ຮອງປະທານປະເທດເນັ້ນໃຫ້ກະຊວງພາຍໃນ ເອົາໃຈໃສ່ຫຼາຍບັນຫາສຳຄັນ


...

    

ກອງປະຊຸມສະຫຼຸຸບການ ຈັດຕັ້ງປະຕິບັດວຽກງານຂອງ ກະຊວງພາຍໃນ ປະຈຳປີ 2017 ແລະ ທິດທາງແຜນການ ປະຈຳປີ 2018 ແລະ ສະຫຼຸຸບ ການຈັດຕັ້ງປະຕິບັດວຽກງານ 3 ສ້າງ ປະຈຳປີ 2017 ແລະ ທິດທາງແຜນການປະຈຳປີ 2018 ໄດ້ຈັດຂຶ້ນໃນວັນທີ 9 ມັງກອນນີ້ ທີ່ຫໍປະຊຸມແຫ່ງ ຊາດ ນະຄອນຫຼວງວຽງຈັນ ໂດຍການເຂົ້າຮ່ວມຂອງທ່ານ ພັນຄຳ ວິພາວັນ ກຳມະການ ກົມການເມືອງສູນກາງພັກ ຜູ້ປະຈຳການຄະນະເລຂາທິ ການສູນກາງພັກ ຮອງປະທານ ປະເທດ ແລະ ທ່ານ ຄຳໝັ້ນ ສູນວິເລີດ ກຳມະການສູນກາງ ພັກ ລັດຖະມົນຕີ ກະຊວງພາຍ ໃນພ້ອມນັ້ນ ຍັງມີບັນດາທ່ານຮອງລັດຖະ ມົນຕີ, ຫົວໜ້າຫ້ອງການ ແລະ ຫົວໜ້າກົມຈັດຕັ້ງພະນັກງານ ບັນດາກະຊວງ ອົງການລັດ ທຽບເທົ່າ ກະຊວງແນວລາວ ສ້າງຊາດອົງການຈັດຕັ້ງມະຫາ ຊົນຂັ້ນສູນກາງ ມີຮອງເຈົ້າ ແຂວງ ມີຮອງເຈົ້າຄອງນະຄອນ ຫຼວງວຽງຈັນ, ເຈົ້າເມືອງ, ຮອງ ເຈົ້າເມືອງ ທົ່ວປະເທດ ແລະ ບັນດາຄະນະຫ້ອງການ, ກົມ, ສະຖາບັນ, ສູນ, ກະຊວງພາຍ ໃນ ແລະ ຫົວໜ້າພະແນກ ພາຍໃນແຂວງ-ນະຄອນຫຼວງ ທົ່ວປະເທດເຂົ້າຮ່ວມ. ໃນກອງປະຊຸມຜູ້ແທນທີ່ ເຂົ້າຮ່ວມໄດ້ຮັບຟັງການຜ່ານ ບົດສະຫຼຸຸບການຈັດຕັ້ງປະຕິບັດ ວຽກງານປະຈຳປີ 2017 ແລະ ທິດທາງແຜນການປະຈຳປີ 2018 ຂອງກະຊວງພາຍໃນ ແລະ ບົດສະຫຼຸຸບການຈັດຕັ້ງ ປະຕິບັດວຽກງານ 3 ສ້າງ ປະ ຈຳປີ 2017 ແລະ ທິດທາງແຜນ ການກ່ຽວກັບການຈັດຕັ້ງປະຕິ ບັດວຽກງານດັ່ງກ່າວ ປະຈຳປີ 2018 ໂດຍໄດ້ຍົກໃຫ້ເຫັນ ວຽກງານພົ້ນເດັ່ນໃນໄລຍະ 1 ປີຜ່ານມາ ແຕ່ລະຂົງເຂດວຽກ ງານ. ໃນໂອກາດນີ້, ທ່ານ ພັນຄຳ ວິພາວັນ ໄດ້ໂອ້ລົມ ຕໍ່ກອງປະຊຸມ ໂດຍທ່ານໄດ້ ເນັ້ນໃຫ້ເອົາໃຈໃສ່ 9 ບັນຫາ ສຳຄັນຕົ້ນຕໍຄື: ໜຶ່ງ, ການເສີມ ຂະຫຍາຍບົດບາດການນຳພາ ຂອງຄະນະພັກ, ເພີ່ມທະວີ ການຄຸ້ມຄອງຂອງຄະນະນຳ ແຕ່ລະຂັ້ນ ແລະ ຄວາມເປັນ ແບບຢ່າງຂອງພະນັກງານ- ລັດຖະກອນ. ສອງ, ເສີມຂະ ຫຍາຍຄວາມເປັນເຈົ້າການ ຫັນແນວທາງນະໂຍບາຍ ຂອງພັກ ເປັນກົດໝາຍ ແລະ ລະບຽບການບໍລິຫານຄຸ້ມຄອງ ລັດ ໃຫ້ມີປະສິດທິຜົນ ແລະ ສອດຄ່ອງ. ສາມ, ເພີ່ມທະວີ ຄວາມຮັບຜິດຊອບໃນການຄົ້ນ ຄວ້າ, ປັບປຸງກົງຈັກການຈັດ ຕັ້ງ, ອົງການບໍລິຫານລັດໃຫ້ ຖືກຕ້ອງຕາມທິດກະທັດຮັດ, ມີປະສິດທິຜົນ ແລະ ມີປະສິດ ທິພາບ. ສີ່, ເພີ່ມທະວີຄວາມ ເປັນເຈົ້າການໃນການຜັນຂະ ຫຍາຍ ແລະ ຈັດຕັ້ງປະຕິບັດ ກົດໝາຍ ວ່າດ້ວຍພະນັກງານ- ລັດຖະກອນໃຫ້ມີຜົນສັກສິດ. ຫ້າ, ເພີ່ມທະວີຄວາມເປັນເຈົ້າ ການປັບປຸງວຽກງານຄຸ້ມຄອງ ພົນລະເມືອງ, ວຽກງານຊົນ ເຜົ່າ ແລະ ສາສະໜາ ໃຫ້ມີປະສິດ ທິພາບ ແລະ ປະສິດທິຜົນ. ຫົກ, ເພີ່ມທະວີຄວາມຮັບຜິດ ຊອບໃນການປັບປຸງວຽກງານ ຂົງເຂດເຕັກນິກ-ວິຊາການໃຫ້ ທັນສະໄໝ, ມີຄຸນນະພາບ ແລະ ສາມາດສະໜອງຂໍ້ມູນໃຫ້ ແກ່ການພັດທະນາເສດຖະກິດ- ສັງຄົມ. ເຈັດ, ເພີ່ມທະວີປັບປຸງ ວຽກງານແຂ່ງຂັນ-ຍ້ອງຍໍໃຫ້ ມີຄຸນນະພາບ ແລະ ສອດຄ່ອງ ກັບສະພາບຄວາມເປັນຈິງ. ແປດ, ເພີ່ມທະວີຄວາມເປັນ ເຈົ້າການໃນການພົວພັນ ແລະ ຮ່ວມມືກັບສາກົນ ເພື່ອຍາດ ແຍ່ງການຊ່ວຍເຫຼືອເຂົ້າມາພັດ ທະນາວຽກງານບໍລິຫານຄຸ້ມ ຄອງໃຫ້ມີປະສິດທິພາບ ແລະ ປະສິດທິຜົນ ແລະ ເກົ້າ, ເພີ່ມ ທະວີການປະສານງານ, ການ ຄຸ້ມຄອງລະຫວ່າງວຽກງານກໍ່ ສ້າງຮາກຖານການເມືອງ, ວຽກ ງານ 3 ສ້າງ ແລະ ວຽກງານພັດ ທະນາຊົນນະບົດໃຫ້ຈະແຈ້ງ. (ຂ່າວ+ພາບ: ສຸກສາຄອນ)