ກະຊວງພາຍໃນ ສະຫຼຸບວຽກງານ 3 ສ້າງ


...

    

ກອງປະຊຸມສະຫຼຸຸບການ ຈັດຕັ້ງປະຕິບັດວຽກງານປະ ຈຳປີ 2017 ແລະ ທິດທາງແຜນ ການປະຈຳປີ 2018 ແລະ ສະ ຫຼຸຸບການຈັດຕັ້ງປະຕິບັດວຽກ ງານ 3 ສ້າງ ປະຈຳປີ 2017 ແລະ ທິດທາງແຜນການປະຈຳ ປີ 2018 ຂອງກະຊວງພາຍໃນ ໄດ້ປິດລົງດ້ວຍຜົນສຳເລັດອັນ ຈົບງາມ ໃນວັນທີ 11 ມັງກອນນີ້ ພາຍຫຼັງທີ່ໄດ້ດຳເນີນມາເປັນ ເວລາສາມວັນ (9 - 11 /1/2018) ຫໍປະຊຸມແຫ່ງຊາດນະຄອນ ຫຼວງວຽງຈັນ ໂດຍການເປັນ ປະທານຂອງທ່ານ ຄຳໝັ້ນ ສູນວິເລີດ ກຳມະການສູນກາງ ພັກ ລັດຖະມົນຕີກະຊວງພາຍ ໃນມີພາກສ່ວນກ່ຽວຂ້ອງ ແລະ ແຂກຖືກເຊີນເຂົ້າຮ່ວມ. ກອງປະຊຸມໄດ້ສະຫຼຸຸບຕີ ລາຄາຄືນຜົນສຳເລັດໃນການ ເຄື່ອນໄຫວຈັດຕັ້ງປະຕິບັດວຽກ ງານວິຊາສະເພາະຂະແໜງ ພາຍໃນ ແລະ ຕີລາຄາຜົນການ ຕິດຕາມຊຸກຍູ້ປະເມີນຜົນວຽກ ງານສາມສ້າງ ໄລຍະ 1 ປີຜ່ານ ມາ. ທ່ານ ຄຳໝັ້ນ ສູນວິເລີດ ໄດ້ກ່າວວ່າ: ໃນຕໍ່ໜ້າຂະແໜງ ພາຍໃນ ກໍຄື ທຸກຂະແໜງການ ຍັງມີຫຼາຍບັນຫາ ທີ່ຈະຕ້ອງໄດ້ ບຸກບືນ ສູ້ຊົນແກ້ໄຂໃຫ້ໄດ້ຮັບ ຜົນດີ ແລະ ມີປະສິດທິພາບ ຫຼາຍຂຶ້ນເປັນຕົ້ນ: ທຸກຂະແໜງ ການຕ້ອງເພີ່ມທະວີການເອົາ ໃຈໃສ່ບຳລຸງກໍ່ສ້າງຖັນແຖວ ພະນັກງານ-ລັດຖະກອນ ໃຫ້ມີ ຄວາມໜັກແໜ້ນດ້ານຄຸນທາດ ການເມືອງ ແລະ ຄຸນສົມບັດ ສິນທຳປະຕິວັດ ປັບປຸງກົງຈັກ ການຈັດຕັ້ງຂອງລັດຕາມທິດ ກະທັດຮັດ ເຮັດໃຫ້ກົງຈັກມີ ຄວາມເຂັ້ມແຂງການສ້າງ ແລະ ປັບປຸງນິຕິກຳລະບຽບການບໍລິ ຫານລັດ ການປັບປຸງການປົກ ຄອງທ້ອງຖິ່ນ ສາຍພົວພັນລະ ຫວ່າງສູນກາງກັບທ້ອງຖິ່ນ ການຄຸ້ມຄອງພົນລະເມືອງ ວຽກ ງານຊົນເຜົ່າ-ສາສະໜາ ແລະ ການຄຸ້ມຄອງອົງການຈັດຕັ້ງ ທາງສັງຄົມ ເພີ່ມທະວີຄວາມ ເປັນເຈົ້າການໃນການຜັນຂະ ຫຍາຍແນວທາງນະໂຍບາຍ ແລະ ຈັດຕັ້ງປະຕິບັດກົດໝາຍ ວ່າດ້ວຍພະນັກງານ-ລັດຖະ ກອນ ແລະ ບັນດານິຕິກຳກ່ຽວ ກັບວຽກງານຄຸ້ມຄອງລັດຖະ ກອນ ໃຫ້ມີຜົນສັກສິດດ້ວຍ ການເອົາໃຈໃສ່ ການຈັດຕັ້ງ ເຜີຍແຜ່ ແນະນຳນິຕິກຳຕ່າງໆ ກ່ຽວກັບກົດໝາຍວ່າດ້ວຍພະ ນັກງານ-ລັດຖະກອນໃຫ້ພະ ນັກງານທຸກຄົນ ແລະ ສັງຄົມຮັບ ຮູ້ເຂົ້າໃຈຢ່າງເລິກເຊິ່ງ ນັບແຕ່ ຂອດບັນຈຸຮອດການອອກຮັບ ອຸດໜູນບຳນານ ກຳນົດພາລະ ບົດບາດໜ້າທີ່ຕຳແໜ່ງງານ ແລະ ການແບ່ງຂັ້ນຄຸ້ມຄອງໃຫ້ ສຳເລັດລະອຽດຈະແຈ້ງ ເພື່ອ ຄວາມສະດວກການຈັດຕັ້ງ ປະຕິບັດ ເອົາໃຈໃສ່ວຽກງານ ການປະເມີນຜົນການປະຕິ ບັດວຽກງານຂອງລັດຖະກອນ ວຽກງານແຂ່ງຂັນຍ້ອງຍໍວຽກ ງານຄຸ້ມຄອງເອກະສານວຽກ ງານແຜນທີ່ ແລະ ອື່ນໆໃຫ້ ມີປະສິດທິພາບຫຼາຍຂຶ້ນເພີ່ມ ທະວີຄວາມຮັບຜິດຊອບ ແລະ ຄວາມເປັນເຈົ້າການໃນການ ຜັນຂະຫຍາຍມະຕິ ແລະ ຄຳ ສັ່ງ ກ່ຽວກັບທິດທາງເປົ້າໝາຍ ແລະ ມາດຕະຖານສ້າງແຂວງ ເປັນຫົວໜ່ວຍຍຸດທະສາດ ສ້າງເມືອງເປັນຫົວໜ່ວຍເຂັ້ມ ແຂງຮອບດ້ານ ສ້າງບ້ານເປັນ ຫົວໜ່ວຍພັດທະນາ ໃຫ້ປະກົດ ຜົນເປັນຈິງເທື່ອລະກ້າວ ພ້ອມ ທັງພັດທະນາຂີດຄວາມສາ ມາດຂອງພະນັກງານຢູ່ຂັ້ນທ້ອງ ຖິ່ນໃຫ້ເຂັ້ມແຂງ ໂດຍສະເພາະ ຢູ່ຂັ້ນເມືອງ ແລະ ຂັ້ນບ້ານ. (ຂ່າວ: ສຸກສາຄອນ)