ໄພພິບັດທາງທຳມະຊາດ ສ້າງຄວາມເສຍຫາຍໃຫ້ແຂວງບໍ່ແກ້ວ 69 ຕື້ກວ່າກີບ


...

14.09.2018 9:07     

   ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະ ທານຄະນະກຳມະການສະ ເພາະກິດແກ້ໄຂໄພພິບັດລະ ດັບຊາດ ໄດ້ເຄື່ອນໄຫວຢ້ຽມ ຢາມ ແລະ ກວດກາສະພາບ ຜົນເສຍຫາຍຈາກໄພພິບັດ ທາງທຳມະຊາດ ຢູ່ທີ່ແຂວງບໍ່ ແກ້ວ ໃນລະຫວ່າງວັນທີ 12- 13 ກັນຍາ 2018 ນີ້. ຂະນະທີ່ ຄວາມເສຍຫາຍຈາກໄພພິບັດ ລວມມູນຄ່າ 69 ຕື້ກວ່າກີບ. ທ່ານ ບົວຄົງ ນາມມະວົງ ເຈົ້າແຂວງບໍ່ແກ້ວ ໄດ້ລາຍງານ ວ່າ: ໄພພິບັດທາງທຳມະຊາດ ໄດ້ສ້າງຄວາມເສຍຫາຍຕໍ່ຊັບ ສິນຂອງປະຊາຊົນເປັນຈຳ ນວນຫຼວງຫຼາຍ ເປັນຕົ້ນຂະ ແໜງແຮງງານສະຫວັດດີການ- ສັງຄົມ: ເກີດເຫດການໄຟໄໝ້ ເຮືອນຂອງປະຊາຊົນ 7 ຫຼັງຄາ ເຮືອນໃນ 7 ບ້ານ 5 ເມືອງ ທົ່ວ ແຂວງມີຜູ້ຖືກຜົນກະທົບ 47 ຄົນ; ລວມມູນຄ່າເສຍຫາຍ ຈຳ ນວນ 844 ລ້ານກີບ, ພາຍຸ ໝາກເຫັບຕົກໃສ່ເຮືອນປະຊາ ຊົນ ເສຍຫາຍ 1 ຫຼັງ, ເກີດເຫດ ການລົມພາຍຸພັດແຮງກະທົບ ໃສ່ເຮືອນປະຊາຊົນເສຍຫາຍ 8 ຫຼັງ, ມູນຄ່າເສຍຫາຍ 56 ລ້ານກວ່າກີບ ຊຶ່ງນັບແຕ່ທ້າຍ ເດືອນພຶດສະພາ 2018 ເປັນ ຕົ້ນມາ ໄດ້ມີພາຍຸພັດຜ່ານ, ເກີດມີຝົນຕົກໜັກຕິດຕໍ່ກັນ ເຮັດໃຫ້ເກີດມີນ້ຳຊຸໄຫຼ ແລະ ດິນເຊາະເຈື່ອນໃສ່ເຮືອນຂອງ ປະຊາຊົນເປ່ເພ ຈຳນວນ 4 ຫຼັງ, ເລົ້າເຂົ້າເສຍຫາຍ ຈຳ ນວນ 5 ຫຼັງ, ເຂົ້າເປືອກເສຍ ຫາຍ 9 ໂຕນ, ເປັນມູນຄ່າຜົນ ເສຍຫາຍ 273 ລ້ານກີບ, ຂະ ແໜງກະສິກຳ: ມີເນື້ອທີ່ນາປີ ໄດ້ຮັບຄວາມເສຍຫາຍໃນ ເນື້ອທີ່ 287 ກວ່າເຮັກຕາ, ເນື້ອທີ່ໄຮ່ເສຍຫາຍ 48 ກວ່າ ເຮັກຕາ, ເນື້ອທີ່ສວນໝາກ ເດືອຍ ເສຍຫາຍ 13 ກວ່າເຮັກ ຕາ, ຊົນລະປະທານເປ່ເພ ຈຳ ນວນ 4 ແຫ່ງ, ໜອງປາ 22 ໜອງ ມູນຄ່າເສຍຫາຍຈຳ ນວນ 2,56 ຕື້ກີບ, ຂະແໜງ ໂຍທາທິການ ແລະ ຂົນສົ່ງ: ເສັ້ນທາງຫຼວງແຫ່ງຊາດ R3 ເປ່ເພ 22 ຈຸດ, ເສັ້ນທາງຫຼວງ ຂອງແຂວງຖືກຜົນກະທົບມີ 5 ເສັ້ນ, ທາງຫຼວງຂອງເມືອງຖືກ ຜົນກະທົບມີ 10 ເສັ້ນ, ເສັ້ນ ທາງຊົນນະບົດ ໄດ້ຮັບຜົນກະ ທົບມີ 11 ເສັ້ນ, ເສັ້ນທາງເທດ ສະບານທີ່ໄດ້ຮັບຜົນກະທົບມີ 7 ເສັ້ນ ລວມມູນຄ່າຄວາມເສຍ ຫາຍ 63 ຕື້ກວ່າກີບ, ຂະແໜງ ພະລັງງານ-ບໍ່ແຮ່: ລະບົບຕາ ຂ່າຍໄຟຟ້າ 22 ກິໂລໂວນ, ເສົາໄຟຟ້າຫັກ, ໝໍ້ແປງໄຟຟ້າ ໄດ້ຮັບຄວາມເສຍຫາຍ ລວມ ມູນຄ່າເສຍຫາຍປະມານ 450 ລ້ານກວ່າກີບ, ຂະແໜງສາທາ ລະນະສຸກ: ລະບົບນ້ຳລິນ ເສຍ ຫາຍໃນ 3 ເມືອງຄື: ເມືອງ ຫ້ວຍຊາຍ, ເມືອງຕົ້ນເຜິ້ງ ແລະ ເມືອງຜາອຸດົມ ມູນຄ່າເສຍ ຫາຍ 970 ລ້ານກີບ. ຜ່ານການ ລົງເກັບກຳຂໍ້ມູນຕົວຈິງ ແລະ ປະເມີນຄວາມເສຍຫາຍທີ່ ເກີດຂຶ້ນຈາກໄພພິບັດທີ່ເກີດ ຂຶ້ນທົ່ວແຂວງບໍ່ແກ້ວ ເສຍຫາຍ ທັງໝົດ 69 ຕື້ກວ່າກີບ. ສຳລັບການຊ່ວຍເຫຼືອແກ້ ໄຂໃນເບື້ອງຕົ້ນ, ທາງອຳນາດ ການປົກຄອງແຂວງບໍ່ແກ້ວ ໄດ້ ສຸມທຸກກຳລັງເຂົ້າໄປຊ່ວຍເຫຼືອ ແລະ ໄດ້ມີການລະດົມເຄື່ອງ ບໍລິຈາກຕ່າງໆ ຈາກທຸກພາກ ສ່ວນພາຍໃນແຂວງ. ໃນນີ້, ໄດ້ລະດົມຈາກສັງຄົມ ເພື່ອນຳ ໄປຊ່ວຍເຫຼືອປະຊາຊົນ ທີ່ໄດ້ ຮັບຜົນກະທົບ ເປັນຕົ້ນເງິນ, ເຂົ້າກິນ, ນ້ຳດື່ມ, ນ້ຳໃຊ້ ແລະ ເຄື່ອງໃຊ້ທີ່ຈຳເປັນຈຳນວນ ໜຶ່ງ. ສຳລັບການພັດທະນາ ເສດຖະກິດ-ສັງຄົມຂອງແຂວງ ໃນໄລຍະ 9 ເດືອນທີ່ຜ່ານມາ, ທ່ານ ບົວຄົງ ນາມມະວົງ ໄດ້ ລາຍງານຕື່ມວ່າ: ໃນໄລຍະ 9 ເດືອນຜ່ານມາ ເສດຖະກິດ ຂອງແຂວງມີການຂະຫຍາຍ ຕົວໃນລະດັບ 7,5%, ລວມ ຍອດຜະລິດຕະພັນພາຍໃນ GDP ບັນລຸ 2.663 ຕື້ກີບ, ລາຍໄດ້ສະເລ່ຍປະຕິບັດໄດ້ 1.673 ໂດລາ/ຄົນ/ປີ, ການຈັດ ເກັບລາຍຮັບປະຕິບັດໄດ້ 218.970,95 ລ້ານກີບ ເທົ່າ ກັບ 66,91% ຂອງແຜນການປີ. ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ສະ ແດງຄວາມຍ້ອງຍໍຊົມເຊີຍຕໍ່ ຜົນງານທີ່ອຳນາດການປົກ ຄອງແຂວງບໍ່ແກ້ວສາມາດຍາດ ມາໄດ້ໃນໄລຍະຜ່ານມາ. ພ້ອມ ທັງເນັ້ນໜັກໃຫ້ສືບຕໍ່ເອົາໃຈ ໃສ່ໃນການຈັດຕັ້ງປະຕິບັດ ແຜນພັດທະນາເສດຖະກິດ- ສັງຄົມຂອງແຂວງ ໃຫ້ບັນລຸ ຕາມຄາດໝາຍ, ໃນນີ້ໃຫ້ເອົາ ໃຈໃສ່ຈັດຕັ້ງປະຕິບັດ 8 ມາດ ຕະການກະຕຸ້ນເສດຖະກິດ ຂອງລັດຖະບານ. ຄຽງຄູ່ກັນ ນັ້ນ ໃຫ້ຕິດຕາມກວດກາຄືນ ການຈັດຕັ້ງປະຕິບັດບັນດາ ໂຄງການລົງທຶນຕ່າງໆ ທີ່ລັດ ຖະບານອະນຸມັດ, ປັບປຸງສະ ພາບແວດລ້ອມ ແລະ ການອຳ ນວຍຄວາມສະດວກໃຫ້ແກ່ ການດຳເນີນທຸລະກິດ, ເກັບ ກຳ ແລະ ຊອກຄົ້ນຖານລາຍ ຮັບຕົວຈິງໃຫ້ຄົບຖ້ວນ ໂດຍ ສະເພາະແມ່ນການຈັດເກັບ ລາຍຮັບຈາກທີ່ດິນ ແລະ ອື່ນໆ. ສຳລັບການແກ້ໄຂໄພພິ ບັດ ແມ່ນໃຫ້ເອົາໃຈໃສ່ໃນ ການຕິດຕາມ, ເຝົ້າລະວັງ ແລະ ແຈ້ງເຕືອນໃຫ້ປະຊາຊົນ ໄດ້ຮັບຮູ້ຢ່າງທັນການ ເພື່ອ ກຽມຮັບມື, ເອົາໃຈໃສ່ໃນການ ສ້າງແຜນຮັບມືໃຫ້ເປັນລະບົບ ຄົບຊຸດທັງໄລຍະສັ້ນ, ໄລຍະ ກາງ ແລະ ໄລຍະຍາວ, ພາຍ ຫຼັງນ້ຳລົງ ໃຫ້ຂຶ້ນແຜນການ ຊ່ວຍເຫຼືອຕາມຄວາມຕ້ອງ ການຕົວຈິງ ເພື່ອລະດົມຈາກ ພາກສ່ວນຕ່າງໆຢ່າງທັນການ, ເອົາໃຈໃສ່ໃນການຈັດສົ່ງເຄື່ອງ ຊ່ວຍເຫຼືອບັນເທົາທຸກໃຫ້ໄປ ເຖິງຜູ້ປະສົບໄພຢ່າງທັນການ ຫຼີກລ່ຽງການສວຍໂອກາດ. ໃນການເດີນທາງມາ ເຄື່ອນໄຫວວຽກງານຢູ່ທີ່ແຂວງ ບໍ່ແກ້ວໃນຄັ້ງນີ້, ທ່ານ ສອນໄຊ ສີພັນດອນ ໄດ້ມອບເງິນ ຈຳ ນວນ 50 ລ້ານກີບ ໃຫ້ແຂວງ, ອຳນາດການປົກຄອງແຂວງບໍ່ ແກ້ວ ແລະ ມອບເງິນຈຳນວນ 10 ລ້ານກີບໃຫ້ອຳນາດການ ປົກຄອງບ້ານດອນໃຈ, ເມືອງ ຫ້ວຍຊາຍ ເພື່ອນຳໃຊ້ເຂົ້າໃນ ການຊ່ວຍເຫຼືອ ແລະ ຟື້ນຟູຊີ ວິດການເປັນຢູ່ຂອງປະຊາຊົນ ທີ່ຖືກຜົນກະທົບຕື່ມອີກ.