ສານອວຍພອນວັນຊາດຕວກກີ


29.10.2018 8:48     

   ວັນທີ 27 ຕຸລາ 2018 ພະນະທ່ານ ບຸນຍັງ ວໍລະຈິດ ປະທານປະເທດເຮົາ ໄດ້ສົ່ງສານອວຍພອນເຖິງ ພະນະທ່ານ ເຣີເຊັບ ໄຕຢິບ ແອໂດກັນ ປະທານາທິບໍດີ ແຫ່ງ ສາທາລະນະ ລັດ ຕວກກີ ທີ່ ອັງກາຣາ ຊຶ່ງມີເນື້ອໃນວ່າ: ເນື່ອງໃນໂອກາດວັນຊາດ ແຫ່ງ ສາທາລະນະລັດ ຕວກກີ, ຕາງໜ້າໃຫ້ປະຊາຊົນ ແຫ່ງ ສປປ ລາວ ແລະ ໃນນາມສ່ວນຕົວ, ຂ້າພະເຈົ້າ ຮູ້ສຶກເປັນກຽດ ແລະ ປິຕິຍິນດີສົ່ງຄຳຊົມເຊີຍຢ່າງຈິງໃຈ ແລະ ພອນໄຊອັນປະເສີດມາຍັງພະນະທ່ານ ແລະ ປະຊາຊົນຕວກກີທຸກຖ້ວນໜ້າ. ຂ້າພະເຈົ້າ ເຊື່ອໝັ້ນວ່າ ດ້ວຍຄວາມພະຍາຍາມຮ່ວມກັນ ສາຍພົວພັນມິດຕະພາບ ແລະ ການຮ່ວມມືອັນດີທີ່ມີມາ ລະຫວ່າງ ສອງປະເທດພວກເຮົາ ຈະໄດ້ຮັບການສືບຕໍ່ຮັດແໜ້ນ ແລະ ເສີມຂະຫຍາຍຢ່າງບໍ່ຢຸດຢັ້ງໃນຊຸມປີຕໍ່ໜ້າ ເພື່ອຜົນປະໂຫຍດ ຂອງປະຊາຊົນສອງປະເທດພວກເຮົາ ກໍ່ຄືເພື່ອສັນຕິພາບ, ສະ ຖຽນລະພາບ ແລະ ການຮ່ວມມື ເພື່ອການພັດທະນາຢູ່ໃນ ພາກ ພື້ນ ແລະ ໃນທົ່ວໂລກ. ໃນໂອກາດດຽວກັນ,ພະນະທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກໍໄດ້ສົ່ງສານຊົມເຊີຍເຖິງຄູ່ ຮ່ວມຕຳແໜ່ງ ແຫ່ງ ສາທາລະນະລັດ ຕວກກີ ເຊັ່ນດຽວກັນ.