ຄອບຄົວການນຳ ມອບເງິນຊ່ວຍເຫຼືອ ປະຊາຊົນຊຽງຂວາງ


...

11.10.2018 9:05     

   ທ່ານ ປ້າ ນາລີ ສີສຸລິດ ພ້ອມດ້ວຍຄະນະໄດ້ມອບເງິນຊ່ວຍເຫຼືອປະຊາຊົນແຂວງຊຽງ ຂວາງ ເພື່ອຟື້ນຟູຊີວິດການເປັນຢູ່ຂອງປະຊາຊົນບ້ານສັນແຟນທີ່ໄດ້ຮັບຜົນກະທົບຈາກອັກຄີໄພ ແລະ ບ້ານອື່ນໆທີ່ໄດ້ຮັບຜົນກະທົບຈາກໄພນ້ຳຖ້ວມ ພາຍຫຼັງນຳ້ຖ້ວມໄດ້ຫຼຸດລົງ, ກ່າວຮັບໂດຍທ່ານ ບຸນຕົ້ນ ຈັນທະພອນ ເຈົ້າແຂວງໆຊຽງຂວາງ ພ້ອມດ້ວຍຄະນະ ໃນຕອນແລງວັນທີ 8 ຕຸລາຜ່ານມາ ທີ່ຫ້ອງວ່າການແຂວງຊຽງຂວາງ ການຊ່ວຍເຫຼືອຄັ້ງນີ້ມີ ຄອບຄົວ ປ້າ ນາລີ ສີສຸລິດ ຈຳນວນ 10 ລ້ານກີບ, ບໍລິສັດພົນສັກດີກໍ່ສ້າງຂົວ-ທາງ ແລະ ບໍ່ແຮ່ ຈຳກັດ ຜູ້ດຽວ 127 ລ້ານກວ່າ ກີບ, ນາງ ພວງທອງ ສຸຍະວົງ ພ້ອມຄະ ນະ 17 ລ້ານກວ່າກີບ, ທ່ານ ຄຳເພີງ ທອງສະບາ 15 ລ້ານກີບ, ຍາທ່ານໃຫຍ່ມະຫາງອນ 5 ລ້ານກີບ, ທ່ານ ສົມເພັດ ມ້າວປະເສີດ 5 ລ້ານກີບ, ທ່ານ ສົມບູນ ເນຕິບັນດິດ 5 ລ້ານກີບ, ຄະນະສົງວັດນາໄຊ 3 ລ້ານກີບ, ບໍລິສັດວັງຊັບ ພັດທະນາ ແລະ ລົງທຶນ 2 ລ້ານກີບ, ແມ່ເຖົ້າ ບຸນຍົງ ໄຊຍະວົງ 2 ລ້ານກີບ, ອາຈານ ບຸນທະວີ ປະສິດທິສັກ ພ້ອມຄະນະ 2 ລ້ານກີບ, ຄະ ນະ ສົງວັດຈອມທອງ 2 ລ້ານ ກີບ, ທ່ານ ແສງທອງ ວັງແກ້ວ ມະນີ 1 ລ້ານກີບ, ທ່ານ ສີປະ ເສີດ ສີສົມບັດ 950.000 ກີບ ແລະ ຄອບຄົວ ວົງນະຄອນ 5 ລ້ານກີບ ລວມເປັນເງິນທັງໝົດ 205 ລ້ານກວ່າກີບ. ໂອກາດນີ້ທ່ານເຈົ້າແຂວງໆຊຽງຂວາງ ກໍໄດ້ກ່າວສະແດງຄວາມຂອບ ໃຈອັນລົ້ນເຫຼືອມາຍັງຄອບຄົວການນຳ, ບໍລິສັດ ທີ່ໄດ້ໃຫ້ ການຊ່ວຍເຫຼືອປະຊາຊົນຊາວແຂວງຊຽງຂວາງ ທີ່ໄດ້ຮັບຜົນກະທົບຈາກໄພນຳ້ຖ້ວມ ເພື່ອຟື້ນຟູ ຊີວິດການເປັນຢູ່ພາຍຫຼັງນຳ້ໄດ້ ຫຼຸດລະດັບລົງ ປະຊາຊົນຊາວ ຊຽງຂວາງຂໍຈື່ຈຳບຸນຄຸນບັນດາ ທ່ານໄວ້ໃນຫົວໃຈຊາວຊຽງຂວາງຊົ່ວກາລະນານ. (ຂ່າວ: ບຸນມີ ແສງທຸມມີ)