ການນຳຂັ້ນສູງ ກູບາ ອວຍພອນວັນຊາດ ສປປ ລາວ


07.12.2018 9:29     

   ສະຫາຍ ມີເກັນ ດີເອັດສ-ກາແນນ ແບຣມູເດັດສ ປະທານສະພາແຫ່ງລັດ ແລະ ປະທານສະພາລັດຖະມົນຕີ ແຫ່ງ ສາທາລະນະລັດ ກູບາ ໄດ້ສົ່ງສານອວຍພອນ ເຖິງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ແຫ່ງ ສປປ ລາວ ແລະ ສະຫາຍ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ທີ່ນະຄອນຫຼວງວຽງຈັນ ເມື່ອວັນທີ 2 ທັນວາຜ່ານມານີ້ ເນື້ອໃນສານລະບຸວ່າ:
   ເນື່ອງໃນໂອກາດ ສະເຫຼີມສະຫຼອງວັນຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ໃນນາມຕາງໜ້າລັດຖະບານ ແລະ ປະຊາຊົນ ກູບາ, ຂ້າພະເຈົ້າ ຂໍສະແດງຄວາມຊົມເຊີຍອັນຈິງໃຈ ມາຍັງສະຫາຍ. ຂ້າພະເຈົ້າ ຂໍຖືໂອກາດອັນສະງ່າລາສີນີ້ ຢືນຢັນຄວາມຕັດສິນໃຈທີ່ຈະສືບຕໍ່ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອ ລະຫວ່າງ ສອງປະເທດພວກເຮົາ ໃຫ້ເຂັ້ມແຂງຍິ່ງໆຂຶ້ນ.
ໃນໂອກາດດັ່ງກ່າວນີ້ ສະຫາຍ ບຣູໂນ ໂຣດຣິເກັດສ ປາຣີຢາ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ກູບາ ກໍໄດ້ສົ່ງສານອວຍພອນເຖິງ ສະຫາຍ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ເຊັ່ນດຽວກັນ.