ອຸດົມໄຊ ສ້າງແຜນກຳນົດພະນັກງານ ນຳພາ-ຄຸ້ມຄອງຂັ້ນສູນກາງຄຸ້ມຄອງທົ່ວແຂວງ


...

11.10.2018 9:13     

   ກອງປະຊຸມສ້າງແຜນກຳນົດພະນັກງານນຳພາຄຸ້ມຄອງ ຂັ້ນສູນກາງຄຸ້ມຄອງ ທົ່ວແຂວງອຸດົມໄຊ ໄດ້ເປີດຂຶ້ນເມື່ອບໍ່ດົນຜ່ານມາ ທີ່ສະໂມສອນແຂວງອຸດົມໄຊໂດຍການເປັນປະທານຂອງ ທ່ານ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າ ແຂວງອຸດົມໄຊ ມີບັນດາຄະນະປະຈຳພັກແຂວງ ກຳມະການພັກແຂວງ ເຈົ້າເມືອງ 7 ເມືອງ ແລະ ຫົວໜ້າ ຮອງຫົວໜ້າພະແນກ ການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໃນກອງປະຊຸມໄດ້ຜ່ານຂໍ້ຕົກລົງແຕ່ງຕັ້ງເພີ່ມເຕີມຄະນະປະຈຳພັກແຂວງ ແລະ ຜ່ານບົດສະຫຼຸບການສ້າງແຜນກຳນົດພະນັກງານນຳພາຄຸ້ມຄອງຂັ້ນສູນກາງຄຸ້ມຄອງທົ່ວແຂວງອຸດົມໄຊຜ່ານການຈັດຕັ້ງປະຕິບັດໃນໄລຍະຜ່ານມາຕາມການແບ່ງຂັ້ນຄຸ້ມຄອງຂອງຄະນະພັກແຕ່ລະຂັ້ນໃນຂອບເຂດທົ່ວແຂວງອຸດົມໄຊໃນໄລຍະຜ່ານມາສາມາດສະຫຼຸບຕີລາຄາໄດ້ດັ່ງນີ້:ດ້ານດີ ຜົນສຳເລັດໃນການຈັດຕັ້ງປະຕິບັດແຜນກຳນົດ ປີ 20112015 ຄະນະພັກແຕ່ລະຂັ້ນກໍ່ໄດ້ນຳໃຊ້ແຜນກຳນົດດັ່ງກ່າວເປັນບ່ອນອີງພື້ນຖານໃຫ້ແກ່ການບຳລຸງກໍ່ສ້າງພະນັກງານ ແລະ ພື້ນຖານໃຫ້ແກ່ການກະກຽມບຸກຄະລາກອນກອງປະຊຸມໃຫຍ່ອົງຄະນະພັກເມືອງ, ອົງຄະນະພັກແຂວງ ແລະ ວຽກງານປັບປຸງກົງຈັກບຸກຄະລາກອນຂອງບັນດາພະແນກການ, ອົງການອ້ອມຂ້າງແຂວງ ເຫັນວ່າມີປະສິດທິຜົນສູງສົມຄວນ, ຜ່ານການເລືອກຕັ້ງບຸກຄະລາກອນໃນການກະກຽມກອງປະຊຸມໃຫຍ່ອົງຄະນະພັກແຂວງຄັ້ງທີ VIII ຜ່ານມານີ້, ມີຄະນະບໍລິ ຫານງານພັກແຂວງທັງໝົດ 31 ສະຫາຍ, ຍິງ 3 ສະຫາຍ, ໃນນີ້ຖືກຕາມແຜນກຳນົດທີ່ໄດ້ຮັບຮອງໄວ້ 28 ສະຫາຍ ກວມ 90,32% ແລະ ບໍ່ຢູ່ໃນແຜນກຳນົດ 3 ສະຫາຍ, ກວມພຽງແຕ່ 9,68% ການເລືອກຕັ້ງບຸກຄະລາກອນກອງປະຊຸມໃຫຍ່ອົງຄະນະພັກເມືອງໃນ 7 ເມືອງ ຂອບເຂດທົ່ວແຂວງຄັ້ງທີ່ຜ່ານມາ, ມີຄະນະບໍລິຫານງານພັກເມືອງທັງໝົດ 