ປະທານປະເທດເຮົາ ອວຍພອນວັນຊາດລີບັງ


27.11.2018 10:03     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນ ເຖິງ ທ່ານ ມີແຊນ ອາອູນ ປະທານາທິບໍດີ ແຫ່ງ ສາທາລະນະລັດ ລີບັງ ທີ່ ເບຣຸດ ເມື່ອບໍ່ດົນມານີ້ ຊຶ່ງມີເນື້ອໃນດັ່ງນີ້: ເນື່ອງໃນໂອກາດວັນປະກາດເອກະລາດ ແຫ່ງ ສາທາ ລະນະລັດ ລີບັງ ຄົບຮອບ 75 ປີ, ໃນນາມປະຊາຊົນລາວ ທຸກຖ້ວນໜ້າ ກໍ່ຄືໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ສົ່ງຄຳຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງທ່ານ ແລະ ປະຊາຊົນ ລີບັງ ທຸກຖ້ວນໜ້າ. ຂ້າພະເຈົ້າເຊື່ອໝັ້ນວ່າ ສາຍພົວພັນ ແລະ ການຮ່ວມມືທີ່ມີມາ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນ ລາວ ແລະ ສາທາລະນະລັດ ລີບັງ ຈະສືບຕໍ່ໄດ້ຮັບການພັດທະນາໃນຊຸມປີຕໍ່ໜ້າ. ຂ້າພະເຈົ້າ ຂໍຖືໂອກາດນີ້ ອວຍພອນໃຫ້ທ່ານ ຈົ່ງມີພະລານາໄມສົມບູນ, ມີຄວາມຜາສຸກ ແລະ ປະຊາຊົນ ລີບັງ ຈົ່ງມີຄວາມຈະເລີນຮຸ່ງເຮືອງຍິ່ງຂຶ້ນ.