ເປີດປີທ່ອງທ່ຽວລາວ ແລະ ບຸນກອງເຂົ້າໃຫຍ່ ທີ່ແຂວງໄຊຍະບູລີ


...

    

ເມືອງພຽງ ແຂວງໄຊຍະ ບູລີ ໄດ້ຈັດພິທີເປີດປີທ່ອງທ່ຽວ ລາວ 2018 ແລະ ງານເທດສະ ການບຸນກອງເຂົ້າໃຫຍ່ຂອງ ແຂວງດັ່ງກ່າວຂຶ້ນໃນວັນທີ 9 ມັງກອນນີ້ ທີ່ເມືອງດັ່ງກ່າວ ໂດຍໃຫ້ກຽດເຂົ້າຮ່ວມ ແລະ ລັ່ນຄ້ອງ 9 ບາດເປີດງານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ທັງ ເປັນປະທານຊີ້ນຳຈັດງານ ປີທ່ອງທ່ຽວລາວ 2018 ລະດັບ ຊາດ ຊຶ່ງມີ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູ ລີ ມີບັນດາຄະນະພັກ - ຄະນະ ນຳແຂວງ, ບັນດາຜູ້ຕາງໜ້າ ຈາກແຂວງອ້ອມຂ້າງ, ກະຊວງ- ກົມກອງທີ່ກ່ຽວຂ້ອງແຂກ ພາຍໃນ ແລະ ຕ່າງປະເທດ ພ້ອມດ້ວຍພໍ່ແມ່ປະຊາ ຊົນເຂົ້າ ຮ່ວມຢ່າງເປັນຂະບວນຟົດຟື້ນ. ໃນໂອກາດນີ້, ທ່ານ ບຸດ ສະບົງ ຈະເລີນຜົນ ຮອງເຈົ້າ ເມືອງໆພຽງ ກໍໄດ້ລາຍງານໃຫ້ ຊາບກ່ຽວກັບການຫ້າງຫາກະ ກຽມຄວາມພ້ອມດ້ານຕ່າງໆ ເພື່ອ ການຈັດງານເທດສະການບຸນ ກອງເຂົ້າໃຫຍ່ຂອງເມືອງພຽງ ແລະ ຕ້ອນຮັບປີທ່ອງທ່ຽວລາວ 2018 ຂອງແຂວງໄຊຍະບູລີ ຊຶ່ງຊາວເມືອງພຽງ ມີມູນເຊື້ອດຸ ໝັ່ນຂະຫຍັນພຽນ ໃນການຜະ ລິດໃນ ແລະ ມີຮີດຄອງປະ ເພນີອັນດີງາມທີ່ເປັນເອກະ ລັກຕັ້ງແຕ່ໃດມາ ໄດ້ຢຶດຖືອາ ຊີບປູກເຂົ້າ - ປູກພືດເປັນຕົ້ນຕໍ ແຕ່ລະປີ ພາຍຫຼັງສຳເລັດການ ເກັບກູ້ຜົນຜະລິດແລ້ວ ປະຊາ ຊົນໄດ້ພ້ອມກັນສະຫຼອງບຸນ ປະເພນີ ດ້ວຍການເຮັດບຸນ ເຂົ້າເປືອກ - ເຂົ້າສານຢູ່ແຕ່ລະ ບ້ານ ໂດຍເອົາເຂົ້າເປືອກເຂົ້າ ສານໄປຖວາຍທານຢູ່ແຕ່ລະ ວັດ ເພື່ອລະນຶກເຖິງບຸນຄຸນ ຂອງເຂົ້າ ແລະ ເປັນການເຕົ້າ ໂຮມທຶນຮອນ ເພື່ອປະຕິສັງ ຂອນວັດວາອາຮາມ. ດັ່ງນັ້ນ, ຄະນະພັກ - ອຳນາດການປົກ ຄອງເມືອງ ຈຶ່ງໄດ້ຍົກລະດັບ ບຸນປະເພນີດັ່ງກ່າວຂຶ້ນເປັນ ງານເທດສະການລະດັບເມືອງ ແລະ ໄດ້ເລີ່ມຈັດງານບຸນດັ່ງ ກ່າວ ມາແຕ່ປີ 2010 ໂດຍຖື ເອົາວັນທີ 9 ເດືອນຍີ່ (ມັງ ກອນ) ເປັນມື້ຈັດງານ ໂດຍຕິດ ພັນກັບຍຸດທະສາດຂອງເມືອງ ທີ່ວ່າ “ສ້າງເມືອງພຽງເປັນ ເມືອງຜະລິດສະບຽງອາຫານ ຕິດພັນກັບການປຸງແຕ່ງ, ບໍລິ ການທາງຜ່ານ, ທ່ອງທ່ຽວທຳ ມະຊາດ ແລະ ວັດທະນະທຳ”. ສຳລັບການຈັດງານໃນປີ ນີ້, ປະກອບມີຫຼາຍກິດຈະກຳ ເຊັ່ນ: ການປະກາດຮັບຮອງ ກົມກອງວັດທະນະທຳ, ຂະ ບວນແຫ່ເຂົ້າເປືອກເຂົ້າສານ ພ້ອມດ້ວຍກ້ອນກຳລັງມວນ ຊົນ - ນັກຮຽນ ຈຳນວນ 27 ກ້ອນກຳລັງຄື: ຜ້າປ່າສາມັກຄີ, ພິທີສູດຂວັນເຂົ້າ, ການປະ ກວດທິດາກອງເຂົ້າໃຫຍ່, ການ ສະແດງສິລະປະວັນນະຄະດີ, ການແຂ່ງຂັນນັກຮ້ອງສຽງດີ, ການແຂ່ງຂັນກິລາພື້ນເມືອງ, ການປະກວດອາຫານພື້ນ ເມືອງ, ທ່ອງທ່ຽວວັດທະນະທຳ ກອງເຂົ້າໃຫຍ່, ວິຖີການດຳລົງ ຊີວິດຂອງຄົນປ່າ, ການຕຳເຂົ້າ- ຟາດເຂົ້າແບບພື້ນເມືອງ ແລະ ການຕັກບາດຖວາຍສັງຂະ ທານ. ນອກນີ້, ຍັງໄດ້ຈັດງານ ວາງສະແດງ ແລະ ຈຳໜ່າຍສິນ ຄ້າຂອງປະຊາຊົນຊາວເມືອງ ພຽງ, ສິນຄ້າ 1 ເມືອງ 1 ຜະ ລິດຕະພັນ (ODOP) ຂອງ ເມືອງພຽງ, ການວາງສະແດງ ຂອງຫ້ອງການຕ່າງໆ ແລະ ສິນຄ້າ ODOP ຈາກບັນດາ ແຂວງອ້ອມຂ້າງ, ຈາກ ສສ ຫວຽດນາມ ແລະ ລາຊະອານາ ຈັກໄທ ລວມເກືອບ 100 ຫ້ອງ ວາງສະແດງ.