ນາຍົກ ສົ່ງສານສະແດງຄວາມເຫັນໃຈເຖິງນາຍົກຍີ່ປຸ່ນ


12.09.2018 9:17     

   ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົ່ງສານ ສະແດງຄວາມເຫັນໃຈເຖິງ ພະນະທ່ານ ຊິນໂຊະ ອາເບະ ນາຍົກລັດຖະມົນຕີ ແຫ່ງ ຍີ່ປຸ່ນ ທີ່ນະຄອນຫຼວງໂຕກຽວ ຊຶ່ງ ເນື້ອໃນຂອງສານຂຽນວ່າ: ຂ້າພະເຈົ້າມີຄວາມເສົ້າສະຫຼົດໃຈ ທີ່ໄດ້ຮັບຊາບຂ່າວເຫດການແຜ່ນດິນໄຫວ 6,7 ຣິກເຕີ ຢູ່ ແຂວງຮັອກໄກໂດ ພາກເໜືອຂອງຍີ່ປຸ່ນ ໃນວັນທີ 6 ກັນຍາ 2018 ຊຶ່ງໄດ້ສ້າງຄວາມເສຍຫາຍທາງດ້ານຊີວິດ, ຊັບສິນ ແລະ ລະບົບພື້ນຖານໂຄງລ່າງຢູ່ເຂດດັ່ງກ່າວຢ່າງໜັກໜ່ວງ. ຂ້າພະເຈົ້າ ໃນນາມສ່ວນຕົວ ກໍຄືລັດຖະບານ ແລະ ປະ ຊາຊົນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສະແດງຄວາມເຫັນໃຈ ແລະ ຂໍແບ່ງເບົາຄວາມທຸກໂສກມາ ຍັງພະນະທ່ານ ແລະ ຜ່ານພະນະທ່ານ ໄປຍັງລັດຖະບານ ກໍຄືປະຊາຊົນຍີ່ປຸ່ນ ໂດຍສະເພາະຜູ້ທີ່ຖືກເຄາະຮ້າຍ ແລະ ຄອບຄົວຂອງເຂົາເຈົ້າ ຈາກເຫດການໄພພິບັດທາງທຳມະ ຊາດໃນຄັ້ງນີ້. ຂ້າພະເຈົ້າເຊື່ອໝັ້ນວ່າ, ພາຍໃຕ້ການຊີ້ນຳຂອງພະນະ ທ່ານ ແລະ ດ້ວຍມູນເຊື້ອແຫ່ງຄວາມສາມັກຄີເປັນຈິດໜຶ່ງໃຈ ດຽວກັນຂອງປະຊາຊົນຍີ່ປຸ່ນ, ສະພາບຄວາມເສຍຫາຍຈາກ ໄພພິບັດດັ່ງກ່າວ ຈະໄດ້ຮັບການຟື້ນຟູກັບຄືນສູ່ສະພາບປົກ ກະຕິໂດຍໄວ.