ທ່ານ ແສງນວນ ໄຊຍະລາດ ເຜີຍແຜ່ຜົນສຳເລັດ ກອງປະຊຸມ ສພຊ ທີ່ສະຫວັນນະເຂດ


...

14.09.2018 9:07     

   (ສພຊ) ໃນລະຫວ່າງວັນ ທີ 12-13 ກັນຍາ 2018 ທີ່ເມືອງພີນ ແຂວງສະຫວັນນະ ເຂດ, ທ່ານ ແສງນວນ ໄຊຍະ ລາດ ເລຂາທິການສູນກາງພັກ ຮອງປະທານສະພາແຫ່ງຊາດ ທັງເປັນສະມາຊິກສະພາແຫ່ງ ຊາດ (ສສຊ) ປະຈຳເຂດເລືອກ ຕັ້ງທີ 13 ແຂວງສະຫວັນນະ ເຂດ ພ້ອມດ້ວຍຄະນະ ສສຊ ແລະ ສະມາຊິກສະພາປະຊາ ຊົນແຂວງ (ສສຂ) ປະຈຳເມືອງ ໄດ້ສືບຕໍ່ລົງເຄື່ອນໄຫວພົບປະຜູ້ ມີສິດເລືອກຕັ້ງ ແລະ ເຜີຍແຜ່ ຜົນສຳເລັດກອງປະຊຸມສະໄໝ ສາມັນ ເທື່ອທີ 5 ຂອງສະ ພາແຫ່ງຊາດ (ສພຊ) ຊຸດທີ VIII ແລະ ສະພາປະຊາຊົນ ແຂວງ ຊຸດທີ I. ໃນນີ້ ໄດ້ລົງ ພົບປະ ແລະ ເຜີຍແຜ່ຢູ່ຈຸດ ສຸມນາໂພຄຳ, ກຸ່ມບ້ານພັດທະ ນາທີ 7 ຢູ່ໂຮງຮຽນປະຖົມອຸ ດົມໄຊ, ກຸ່ມບ້ານພັດທະນາທີ 2 ວັດບ້ານໃໝ່ໂນນສະອາດ ແລະ ສະໂມສອນເມືອງພີນ, ເຂົ້າຮ່ວມມີບັນດາທ່ານຄະນະ ປະຈຳພັກເມືອງ, ພະນັກງານ- ລັດຖະກອນ, ພາກສ່ວນທີ່ກ່ຽວ ຂ້ອງ, ນັກຮຽນຕະຫຼອດຮອດ ປະຊາຊົນອ້ອມຂ້າງເມືອງ ແລະ ບ້ານ. ໃນພິທີ, ໄດ້ຮັບຟັງການ ລາຍງານໂດຍສັງເຂບສະພາບ ແຜນພັດທະນາເສດຖະກິດ- ສັງຄົມຂອງເມືອງ, ກຸ່ມບ້ານ ພັດທະນາ ແລະ ບ້ານ ພ້ອມ ທັງຮັບຟັງຂໍ້ສະດວກ ແລະ ຂໍ້ ຫຍຸ້ງຍາກໃນການດຳລົງຊີວິດ ຕົວຈິງຂອງປະຊາຊົນ. ຈາກ ນັ້ນ, ບັນດາທ່ານ ສສຊ ແລະ ສສຂ ໄດ້ຜັດປ່ຽນກັນເຜີຍ ແຜ່ຜົນສຳເລັດຂອງກອງປະ ຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນ ແຂວງ ຊຸດທີ I ຕາມລຳດັບ ຊຶ່ງ ການລົງພົບປະ ປະຊາຊົນຄັ້ງນີ້ ເຮັດໃຫ້ປະຊາຊົນໄດ້ຮັບຮູ້ ແລະ ເຂົ້າໃຈການດຳເນີນກອງ ປະຊຸມ, ການພິຈາລະນາຮັບ ຮອງ ແລະ ຕົກລົງບັນຫາທີ່ສຳ ຄັນຂອງຊາດ ແລະ ຂອງແຂວງ ພ້ອມກັນນັ້ນ ກໍເຮັດໃຫ້ປະ ຊາຊົນຮັບຮູ້ເຖິງພາລະບົດບາດ, ສິດ ແລະ ໜ້າທີ່ຂອງສະພາ ແຫ່ງຊາດ ແລະ ສະພາປະຊາ ຊົນຂັ້ນແຂວງ, ສະມາຊິກສະ ພາແຫ່ງຊາດ ແລະ ສະມາຊິກ ສະພາປະຊາຊົນແຂວງທີ່ມີຕໍ່ ປະຊາຊົນ, ພ້ອມທັງຮັບຟັງຄຳ ຄິດຄຳເຫັນ, ຄຳສະເໜີຂອງ ປະຊາຊົນ ຊຶ່ງເຫັນວ່າມີຂໍ້ຫຍຸ້ງ ຍາກຫຼາຍດ້ານທີ່ຈະຕ້ອງປັບ ປຸງແກ້ໄຂ ເປັນຕົ້ນບັນຫາໂຮງ ຮຽນບໍ່ພຽງພໍຕໍ່ນັກຮຽນພາຍໃນ ບ້ານ ເຮັດໃຫ້ເກີດມີຄວາມແອ ອັດ, ໂຮງຮຽນມີຄວາມຊຸດໂຊມ, ຂາດແຄນບຸກຄະລາກອນຄູ ສອນ, ສອນມາຫຼາຍປີກໍບໍ່ໄດ້ ບັນຈຸເຂົ້າເປັນພະນັກງານ, ເສັ້ນທາງສັນຈອນພາຍໃນບ້ານ ມີຄວາມຫຍຸ້ງຍາກໃນລະດູຝົນ ບາງຈຸດໄດ້ໃຊ້ເຮືອໃນການໄປ ມາຫາສູ່ກັນ ແລະ ບັນຫາອື່ນໆ. ພ້ອມກັນນັ້ນ ບັນດາທ່ານ ສສຊ ແລະ ສສຂ ກໍໄດ້ມີຄຳຄິດຄຳ ເຫັນໃນການແກ້ໄຂບັນຫາ ເບື້ອງຕົ້ນ ແລະ ຮັບເອົາບັນດາ ຄຳສະເໜີຂອງປະຊາຊົນໄປ ນຳສະເໜີຕໍ່ພາກສ່ວນທີ່ກ່ຽວ ຂ້ອງ ເພື່ອຄົ້ນຄວ້າພິຈາລະນາ ຫາວິທີການແກ້ໄຂໃນຕໍ່ໜ້າ. (ຂ່າວ: ສົມນຶກ ແກ້ວໄຊ ຍະຈັກ)