ນະຄອນຫຼວງວຽງຈັນ ກຽມເດີນສຳຫຼວດ ຫົວໜ່ວຍທຸລະກິດ


...

    

ໃນວັນທີ 8 ມັງກອນຜ່ານ ມານີ້, ທີ່ກະຊວງການເງິນ ໄດ້ ຈັດກອງປະຊຸມຊີ້ນຳການເດີນ ສຳຫຼວດຫົວໜ່ວຍທຸລະກິດຢູ່ 4 ເມືອງ ໃນນະຄອນຫຼວງວຽງ ຈັນ, ໂດຍການເປັນປະທານ ຂອງທ່ານ ສົມດີ ດວງດີ ຮອງ ນາຍົກລັດຖະມົນຕີ ລັດຖະມົນ ຕີ ກະຊວງການເງິນ, ມີຫົວໜ້າ ສູນສະຖິຕິແຫ່ງຊາດ, ຮອງລັດ ຖະມົນຕີກະຊວງການເງິນ, ຮອງເຈົ້າຄອງນະຄອນຫຼວງ, ຫົວໜ້າກົມ, ພາກສ່ວນກ່ຽວ ຂ້ອງ ແລະ ບັນດາແຂກຖືກເຊີນ ເຂົ້າຮ່ວມ. ໃນກອງປະຊຸມ ທ່ານ ສົມດີ ດວງດີ ໄດ້ກ່າວວ່າ: ໂຄງ ການເດີນສຳຫຼວດຫົວໜ່ວຍທຸ ລະກິດຢູ່ 4 ເມືອງ ໃນ ນວ ຄື: ເມືອງຈັນທະບູລີ , ສີສັດຕະ ນາກ, ສີໂຄດຕະບອງ ແລະ ເມືອງໄຊເສດຖາ ແມ່ນໂຄງ ການສຳຫຼວດເກັບກຳຂໍ້ມູນທີ່ ສຳຄັນ ແລະ ຖືເປັນໂຄງການ ຕົວແບບຂອງລັດຖະບານໃນ ການເພີ່ມຄວາມໂປ່ງໃສ ແລະ ອັດການຮົ່ວໄຫຼຂອງລາຍຮັບ, ຫັນເອົາລະບົບຂໍ້ມູນຖານລາຍ ຮັບເຂົ້າສູ່ການຄຸ້ມຄອງດ້ວຍ ເຄື່ອງມືທັນສະໄໝ ສາມາດ ເຊື່ອມໂຍງກັນໄດ້ໃນຂອບເຂດ ທົ່ວປະເທດ ແລະ ຫັນເອົາການ ຊຳລະພັນທະພາສີ-ອາກອນ ແລະ ຄ່າທຳນຽມຕ່າງໆຜ່ານ ລະບົບທະນາຄານ. ທ່ານໄດ້ເນັ້ນຕື່ມວ່າ: ການ ສຳຫຼວດເກັບກຳຫົວໜ່ວຍທຸ ລະກິດຕົວຈິງໃຫ້ຄົບຖ້ວນ ແລະ ຖືກຕ້ອງສອດຄ່ອງກັບ ຄວາມເປັນຈິງໃນເງື່ອນໄຂ ການຂະຫຍາຍຕົວຂອງເສດ ຖະກິດໃນປັດຈຸບັນ ແມ່ນເປັນ ການເກັບກຳຖານຂໍ້ມູນ ເພື່ອ ສືບຕໍ່ພັດທະນາລະບົບການຊຳ ລະພັນທະອາກອນ ແລະ ຄ່າ ທຳນຽມຕ່າງໆ ຜ່ານລະບົບ ທະນາຄານໃຫ້ສົມບູນໃນອະ ນາຄົດ ແລະ ທັງເປັນການສືບ ຕໍ່ຈັດຕັ້ງຜັນຂະຫຍາຍຄຳສັ່ງ ຂອງທ່ານນາຍົກລັດຖະມົນຕີ ສະບັບເລກທີ 40/ນຍ, ລົງວັນ ທີ 29 ກັນຍາ 2016 ກ່ຽວກັບ ການລົງເກັບກຳ ແລະ ສຳຫຼວດ ຖານລາຍຮັບງົບປະມານຄືນ ໃໝ່ໃນຂອບເຂດທົ່ວປະເທດ ໃຫ້ສຳເລັດຜົນ. ສຳລັບການເດີນສຳຫຼວດ ຕົວຈິງ ຄາດວ່າຈະໄດ້ເລີ່ມຈັດ ຕັ້ງປະຕິບັດໃນກາງເດືອນມັງ ກອນ ຫາ ທ້າຍເດືອນກຸມພາ ປີ 2018 ໂດຍຈະມີຄະນະຮັບຜິດ ຊອບເດີນສຳຫຼວດທີ່ມາຈາກ ພາກສ່ວນຕ່າງໆທີ່ກ່ຽວຂ້ອງ. (ຂ່າວ: ກະຊວງການເງິນ)