ການນຳເຮົາ ຕ້ອນຮັບນາຍົກລັດຖະມົນຕີ ກຳປູເຈຍ ເຂົ້າຢ້ຽມຂາໍ່ນັບ


...

...

06.12.2018 10:03     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບ ສົມເດັດ ອັກຄະມະຫາ ເສນາບໍດີ ເຕໂຈຮຸນແຊນ ນາຍົກລັດຖະມົນຕີ ແຫ່ງ ຣາຊະອານາຈັກກຳປູເຈຍ ພ້ອມຄະນະເຂົ້າຢ້ຽມຂາໍ່ນັບໃນຕອນບ່າຍວັນທີ 5 ທັນວາ ທີ່ທຳນຽບປະທານປະເທດ ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນລະຫວ່າງວັນທີ 56 ທັນວາ ຕາມຄຳເຊີນຂອງທ່ານນາຍົກລັດຖະມົນຕີ ແຫ່ງ ສປປ ລາວ, ໃນໂອກາດຕ້ອນຮັບ ສົມເດັດ ອັກຄະມະຫາ ເສນາບໍດີ ເຕໂຈ ຮຸນແຊນ ພ້ອມຄະນະຄັ້ງນີ້, ທ່ານປະທານປະເທດເຮົາໄດ້ກ່າວສະແດງຄວາມຕ້ອນຮັບ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນອັນສຳຄັນເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດທີ່ໄດ້ຮັບການພັດທະນາ ແລະ ຂະຫຍາຍຕົວດີຂຶ້ນເປັນກ້າວໆ ພ້ອມນີ້ ທ່ານປະ ທານປະເທດເຮົາຍັງໄດ້ສະແດງຄວາມຊົມເຊີຍຕໍ່ຜົນສຳເລັດຂອງການເລືອກຕັ້ງສະມາຊິກສະພາແຫ່ງຊາດ ຊຸດທີ 6 ຂອງຣາຊະອານາຈັກກຳປູເຈຍທີ່ຜ່ານ ມາ, ພ້ອມທັງຊົມເຊີຍຕໍ່ສົມ ເດັດອັກຄະມະຫາເສນາບໍດີ ເຕໂຈຮຸນແຊນ ທີ່ໄດ້ຖືກແຕ່ງຕັ້ງ ເປັນນາຍົກລັດຖະມົນຕີອີກຄັ້ງ ໃໝ່. ໃນເວລາຕໍ່ມາຂອງວັນ ດຽວກັນນາຍົກລັດຖະມົນຕີກຳປູເຈຍ ພ້ອມຄະນະກໍໄດ້ໄປວາງພວງມາລາທີ່ອະນຸ ສາວະລີນັກຮົບນິລະນາມຈາກນັ້ນກໍໄດ້ເຂົ້າພົບປະກັບທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດທີ່ຫ້ອງຮັບແຂກສະພາແຫ່ງຊາດ. (ຂ່າວພາບ: ພູວຽງຄຳ)