແລະ ແຕກ ດອກອອກຜົນຍິ່ງໆຂຶ້ນ ໃນຊຸມປີຕໍ່ໜ້າ ເພື່ອຜົນປະໂຫຍດ ລວມຂອງປະຊາຊົນສອງຊາດ ກໍຄືເພື່ອສັນຕິພາບ, ສະຖຽນ ລະພາບ ແລະ ການຮ່ວມມືເພື່ອການພັດທະນາ ໃນພາກພື້ນ ແລະ ໃນໂລກ. ຂ້າພະເຈົ້າ ຂໍຖືໂອກາດນີ້ ອວຍພອນໄຊອັນປະເສີດໃຫ້ ສົມເດັດ ຣາຊາທິບໍດີ ຈົ່ງມີພະລານາໄມສົມບູນ, ມີຄວາມຜາ ສຸກ ແລະ ຂໍໃຫ້ປະຊາຊົນມາເລເຊຍທຸກຖ້ວນໜ້າ ຈົ່ງສືບຕໍ່ມີ ຄວາມວັດທະນາຖາວອນ. ໃນໂອກາດດັ່ງກ່າວນີ້ ທ່ານ ທອງລຸນ ສີສຸລິດ ນາຍົກລັດ ຖະມົນຕີ ແຫ່ງ ສປປ ລາວ ແລະ ທ່ານ ສະເຫຼີມໄຊ ກົມມະສິດ ກໍໄດ້ສົ່ງສານອວຍພອນເຖິງຄູ່ຮ່ວມຕຳແໜ່ງເຊັ່ນດຽວກັນ.