ສານອວຍພອນ


06.12.2018 9:55     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນ ເຖິງ ສົມເດັດພະເຈົ້າຢູ່ຫົວມະຫາວະຊິຣາລົງກອນ ບໍດິນທຣະເທບພະຍະວະຣາງກູນ ແຫ່ງ ຣາຊະອານາຈັກໄທທີ່ ນະຄອນຫຼວງບາງກອກເມື່ອວັນທີ 4 ທັນວານີ້ ເນື້ອໃນສານລະບຸວ່າ: ເນື່ອງໃນໂອກາດ ວັນຄ້າຍວັນສະເຫຼີມພະຊົນມະພັນສາຂອງ ພະບາດສົມເດັດພະປະຣະມິນທະຣະມະຫາພູມີພົນອະດຸນຍະເດດບໍຣົມມະນາດບໍພິດ, ວັນຊາດ ແລະ ວັນພໍ່ແຫ່ງຊາດ, ໃນນາມປະຊາຊົນລາວກໍຄືໃນນາມສ່ວນຕົວ, ຂ້າພະເຈົ້າ ຂໍຖືເປັນກຽດຢ່າງສູງ ຖວາຍຄວາມຊົມເຊີຍອັນຈິງໃຈ ແລະ ພອນໄຊອັນປະເສີດ ມາຍັງພະອົງ ແລະ ພະບໍຣົມວົງສານຸວົງທຸກພະອົງ. ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງທີ່ເຫັນວ່າ ສາຍພົວພັນມິດຕະພາບ ແລະ ການຮ່ວມມືອັນດີງາມໃນຖານະປະເທດເພື່ອນບ້ານໃກ້ຄຽງທີ່ດີ ແລະ ເປັນຍາດພີ່ນ້ອງທີ່ມີພາສາປາກເວົ້າ ແລະ ວັດທະນະທຳທີ່ຄ້າຍຄືກັນຂອງສອງປະເທດພວກເຮົາ ສືບຕໍ່ໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ ອັນໄດ້ນໍາເອົາຜົນປະໂຫຍດຕົວຈິງຫຼາຍດ້ານ ແລະ ຄວາມຈະເລີນຮຸ່ງເຮືອງມາສູ່ປະເທດຊາດ ກໍຄື ປະຊາຊົນສອງຊາດ ລາວ ແລະ ໄທ. ຂ້າພະເຈົ້າ ເຊື່ອໝັ້ນຢ່າງຍິ່ງວ່າ ພາຍໃຕ້ພະບໍຣົມໂພ ທິສົມພານ ຂອງພະອົງ, ຣາຊະອານາຈັກໄທ ຈະສືບຕໍ່ມີຄວາມຮົ່ມເຢັນເປັນສຸກ, ຈະເລີນຮຸ່ງເຮືອງ ແລະ ມີຄວາມວັດທະນາຖາວອນຢ່າງບໍ່ຢຸດຢັ້ງ ແລະ ຂໍຖວາຍພອນໄຊອັນປະເສີດແດ່ ພະອົງ ຈົ່ງມີພະລານາໄມສົມບູນ, ມີຄວາມຜາສຸກ ແລະ ອາຍຸຍິ່ງຍືນຍາວນານ ເປັນຮົ່ມໂພຮົ່ມໄຊ ໃຫ້ແກ່ປະຊາຊົນຊາວໄທທຸກຖ້ວນໜ້າ ຕະຫຼອດໄປ ກໍຄື ເພື່ອຄວາມຈະເລີນງອກງາມ ຂອງສາຍພົວພັນມິດຕະພາບ ສອງຊາດ ລາວໄທ. ໃນໂອກາດດັ່ງກ່າວນີ້ ທ່ານ ທອງລຸນ ສີສຸລິດ ນາຍົກລັດ ຖະມົນຕີ ແລະ ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ກໍໄດ້ສົ່ງສານອວຍພອນ ເຖິງຄູ່ຮ່ວມຕຳແໜ່ງເຊັ່ນດຽວກັນ.