ນາຍົກລັດຖະມົນຕີ ລາວ - ກຳປູເຈຍ ພົບປະສອງຝ່າຍ ທີ່ພະນົມເປັນ


...

    

ໃນວັນທີ 11 ມັງກອນ 2018 ທີ່ນະຄອນຫຼວງພະນົມເປັນ. ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະກັບ ພະນະທ່ານ ສົມເດັດ ອັກຄະມະຫາ ເສນາ ບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງ ຣາຊະອານາຈັກ ກຳປູເຈຍ ໃນໂອກາດທີ່ພະນະທ່ານ ພ້ອມດ້ວຍຄະນະ ເຂົ້າຮ່ວມ ກອງປະຊຸມຜູ້ນຳແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 2, ພາຍ ໃຕ້ຫົວຂໍ້ “ແມ່ນ້ຳແຫ່ງສັນຕິພາບຂອງພວກເຮົາ ແລະ ການພັດ ທະນາແບບຍືນຍົງ”. ໃນການພົບປະຄັ້ງນີ້, ສອງຝ່າຍໄດ້ຕີລາຄາສູງຕໍ່ສາຍພົວ ພັນ ແລະ ການຮ່ວມມືຂອງສອງປະເທດລາວ - ກຳປູເຈຍ ໂດຍສະເພາະ ແມ່ນການຮ່ວມມືສອງຝ່າຍ ໃນປີ 2017 ທີ່ຜ່ານມາ ຊຶ່ງທັງ ສອງປະເທດໄດ້ມີການແລກ ປ່ຽນການຢ້ຽມຢາມ ແລະ ພົບ ປະປຶກສາຫາລືກັນຢ່າງເປັນ ປົກກະຕິ ພ້ອມກັນນີ້, ທັງສອງ ຝ່າຍຍັງໄດ້ທົບທວນຄືນກ່ຽວ ກັບວຽກງານໃນດ້ານຕ່າງໆ ເຊັ່ນ: ວຽກງານກົງສູນ, ພະລັງ ງານໄຟຟ້າ, ເສດຖະກິດ, ການ ຄ້າ, ການທ່ອງທ່ຽວ ແລະ ອື່ນໆ. ໃນໂອກາດດັ່ງກ່າວ, ພະ ນະທ່ານ ທອງລຸນ ສີສຸລິດ ໄດ້ ສະແດງຄວາມຍິນດີທີ່ໄດ້ພົບ ກັບ ພະນະທ່ານ ສົມເດັດ ອັກ ຄະມະຫາເສນາບໍດີ ເຕໂຈ ຮຸນ ແຊນ ຊຶ່ງເປັນປະທານຮ່ວມ ຂອງກອງປະຊຸມສຸດຍອດແມ່ ນ້ຳຂອງ - ແມ່ນ້ຳລ້ານຊ້າງ ຄັ້ງ ທີ 2, ພ້ອມທັງສະແດງຄວາມ ຂອບໃຈຢ່າງສູງທີ່ລັດຖະບານ ແລະ ປະຊາຊົນກຳປູເຈຍໄດ້ໃຫ້ ການຕ້ອນຮັບອັນອົບອຸ່ນ, ໃຫ້ ຄວາມສະດວກຕໍ່ການເຂົ້າ ຮ່ວມກອງປະຊຸມຂອງພະນະ ທ່ານ ແລະ ຄະນະ ໃນຄັ້ງນີ້. ພະນະທ່ານນາຍົກລັດຖະມົນ ຕີຍັງໄດ້ສະແດງຄວາມຊົມ ເຊີຍຕໍ່ຜົນສຳເລັດອັນຈົບງາມ ໃນການເປັນເຈົ້າພາບຈັດກອງ ປະຊຸມອັນສຳຄັນໃນຄັ້ງນີ້ຂອງ ກຳປູເຈຍ, ໂດຍພະນະທ່ານ ໄດ້້ຕາງໜ້າໃຫ້ແກ່ ສປປ ລາວ ສະແດງຄວາມຮູ້ສຶກເປັນກຽດ ຢ່າງສູງ ທີ່ໄດ້ທີ່ໄດ້ຮັບຄວາມ ໄວ້ເນື້ອເຊື່ອໃຈຈາກ 6 ປະເທດ ສະມາຊິກກໍຄືປະເທດກຳປູ ເຈຍທີ່ເປັນເຈົ້າພາບກອງປະ ຊຸມໃນຄັ້ງນີ້ ມອບຕຳແໜ່ງປະ ທານຮ່ວມກອງປະຊຸມໃຫ້ ສປປ ລາວ ເປັນເຈົ້າພາບກອງ ປະຊຸມແມ່ນ້ຳຂອງ - ແມ່ນ້ຳ ລ້ານຊ້າງ ໃນຄັ້ງຕໍ່ໄປກໍຄືຄັ້ງທີ 3 ຊຶ່ງ ສປປ ລາວ ຈະນຳເອົາ ຜົນຂອງກອງປະຊຸມຄັ້ງນີ້ສືບຕໍ່ ຜັນຂະຫຍາຍການຮ່ວມມືໃນ ອານຸພາກພື້ນແມ່ນ້ຳຂອງ - ແມ່ ນ້ຳລ້ານຊ້າງໃຫ້ເກີດຜົນສຳ ເລັດ ແລະ ສືບຕໍ່ແຜນຮ່ວມມື ຂອງກອງປະຊຸມຄັ້ງຕໍ່ໆໄປ. ໃນໂອກາດນີ້, ພະນະທ່ານ ສົມເດັດ ອັກຄະມະຫາເສນາ ບໍດີ ເຕໂຈ ຮຸນແຊນ ກໍໄດ້ສະ ແດງຄວາມຂອບໃຈ ແລະ ຕີ ລາຄາສູງຕໍ່ການເດີນທາງມາ ເຂົ້າຮ່ວມກອງປະຊຸມຜູ້ນຳແມ່ ນ້ຳຂອງ - ແມ່ນ້ຳລ້ານຊ້າງ ຄັ້ງ ທີ 2 ທີ່ນະຄອນຫຼວງພະນົມ ເປັນ ຣາຊະອານາຈັກ ກຳປູເຈຍ ຂອງພະນະທ່ານນາຍົກລັດ ຖະມົນຕີ ທອງລຸນ ສີສຸລິດ ພ້ອມດ້ວຍຄະນະ ໃນຄັ້ງນີ້ ຊຶ່ງ ຖືເປັນກຽດ ແລະ ກໍເປັນການ ຮັດແໜ້ນສາຍພົວພັນ ແລະ ການຮ່ວມມື ລະຫວ່າງ ສອງລັດ ແລະ ປະຊາຊົນສອງຊາດ ລາວ - ກຳປູເຈຍ ໃຫ້ນັບມື້ນັບມີ ຄວາມແໜ້ນແຟ້ນ, ຈະເລີນ ງອກງາມ ແລະ ແຕກດອກ ອອກຜົນຍິ່ງໆຂຶ້ນ.