140 ສະຫາຍ, ຍິງ 15 ສະຫາຍ, ໃນນີ້ຖືກຕາມແຜນກຳນົດທີ່ໄດ້ຮັບຮອງໄວ້ 116 ສະຫາຍ ກວມ 82,86% ແລະ ບໍ່ຢູ່ໃນແຜນກຳນົດ 24 ສະຫາຍ ກວມ 17,14%, ນຳໃຊ້ແຜນກຳນົດເຂົ້າໃນການ ບັນຈຸ ສັບຊ້ອນ ແລະ ແຕ່ງຕັ້ງເປັນຄະນະນຳຂອງບັນດາພະແນກການອົງການ ເພື່ອເປັນການເພີ່ມກຳລັງແຮງໃນການຊີ້ນຳນຳພາ ແລະ ຈັດຕັ້ງປະຕິບັດໜ້າທີ່ການເມືອງ ຂອງຄະນະນຳຢູ່ແຕ່ລະພະແນກການ ອົງການ, ຄະນະນຳຂອງແຂວງ, ກະຊວງ,ອົງການກໍ່ໄດ້ມີການປະສານສົມທົບກັນຢ່າງກົມກຽວໃນການບັນຈຸ, ສັບຊ້ອນບຸກຄະລາກອນຂອງແຕ່ລະຂົງເຂດວຽກງານໃຫ້ມີຄວາມເຂັ້ມແຂງ ບົນພື້ນຖານກຳນົດພະນັກງານນຳພາຄຸ້ມຄອງທີ່ໄດ້ຮັບຮອງ ແລະ ຄົບຖ້ວນຕາມມາດຖານເງື່ອນໄຂທີ່ກຳນົດໄວ້, ນອກນີ້ຍັງໄດ້ສ້າງແຜນກຳນົດພະນັກງານນຳພາ ຄຸ້ມຄອງ ປີ 20162020, ເຊັ່ນວ່າ ບັນດາພະແນກການ, ອົງ ການຂັ້ນແຂວງ, ລວມທັງໝົດ 34 ພາກສ່ວນ, ມີຜູ້ທີ່ຖືກສະເໜີຊື່ເຂົ້າແຜນທັງໝົດ 1.664 ສະ ຫາຍ ໃນນີ້ ມີຕຳແໜ່ງຫົວໜ້າ, ຮອງຫົວໜ້າພະແນກການ, ອົງການທຽບເທົ່າ, ຕຳແໜ່ງຫົວໜ້າຂະແໜງ ແລະ ຮອງຂະແໜງ, ແລະ ອື່ນໆ ພ້ອມນີ້ຍັງມີແຜນກຳນົດຕຳແໜ່ງງານທີ່ຂຶ້ນກັບການຄຸ້ມຄອງຂອງຄະນະປະຈຳພັກເມືອງ ຄະນະຮັບຜິດຊອບຂັ້ນແຂວງ ໄດ້ສົມທົບກັບຄະນະປະຈຳພັກເມືອງຕາມຂັ້ນຄຸ້ມຄອງຢູ່ບັນດາເມືອງ ຕາມຂັ້ນຄຸ້ມຄອງຂອງຄະນະປະຈຳພັກແຂວງສຳເລັດໃນຂອບເຂດທົ່ວແຂວງໃນທ້າຍປີ 2017 ຊຶ່ງມີຜູ້ ຖືກສະເໜີຊື່ເຂົ້າແຜນໃນແຕ່ລະຕຳແໜ່ງທັງໝົດ 293 ສະຫາຍ. ພ້ອມດຽວກັນກອງປະຊຸມຍັງໄດ້ເຜີຍແຜ່ເຊື່ອມຊຶມມະຕິຂອງກົມການເມືອງສູນກາງພັກສະບັບເລກທີ 032/ກມສພ ລົງວັນທີ 3/1/2018 ວ່າດ້ວຍການສ້າງແຜນກຳນົດພະນັກງານນຳພາຄຸ້ມຄອງ, ຜ່ານບາງເນື້ອໃນມະຕິຕົກລົງຂອງກົມການເມືອງສູນກາງພັກ ວ່າດ້ວຍມາດຕະຖານພະນັກງານຄຸ້ມຄອງ ແລະ ບາງເນື້ອໃນຂອງຄຳສັ່ງ ເລກທີ 04/ກມສພ ວ່າດ້ວຍການກະກຽມກອງປະຊຸມ 3 ຂັ້ນ. (ຂ່າວ:ແສງອາທິດ)