ທ່ານຮອງນາຍົກ ໂອ້ລົມກອງປະຊຸມວຽກງານ ຍທຂ ທົ່ວປະເທດ


...

...

01.04.2019 11:48     

   ທ່ານ ສົມດີ ດວງດີ ກຳມະ ການສູນກາງພັກ ຮອງນາຍົກລົດຖະມົນຕີ ລັດຖະມົນຕີກະ ຊວງການເງິນ ໄດ້ໃຫ້ກຽດໂອ້ລົມ ຕໍ່ກອງປະຊຸມ ວຽກງານໂຍ ທາທິການ ແລະ ຂົນສົ່ງ (ຍທຂ) ທົ່ວປະເທດ ປະຈຳປີ 2018 ເມື່ອວັນທີ 29 ມີນາ ຜ່ານມາ ນີ້ ທີ່ຫໍປະຊຸມແຫ່ງຊາດ, ຊຶ່ງມີທ່ານ ບຸນຈັນ ສິນທະວົງ ລັດຖະມົນຕີກະຊວງ ຍທຂ ແລະ ບັນດາຜູ້ແທນກອງປະຊຸມເຂົ້າຮ່ວມ. ໃນການໂອ້ລົມຄັ້ງນີ້ ກ່ອນອື່ນ ທ່ານ ໄດ້ຕາງໜ້າໃຫ້ລັດ ຖະບານ ແລະ ໃນນາມສ່ວນຕົວ ໄດ້ສະແດງຄວາມຍ້ອງຍໍຊົມ ເຊີຍຕໍ່ຜົນສຳເລັດທີ່ຂະແໜງ ຍທຂ ຍາດມາໄດ້ໃນໄລ ຍະທີ່ຜ່ານມາ ແລະ ເພື່ອເປັນການຊີ້ທິດເຍືອງທາງວຽກງານໃນຕໍ່ໜ້າໃຫ້ມີຜົນສຳເລັດດີຂຶ້ນເປັນກ້າວໆ ທ່ານໄດ້ເນັ້ນຕື່ມໃຫ້ເອົາໃຈໃສ່ບາງບັນຫາຄື: ຕ້ອງເອົາໃຈໃສ່ຢ່າງເຂັ້ມງວດ ໃນການຄຸ້ມຄອງ ແລະ ນຳໃຊ້ງົບ ປະມານຕ້ອງໃຫ້ຖືກເປົ້າໝາຍ ແລະ ມີປະສິດທິຜົນ ຫຼີກລ່ຽງການສິ້ນເປືອງງົບ ປະມານໂດຍບໍ່ຈຳເປັນ, ເອົາ ໃຈໃສ່ປະຕິບັດມາດຕະການປະຢັດ, ເອົາໃຈ ໃສ່ວຽກງານປັບປຸງກໍ່ສ້າງພັກໃຫ້ປອດໃສ, ໜັກແໜ້ນເຂັ້ມ ແຂງ, ຄະນະພັກຄະນະນຳພະນັກງານສະມາຊິກພັກຕ້ອງເປັນຫຼັກແຫຼ່ງ ເປັນແບບຢ່າງນຳພາຮອບດ້ານ, ເອົາໃຈໃສ່ວຽກງານກໍ່ສ້າງພະນັກງານ, ພະນັກງານນຳພາຄຸ້ມຄອງ, ຜູ້ຊ່ຽວຊານ, ນັກວິຊາການຕະ ຫຼອດຮອດພາກສ່ວນວິສາຫະກິດອ້ອມຂ້າງໃຫ້ມີຈິດໃຈຮັກຊາດມີຈັນຍາບັນ ຈັນຍາທຳ, ມີທັດສະນະຖືກຕ້ອງ, ເອົາໃຈໃສ່ການແກ້ໄຂ 19 ບັນຫາ ທີ່ຍັງຄົງຄ້າງຂອງຂະແໜງ ຍທຂ, ສືບຕໍ່ສຸມໃສ່ສຶກສາອົບຮົມການເມືອງແນວຄິດ ໃຫ້ບັນດາພະ ນັກງານລັດຖະກອນໃຫ້ຫຼາຍຂຶ້ນກວ່າເກົ່າ ແລະ ເປັນປົກກະ ຕິ ແລະ ແທດເໝາະກັບເປົ້າໝາຍ, ກະຊວງ ຍທຂ ຕ້ອງເອົາ ໃຈໃສ່ປະຕິບັດ 5 ໜ້າທີ່ມະຫາພາກ, ສຳລັບການກຳນົດແຜນພັດທະນາ ການກໍ່ສ້າງຂົວທາງໃນໄລຍະຍາວ ໃຫ້ສືບຕໍ່ປະ ສານສົມທົບກັບກະຊວງແຜນ ການ ແລະ ການລົງທຶນ ເພື່ອໃຫ້ເຂົ້າກັບແຜນພັດທະນາເສດຖະກິດສັງຄົມແຫ່ງຊາດ ແລະ ສອດຄ່ອງກັບແຜນພັດທະນາແຕ່ລະຂົງເຂດ,ເອົາໃຈໃສ່ຢ່າງຈິງຈັງ ແລະ ປະຕິບັດຢ່າງເຂັ້ມງວດ ເປັນປະຈຳໃນວຽກງານກວດສອບກວດກາ ໂດຍສະ ເພາະແມ່ນວຽກງານກວດກາໂຄງການແຕ່ຫົວທີ ເພາະຂະ ແໜງ ຍທຂ ແມ່ນຂະແໜງພັດ ທະນາພື້ນຖານໂຄງລ່າງຂອງ ປະເທດຊຶ່ງນຳໃຊ້ງົບປະມານຂອງລັດຖະບານເປັນຈຳຫຼາຍໃນແຕ່ລະປີ,ໃຫ້ສືບຕໍ່ເອົາໃຈໃສ່ ແລະ ໃຫ້ຖືສຳຄັນຕື່ມກ່ຽວກັບພາວະການປ່ຽນແປງຂອງສະ ພາບອາກາດໃນປັດຈຸບັນ ໂດຍສະເພາະແມ່ນໄພທຳມະຊາດ, ທ່ານກ່າວຕື່ມວ່າ: ພາຍໃຕ້ການນຳພາຂອງຄະນະພັກຄະນະນຳ ກະຊວງ ຍທຂ ຈະສາມາດພ້ອມກັນຜ່ານຜ່າຄວາມຫຍຸ້ງ ຍາກ ແລະ ສິ່ງທ້າທາຍຕ່າງໆ ເຮັດໃຫ້ຂະແໜງ ໂຍທາທິການ ແລະ ຂົນສົ່ງ ສືບຕໍ່ເປັນຂະແໜງ ການປາຍແຫຼມ ຂອງການພັດ ທະນາເສດຖະກິດສັງຄົມແຫ່ງຊາດ ສາມາດປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະ ຊຸມໃຫຍ່ຄັ້ງທີ IV ຂອງອົງຄະນະພັກກະຊວງ ຍທຂ ກໍຄືແຜນພັດທະນາເສດຖະກິດສັງຄົມ ແຫ່ງຊາດ ຄັ້ງທີ VIII ໃຫ້ບັນລຸຜົນສຳເລັດເປັນຮູບປະທຳເປັນຢ່າງດີ. (ຂ່າວ: ສຳນານ)