ຊຽງຂວາງ ກະກຽມແຫຼ່ງມໍລະດົກໄຫຫີນ ເປັນມໍລະດົກໂລກ


...

12.10.2018 9:15     

    ການກະກຽມແຫຼ່ງມໍລະ ດົກໄຫຫີນແຂວງຊຽງຂວາງເປັນມໍລະດົກໂລກໄດ້ສຳເລັດການສຳຫຼວດ ແລະ ຂຶ້ນທະບຽນແຫຼ່ງມໍລະດົກໄຫຫີນ 11 ແຫຼ່ງ ໃນ 4 ເມືອງຄື: ເມືອງແປກ, ຜາໄຊ, ພູກູດ ແລະ ເມືອງຄຳ ຊຶ່ງແຫຼ່ງມໍລະດົກໄຫຫີນ 11 ແຫຼ່ງດັ່ງກ່າວເປັນຕົວແທນອັນໂດດເດັ່ນໃຫ້ແກ່ແຫຼ່ງໄຫຫີນທັງໝົດໃນທົ່ວແຂວງ ທີ່ມີຫຼາຍ ກວ່າ 80 ແຫຼ່ງ. ກອງປະຊຸມລາຍງານຜົນຄວາມຄືບໜ້າການກະກຽມແຫຼ່ງມໍລະດົກໄຫຫີນ ແຂວງຊຽງຂວາງເຂົ້າເປັນມໍລະດົກໂລກໄດ້ຈັດຂຶ້ນເມື່ອວັນທີ 11 ຕຸລານີ້ ທີ່ພະແນກ ຖວທ ແຂວງຊຽງຂວາງ ໂດຍພາຍໃຕ້ການເປັນປະ-ທານຂອງທ່ານ ບໍ່ແສງຄຳ ວົງດາລາ ກຳມະການສູນກາງ ພັກ ລັດຖະມົນຕີກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ປະທານ ຄະນະກຳມະການລະດັບຊາດ ເພື່ອມໍລະດົກໂລກ, ມີທ່ານ ບຸນຕົ້ນ ຈັນທະພອນ ເລຂາພັກແຂວງ, ເຈົ້າແຂວງຊຽງຂວາງ, ມີຮອງເຈົ້າແຂວງ, ຮອງລັດຖະ ມົນຕີ, ບັນດາຫົວໜ້າກົມ, ຮອງກົມ ແລະ ຫົວ-ໜ້າພະແນກ, ຮອງພະແນກອ້ອມຂ້າງແຂວງຊຽງຂວາງ ແລະ ພະນັກງານວິຊາການເຂົ້າຮ່ວມ ໃນໂອກາດນີ້, ທ່ານ ບໍ່ແສງຄໍາ ວົງດາລາ ໄດ້ກ່າວເປີດກອງປະ ຊຸມວ່າ: ກອງປະຊຸມຄັ້ງນີ້ ແມ່ນມີຄວາມໝາຍສຳຄັນຫຼາຍທີ່ ສຸດ ເພາະວ່າພວກເຮົາຈະໄດ້ ພ້ອມກັນກວດກາປະເມີນໃນດ້ານຕ່າງໆ ໂດຍສະ-ເພາະພື້ນທີ່ຂອງແຫຼ່ງມໍລະດົກໄຫຫີນ ທັງ 11 ແຫຼ່ງ ທີ່ຢູ່ໃນ 4 ເມືອງ ຄື: ເມືອງແປກ, ພູກູດ, ຜາໄຊ ແລະ ເມືອງຄຳ ທີ່ສະ-ເໜີເປັນມໍລະດົກໂລກ, ໃນນັ້ນ ພວກເຮົາກໍຈະໄດ້ຮ່ວມກັນສັງ-ເກດ ແລະ ຕີລາຄາບັນດາຂະບວນການໃນການກະກຽມຄວາມພ້ອມໂດຍສະເພາະວຽກງານຄຸ້ມຄອງບໍລິຫານແຫຼ່ງມໍລະດົກດັ່ງກ່າວ ທັງຢູ່ໃນຂັ້ນເມືອງ ແລະ ການມີສ່ວນຮ່ວມຂອງປະຊາຊົນຂັ້ນບ້ານ, ມີຂໍ້ສະດວກ, ຂໍ້ຫຍຸ້ງຍາກ ແລະ ສິ່ງທ້າທາຍແນວໃດ ພ້ອມທັງຊອກຫາວິທີທາງແກ້ໄຂທີ່ເໝາະສົມ, ທ່ານກ່າວຕື່ມວ່າ: ບັນດາທ່ານຜູ້ແທນທີ່ເຂົ້າຮ່ວມກອງປະ-ຊຸມໃນເທື່ອນີ້ ຈົ່ງພ້ອມກັນເອົາໃຈໃສ່ປຶກສາຫາລື ແລະ ແລກປ່ຽນຄຳຄິດຄຳເຫັນ ຢ່າງກົງໄປກົງມາ ແນ-ໃສ່ເຮັດໃຫ້ການກະກຽມດ້ານຕ່າງໆໃຫ້ປະສົບຜົນສຳເລັດຕາມຈຸດປະ ສົງລະດັບຄາດໝາຍທີ່ວາງໄວ້, ສາ-ມາດອະ-ທິບາຍຕໍ່ການລົງມາກວດກາປະເມີນຜົນພື້ນທີ່ຕົວຈິງຂອງຊ່ຽວຊານສາກົນຈາກສູນມໍ-ລະ-ດົກໂລກໃຫ້ມີເນື້ອໃນຖືກຕ້ອງ, ຄົບຖ້ວນຕາມຂະບວນການ ແລະ ປະສົບຜົນສຳເລັດເປັນຢ່າງດີ. ກອງປະຊຸມດັ່ງກ່າວແມ່ນຈະໄດ້ດຳເນີນເປັນເວ-ລາ 2 ວັນຈຶ່ງສຳເລັດ ຊຶ່ງບັນດາຜູ້ເຂົ້າຮ່ວມຈະໄດ້ຮັັບຟັງການສະ-ເໜີລາຍງານຄວາມຄືບໜ້າໃນການກະກຽມແຫຼ່ງມໍລະດົກໄຫຫີນແຂວງຊຽງຂວາງເປັນມໍລະດົກໂລກຂອງອົງ-ການອຸຍແນັດສະໂກ, ລາຍງານກຽມ-ພ້ອມດ້ານພື້ນທີ່ແຫຼ່ງມໍລະດົກໄຫຫີນ 1 ບ້ານນາໂອ ແລະ ແຫຼ່ງມໍ-ລະ -ດົກໄຫຫີນ 21 ພູເກັງ ເມືອງແປກ, ແຫຼ່ງມໍລະດົກໄຫຫີນ 25 ບ້ານສອງຮັກ ແລະ ແຫຼ່ງມໍ-ລະ-ດົກໄຫຫີນ 28 ບ້ານນາຄວນ ເມືອງພູກູດ, ແຫຼ່ງມໍລະດົກໄຫຫີນ 2 ບ້ານນາໂຄ້, ແຫຼ່ງທີ 3 ແລະ ແຫຼ່ງ 8 ບ້ານຊຽງດີ ເມືອງຜາໄຊ, ແຫຼ່ງມໍລະດົກໄຫຫີນ 23 ບ້ານນາໍ້ຮົ່ມ ແລະ ແຫຼ່ງ 42 ພູຊ້າງ ບ້ານຊາງ ເມືອງຄຳ, ແຫຼ່ງ 12 ແລະ ແຫຼ່ງ 52 ບ້ານຜາແກ້ວ ເມືອງແປກ, ໃນນັ້ນບັນດາຜູ້ແທນທີ່ເຂົ້າຮ່ວມກອງປະ-ຊຸມຄັ້ງນີ້ຍັງໄດ້ໄປຢ້ຽມຊົມ ແຫຼ່ງມໍລະດົກໄຫຫີນ 2 ບ້ານນາໂຄ້ ແລະ ແຫຼ່ງ 3 ບ້ານຊຽງດີ ເມືອງຜາໄຊ ອີກດ້ວຍ. (ຂ່າວ: ສຳນານ ລາຍງານຈາກ ເມືອງແປກ, ແຂວງຊຽງຂວາງ)