ທ່ານນາງ ສູນທອນ ໄຊຍະຈັກ ຕ້ອນຮັບຮອງລັດຖະມົນຕີ ກະຊວງການຕ່າງປະເທດ ເວເນຊູເອລາ


...

06.12.2018 10:01     

   ທ່ານນາງ ສູນທອນ ໄຊຍະຈັກ ຫົວໜ້າຄະນະພົວພັນຕ່າງປະເທດສູນກາງພັກ (ຄຕພ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ຣູເບັນ ດາຣີໂອ ໂມລີນາ ຮອງລັດຖະມົນຕີກະຊວງການຕ່າງປະເທດ ແຫ່ງ ໂບລີວາຣຽນ ເວເນຊູເອລາຜູ້ຮັບຜິດຊອບວຽກງານຂົງເຂດ ອາຊີປາຊີຟິກ, ຕາເວັນອອກກາງ ແລະ ໂອເຊອານີໃນວັນທີ 5 ທັນວານີ້ ທີ່ຄະນະພົວພັນຕ່າງປະເທດສູນກາງພັກ, ໃນໂອກາດທີ່ທ່ານພ້ອມຄະນະໄດ້ເດີນທາງມາຢ້ຽມຢາມ ສປປ ລາວ ແຕ່ວັນທີ 45 ທັນວານີ້. ໃນໂອກາດດັ່ງກ່າວ ທ່ານຫົວຫນ້າຄະນະພົວພັນຕ່າງປະເທດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ທ່ານຮອງລັດຖະມົນຕີພ້ອມຄະນະ ທີ່ໄດ້້້ເດີນທາງມາຢ້ຽມຢາມ ສປປ ລາວໃນຄັ້ງນີ້ ຊຶ່ງຈະເປັນການປະກອບສ່ວນສຳຄັນໃນການເສີມສ້າງສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນດີງາມລະຫວ່າງສອງປະເທດລາວເວເນຊູເອລາ. ສອງຝ່າຍໄດ້ແຈ້ງສະພາບທີ່ພົ້ນເດັ່ນຂອງແຕ່ລະປະເທດໃຫ້ກັນຊາບ, ທົບທວນຄືນການພົວພັນຮ່ວມມືຂອງສອງປະເທດໃນໄລຍະຜ່ານມາ ແລະ ປຶກສາຫາລືກ່ຽວກັບທິດທາງແຜນການຮ່ວມມືໃນຕໍ່ຫນ້າ ແລະ ແລກປ່ຽນທັດສະນະຕໍ່ບັນຫາພົ້ນເດັ່ນໃນພາກພື້ນ ແລະ ສາກົນທີ່ສອງຝ່າຍມີຄວາມສົນໃຈນຳກັນ, ສອງຝ່າຍໄດ້ຢືນຢັນຕໍ່ການສະໜັບສະໜູນຊຶ່ງກັນ ແລະ ກັນໃນເວທີພາກພື້ນ ແລະ ສາກົນ, ສືບຕໍ່ຮັດແໜ້ນ ແລະ ເສີມຂະຫຍາຍສາຍພົວພັນຮ່ວມມືລະຫວ່າງປະຊາຊົນສອງຊາດລາວເວເນຊູເອລາໃຫ້ຂະຫຍາຍຕົວຍິ່ງໆຂຶ້ນ. (ຂ່າວ: ຄຕພພາບ:ທອງດຳ)