​ສານ​ສະ​ແດງ​ຄວາມ​ເຫັນ​ໃຈ


30.11.2018 9:27     

   ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ສົ່ງສານສະແດງຄວາມເຫັນໃຈເຖິງທ່ານ ໄມໂຄຣ໌ ປອມປີໂອ ລັດຖະມົນຕີຕ່າງປະເທດ ແຫ່ງ ສະຫະລັດ ອາເມຣິກາ ເມື່ອບໍ່ດົນມານີ້ ທີ່ ນະຄອນຫຼວງ ວໍຊິງຕັນ ເນື້ອໃນສານລະບຸວ່າ: ຂ້າພະເຈົ້າໄດ້ຊາບຂ່າວດ້ວຍຄວາມເສົ້າສະຫຼົດໃຈເປັນຢ່າງຍິ່ງ ຕໍ່ເຫດໄພທຳມະຊາດ ໄຟໄໝ້ປ່າ ທີ່ ລັດ ຄາລິຟໍເນຍ (California), ອັນໄດ້ເຮັດໃຫ້ປະຊາຊົນອາເມຣິກາ ເສຍຊີວິດ ແລະ ຊັບສິນຖືກທຳລາຍຢ່າງຫຼວງຫຼາຍ. ໃນນາມລັດຖະບານ ແລະ ປະຊາຊົນລາວ, ຂ້າພະເຈົ້າຂໍສະແດງຄວາມເຫັນໃຈ ແລະ ເສົ້າສະຫຼົດໃຈຢ່າງສຸດຊຶ້ງ ມາຍັງທ່ານ ແລະ ໂດຍຜ່ານທ່ານ ໄປຍັງລັດຖະບານ ແລະ ປະຊາຊົນ ສະຫະລັດ ອາເມຣິກາ, ພິເສດຕໍ່ຄອບຄົວຂອງຜູ້ປະສົບເຄາະຮ້າຍຈາກໄພທຳມະຊາດໃນຄັ້ງນີ້. ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນຳພາ ຂອງ ປະທານາທິບໍດີ ໂດນັນ ທຳ, ປະຊາຊົນອາເມຣິກາ ຈະສາມາດ ຜ່ານຜ່າຄວາມຫຍຸ້ງຍາກນາໆປະການ ເພື່ອເຮັດໃຫ້ຊີວິດການເປັນຢູ່ຂອງປະຊາຊົນອາເມຣິກາ ຜູ້ຖືກເຄາະຮ້າຍໃນຄັ້ງນີ້ ກັບຄືນສູ່ປົກກະຕິໂດຍໄວ.