ພະນະທ່ານ ທອງລຸນ ສີສຸລິດ ເຂົ້າຮ່ວມກອງປະຊຸມຜູ້ນຳ ແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 2 ທີ່ພະນົມເປັນ


...

    

ໃນວັນທີ 10 - 11 ມັງກອນ 2018, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ນຳພາຄະ ນະຜູ້ແທນລາວເຂົ້າຮ່ວມກອງ ປະຊຸມຜູ້ນຳແມ່ນ້ຳຂອງ - ແມ່ ນ້ຳລ້ານຊ້າງ ຄັ້ງທີ 2 ແລະ ພ້ອມທັງຮັບການເປັນປະທານຮ່ວມຈາກກຳປູເຈຍ ໃນສົກປີ 2018 - 2020 ຢ່າງເປັນທາງການທີ່ ພະນົມເປັນຣາຊະອານາຈັກ ກຳປູເຈຍ. ກອງປະຊຸມໄດ້ດຳ ເນີນໄປພາຍໃຕ້ຫົວຂໍ້: “ແມ່ນ້ຳ ແຫ່ງສັນຕິພາບຂອງພວກເຮົາ ແລະ ການພັດທະນາແບບຍືນ ຍົງ: ໂດຍການເປັນປະທານ ຮ່ວມຂອງພະນະທ່ານ ລີ ເຄີ້ສຽງ ນາຍົກລັດຖະມົນຕີແຫ່ງ ສປ ຈີນ ແລະ ສົມເດັດອັກຄະມະຫາ ເສນາບໍດີ ເຕໂຈ ຮຸນແຊນ ນາ ຍົກລັດຖະມົນຕີ ແຫ່ງຣາຊະອາ ນາຈັກກຳປູເຈຍ ແລະ ມີບັນດາ ການນຳຂັ້ນສູງພ້ອມດ້ວຍຄະ ນະຜູ້ແທນຈາກປະເທດສະມາ ຊິກຂອບການຮ່ວມມືແມ່ນ້ຳ ຂອງ - ແມ່ນ້ຳລ້ານຊ້າງ 6 ປະ ເທດ ຄື: ຣາຊະອານາຈັກກຳປູ ເຈຍ, ສປ ຈີນ, ສປປລາວ, ສສ. ມຽນມາ, ຣາຊະອານາຈັກໄທ ແລະ ສສ ຫວຽດນາມເຂົ້າຮ່ວມ. ໃນກອງປະຊຸມຄັ້ງນີ້, ບັນ ດາຜູ້ນຳ 6 ປະເທດສະມາຊິກ ໄດ້ພ້ອມກັນແລກປ່ຽນຄຳຄິດ ຄຳເຫັນ ແລະ ໃຫ້ທັດສະນະ ຮ່ວມຕໍ່ກັບຜົນຂອງການຜັນ ຂະຫຍາຍການຈັດຕັ້ງປະຕິບັດ ວຽກງານຕ່າງໆຕາມຖະແຫຼງ ການຊານຢາທີ່ໄດ້ຮັບຮອງເອົາ ໃນກອງປະຊຸມຜູ້ນຳຂອບການ ຮ່ວມມືແມ່ນ້ຳຂອງ - ແມ່ນ້ຳ ລ້ານຊ້າງ ຄັ້ງທີ 1 ທີ່ເມືອງຊານ ຢາ ແຂວງໄຮໜານ ສປ ຈີນ ແລະ ກອງປະຊຸມລັດຖະມົນຕີ ຕ່າງປະເທດແມ່ນ້ຳຂອງ - ແມ່ ນ້ຳລ້ານຊ້າງ ຄັ້ງທີ 2 ແລະ 3 ພ້ອມນີ້ ກອງປະຊຸມຍັງໄດ້ທົບ ທວນຄືນຄວາມຄືບໜ້າ ແລະ ໝາກຜົນຂອງການຈັດຕັ້ງປະ ຕິບັດບັນດາແຜນວຽກ ແລະ ໂຄງ ການຕ່າງໆ ພາຍໃຕ້ຂອບການ ຮ່ວມມືດັ່ງກ່າວ ໃນໄລຍະຜ່ານ ມາ, ພ້ອມທັງຮ່ວມກັນປຶກສາ ຫາລື ກ່ຽວກັບທິດທາງຮ່ວມມື ໃນຕໍ່ໜ້າ ເພື່ອແນໃສ່ເຮັດໃຫ້ ຂອບການຮ່ວມມືແມ່ນ້ຳ ຂອງ - ແມ່ນ້ຳລ້ານຊ້າງ ເປັນ ຂອບການຮ່ວມມືທີ່ນຳເອົາຜົນ ປະໂຫຍດ ອັນເປັນຮູບປະທຳ ມາສູ່ 6 ປະເທດສະມາຊິກກໍຄື ພາກພື້ນຢ່າງແທ້ຈິງ. ນອກນັ້ນ ກອງປະຊຸມຍັງໄດ້ພ້ອມກັນ ຊົມເຊີຍຕໍ່ຜົນສຳເລັດຂອງ ການສ້າງຕັ້ງກອງເລຂາແຫ່ງ ຊາດຂອງບັນດາປະເທດສະ ມາຊິກ ຊຶ່ງເປັນຈຸດປະສານ ງານຫຼັກທີ່ອຳນວຍຄວາມສະ ດວກໃນການປະສານງານ ແລະ ເຮັດວຽກຮ່ວມກັນໃຫ້ມີ ປະສິດທິພາບ ແລະ ປະສິດທິ ຜົນດີຂຶ້ນໄປເລື້ອຍໆ; ພ້ອມນີ້ຍັງ ພ້ອມກັນສະແດງຄວາມຊົມ ເຊີຍຕໍ່ ສປ ຈີນ ທີ່ໄດ້ສຳເລັດ ການສ້າງຕັ້ງສູນກາງຮ່ວມມື ຊັບພະຍາກອນນ້ຳ ແມ່ນ້ຳຂອງ - ແມ່ນ້ຳລ້ານຊ້າງ, ສູນການ ຮ່ວມມືສິ່ງແວດລ້ອມ ແມ່ນ້ຳ ຂອງ - ແມ່ນ້ຳລ້ານຊ້າງ, ສູນ ສາກົນ ເພື່ອສຶກສາຄົ້ນຄວ້າແມ່ ນ້ຳຂອງ ແລະ ການອະນຸມັດ ນຳໃຊ້ກອງທຶນພິເສດ ແມ່ນ້ຳ ຂອງ - ແມ່ນ້ຳລ້ານຊ້າງ ສຳ ລັບໂຄງການຮ່ວມຕ່າງໆ. ໃນກອງປະຊຸມ, ບັນດາຜູ້ ນຳທັງ 6 ປະເທດໄດ້ເປັນເອ ກະພາບກັນ ແລະ ຮັບຮອງເອົາ 4 ເອກະສານສຳຄັນຄື: (1). ຖະ ແຫຼງການພະນົມເປັນ ວ່າດ້ວຍ “ແມ່ນ້ຳແຫ່ງສັນຕິພາບຂອງ ພວກເຮົາ ແລະ ການພັດທະນາ ແບບຍືນຍົງ” ຊຶ່ງຖະແຫຼງການ ດັ່ງກ່າວ ປະກອບມີ 4 ພາກ ສ່ວນໃຫຍ່ຄື: ການຮ່ວມມືດ້ານ ການເມືອງ ແລະ ຄວາມໝັ້ນ ຄົງ, ການຮ່ວມມືດ້ານເສດຖະ ກິດ ແລະ ການພັດທະນາແບບ ຍືນຍົງ, ການຮ່ວມມືດ້ານສັງ ຄົມ, ວັດທະນະທຳ ແລະ ການ ແລກປ່ຽນ ລະຫວ່າງປະຊາຊົນ ກັບ ປະຊາຊົນ ແລະ ການຮ່ວມ ມືດ້ານການສະໜັບສະໜູນ ການຮ່ວມມື; (2). ແຜນປະຕິ ບັດງານ 5 ປີຂອງຂອບການ ຮ່ວມມືແມ່ນ້ຳຂອງ - ແມ່ນ້ຳ ລ້ານຊ້າງ ປີ 2018 - 2022 ຊຶ່ງປະກອບມີ 5 ພາກສ່ວນ ໃຫຍ່ຄື: ເປົ້າໝາຍການພັດທະ ນາ, ຫຼັກການພື້ນຖານ, ໂຄງ ສ້າງການເຮັດວຽກ, ການຮ່ວມ ມືວຽກງານຕົວຈິງ ແລະ ລະບົບ ການສະໜັບສະໜູນ; (3). ບັນ ຊີໂຄງການທີ່ໄດ້ຮັບການສະ ໜັບສະໜູນຈາກ ສປ ຈີນ ໄລ ຍະທີ 2 ຊຶ່ງບັນຊີໂຄງການດັ່ງ ກ່າວແມ່ນບັນດາ 6 ປະເທດ ສະມາຊິກເປັນຜູ້ສະເໜີຕໍ່ ສປ ຈີນ ໃນນັ້ນ ສປປ ລາວ ໄດ້ສະເໜີ 26 ໂຄງການ ແລະ (4). ບົດ ລາຍງານຂອງ 6 ໜ່ວຍງານວິ ຊາການຮ່ວມຂອງ 5 ຂະແໜງ ການບຸລິມະສິດຂອງຂອບການ ຮ່ວມມືແມ່ນ້ຳຂອງ - ແມ່ນ້ຳ ລ້ານຊ້າງ ຊຶ່ງ 6 ໜ່ວຍງານວິຊາ ການຮ່ວມປະກອບມີໜ່ວຍງານ ການເຊື່ອມຈອດ, ໜ່ວຍງານ ການຮ່ວມມືຄວາມອາດສາມາດ ດ້ານການຜະລິດ, ໜ່ວຍງານ ການຮ່ວມມືເສດຖະກິດຂ້າມ ຊາຍແດນ, ໜ່ວຍງານການຮ່ວມ ມືຊັບພະຍາກອນນ້ຳ, ໜ່ວຍ ງານກະສິກຳ ແລະ ໜ່ວຍງານຫຼຸຸດຜ່ອນຄວາມທຸກຍາກ. ຫຼັງຈາກສຳເລັດກອງປະ ຊຸມ, ພະນະທ່ານ ທອງລຸນ ສີສຸລິດ ໄດ້ຂຶ້ນຮັບຕຳແໜ່ງການ ເປັນປະທານຮ່ວມຂອງ ສປປ ລາວ ກັບ ສປ ຈີນ ສຳລັບຂອບ ການຮ່ວມມືແມ່ນ້ຳຂອງ-ແມ່ ນ້ຳລ້ານຊ້າງ ສົກປີ 2018- 2020 ຄັ້ງຕໍ່ໄປຈາກສົມເດັດ ອັກຄະມະຫາເສນາບໍດີ ເຕໂຈ ຮຸນແຊນ ນາຍົກລັດຖະມົນຕີ ກຳປູເຈຍ ໃນໂອກາດດັ່ງກ່າວ ພະນະທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍ ຕໍ່ ຜົນສຳເລັດຢ່າງຈົບງາມໃນ ການເປັນປະທານຮ່ວມຂອງ ສປ ຈີນ ແລະ ກຳປູເຈຍ ໃນ ສົກປີ 2015-2017 ຜ່ານມາ ແລະ ຊົມເຊີຍຜົນສຳເລັດຂອງ ກອງປະຊຸມຜູ້ນຳແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 2 ໃນ ຄັ້ງນີ້. ພ້ອມກັນນັ້ນ, ພະນະ ທ່ານຍັງໄດ້ແຈ້ງໜ້າວຽກບຸລິ ມະສິດ ການເປັນປະທານຮ່ວມ ຂອງ ສປປ ລາວ ຄື: ການສ້າງ ແລະ ພັດທະນາພື້ນຖານໂຄງ ບົນ ແລະ ພື້ນຖານໂຄງລ່າງໃນ ການເຊື່ອມຈອດ ລະຫວ່າງບັນ ດາປະເທດສະມາຊິກ, ພ້ອມ ດຽວກັນນັ້ນ ກໍເອົາໃຈໃສ່ຈັດ ຕັ້ງປະຕິບັດບັນດາມາດຕະ ການຕ່າງໆ ເພື່ອອຳນວຍຄວາມ ສະດວກ ແລະ ສົ່ງເສີມການຄ້າ, ການລົງທຶນ ແລະ ການທ່ອງ ທ່ຽວ ຢູ່ໃນບັນດາອະນຸພາກພື້ນ 6 ປະເທດ ສະມາຊິກ. ໃນໂອກາດເຂົ້າຮ່ວມ ກອງປະຊຸມຄັ້ງນີ້ ພະນະທ່ານ ທອງລຸນ ສີສຸລິດ ຍັງໄດ້ພົບປະ ສອງຝ່າຍກັບພະນະທ່ານ ຫງວຽນ ຊວັນ ຟຸກ ນາຍົກລັດ ຖະມົນຕີ ແຫ່ງ ສສ ຫວຽດນາມ, ພະນະທ່ານ ລີ ເຄີ້ສຽງ ນາຍົກ ລັດຖະມົນຕີ ແຫ່ງ ສປ ຈີນ ແລະ ສົມເດັດອັກຄະມະຫາ ເສນາບໍດີ ເຕໂຈ ຮຸນແຊນ ນາ ຍົກລັດຖະມົນຕີ ແຫ່ງຣາຊະອານາຈັກ ກຳປູເຈຍ ເພື່ອປຶກ ສາຫາລືກ່ຽວກັບການຊຸກຍູ້ສົ່ງ ເສີມການພົວພັນຮ່ວມມືສອງ ຝ່າຍໃຫ້ນັບມື້ນັບໄດ້ຮັບຜົນດີ ຍິ່ງໆຂຶ້ນ.