ຊີວະປະຫວັດຫຍໍ້ ສະຫາຍ ເຈິ່ນ ດ໋າຍ ກວາງ ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ


24.09.2018 10:08     

   ຊື່ ແລະ ນາມສະກຸນ: ເຈິ່ນ ດ໋າຍ ກວາງ.
ວັນເດືອນປີເກີດ: 12 ຕຸລາ 1956
ທີ່ເກີດ: ຕາແສງກວາງທ້ຽນ, ເມືອງກິນເສີນ, ແຂວງນິ່ງບິງ
ບ້ານຢູ່ປັດຈຸບັນ: ເລກທີ 8, ຖະໜົນ ງຸ້ຍ ຢື ກອນ ຕຸມ, ເຂດ ເຍີນ ຈິ້ງ, ເມືອງ ແທງ ຊວນ, ນະຄອນຮ່າໂນ້ຍ
ຊົນເຜົ່າ: ກິງ
ລະດັບວິຊາສະເພາະ, ໜ້າທີ່: ປະລິນຍາເອກກົດໝາຍ, ວິທະຍາຄານປ້ອງກັນຄວາມສະຫງົບ.ລະດັບຮຽນ: ປະລິນຍາເອກ; ນາມມະຍົດ: ສາດສະດາຈານ.
ທິດສະດີການເມືອງ: ຂັ້ນສູງ.
ພາສາຕ່າງປະເທດ: ພາສາຈີນ.
ສະຖານທີ່ເຮັດວຽກ: ຫ້ອງວ່າການປະທານປະເທດ, ບາ ດິງ, ຮ່າໂນ້ຍ.
ວັນເດືອນປີເຂົ້າພັກ: 26 ກໍລະກົດ 1980, ເຂົ້າທາງການ: 26 ກໍລະກົດ 1981.
ສະມາຊິກສະພາແຫ່ງຊາດ ສະໄໝ: XIII, XIV
ໄລຍະການປະຕິບັດງານ ໂດຍຫຍໍ້:
ແຕ່ເດືອນ 7/1972-10/1975: ນັກສຶກສາ ໂຮງຮຽນຕໍາຫຼວດປະຊາຊົນສູນກາງ ແລະ ໂຮງຮຽນພາສາຕ່າງປະເທດຊັ້ນສູງ, ກະຊວງພາຍໃນ (ປັດຈຸບັນແມ່ນກະຊວງຕໍາຫຼວດ).
ແຕ່ເດືອນ 10/1975-6/1987: ພະນັກງານກົມປ້ອງກັນການເມືອງ I, ຫຼັງຈາກນັ້ນແຍກເປັນກົມປ້ອງກັນການເມືອງ I, ຕໍາແໜ່ງຮອງຫົວໜ້າພະແນກສອດແນມ, ກົມປ້ອງກັນການເມືອງ II, ກະຊວງພາຍໃນ (ປັດຈຸບັນແມ່ນກະຊວງຕໍາຫຼວດ).
ແຕ່ເດືອນ 6/1987-6/1990: ຫົວໜ້າພະແນກເສນາທິການ ແລະ ຫົວໜ້າພະແນກສອດແນມ, ກົມປ້ອງກັນການເມືອງ 2, ກະຊວງພາຍໃນ (ປັດຈຸບັນແມ່ນກະຊວງຕໍາຫຼວດ).
ແຕ່ເດືອນ 6/1990-9/1996: ຮອງເລຂາຄະນະພັກ, ຮອງຫົວໜ້າກົມເສນາທິການປ້ອງກັນຄວາມສະຫງົບ, ກະຊວງພາຍໃນ (ປັດຈຸບັນແມ່ນກະຊວງຕໍາຫຼວດ).
ແຕ່ເດືອນ 9/1996-10/2000: ຫົວໜ້າກົມເສນາທິການປ້ອງກັນຄວາມສະຫງົບ, ກະຊວງຕໍາຫຼວດ, ກໍາມະການຄະນະບໍລິຫານງານພັກກົມໃຫຍ່ປ້ອງກັນຄວາມສະຫງົບ, ກໍາມະການຄະນະປະຈໍາພັກກົມໃຫຍ່ປ້ອງກັນຄວາມສະຫງົບ, ເລຂາຄະນະພັກກົມເສນາທິການປ້ອງກັນຄວາມສະຫງົບ, ກະຊວງຕໍາຫຼວດ.
ແຕ່ເດືອນ 10/2000-4/2006: ຮອງເລຂາຄະນະພັກ, ຮອງຫົວໜ້າກົມໃຫຍ່ປ້ອງກັນຄວາມສະຫງົບ, ກະຊວງຕໍາຫຼວດ; ໄດ້ເລື່ອນຊັ້ນເປັນພົນຈັດຕະວາ (2003) ແລະ ເປັນຮອງສາດສະດາຈານ (2003).
ແຕ່ເດືອນ 4/2006-1/2011: ກໍາມະການຄະນະບໍລິຫານງານສູນກາງພັກ ສະໄໝທີ X, ກໍາມະການຄະນະພັກຕໍາຫຼວດສູນກາງ, ກໍາມະການຄະນະປະຈໍາພັກຕໍາຫຼວດສູນກາງ, ຮອງລັດຖະມົນຕີກະຊວງຕໍາຫຼວດ; ໄດ້ເລື່ອນຊັ້ນເປັນພົນຕີ (2007) ແລະ ເປັນສາດສະດາຈານ (2009).
ແຕ່ເດືອນ 1/2011-8/2011: ກໍາມະການກົມການເມືອງສູນກາງພັກ, ຄະນະປະຈໍາພັກຕໍາຫຼວດສູນກາງ, ຮອງລັດຖະມົນຕີກະຊວງຕໍາຫຼວດ.
ແຕ່ເດືອນ 8/2011-4/2016: ກໍາມະການກົມການເມືອງ (ສະໄໝທີ XI, XII), ກໍາມະການສະພາປ້ອງກັນຊາດ-ປ້ອງກັນຄວາມສະຫງົບ, ກຳມະການຄະນະພັກລັດຖະບານ, ເລຂາພັກຕໍາຫຼວດສູນກາງ, ລັດຖະ ມົນຕີກະຊວງຕໍາຫຼວດ; ໄດ້ເລື່ອນເປັນຊັ້ນພົນໂທ (2011), ພົນເອກ (2012), ຫົວໜ້າຄະນະຊີ້ນໍາໄຕຫງວຽນ, ຜູ້ແທນສະພາແຫ່ງຊາດ ສະໄໝທີ XIII, ຮອງຫົວໜ້າຄະນະຊີ້ນໍາສູນກາງ ກ່ຽວກັບປ້ອງກັນ-ຕ້ານສໍ້ລາດບັງຫຼວງ, ຮອງຫົວໜ້າອະນຸກໍາມະການປ້ອງກັນການເມືອງພາຍໃນສູນກາງ.
ແຕ່ເດືອນ 4/2016 ເຖິງປັດຈຸບັນ: ກໍາມະການກົມການເມືອງ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ປະທານສະພາປ້ອງກັນຊາດ ແລະ ປ້ອງກັນຄວາມສະຫງົບ, ຫົວໜ້າຄະນະຊີ້ນໍາປັບປຸງຍຸຕິທໍາສູນກາງ, ສະມາຊິກສະພາແຫ່ງຊາດ ສະໄໝທີ XIII, XIV