ປະທານ ສນຊ ຕ້ອນຮັບການເຂົ້າຢ້ຽມຂໍ່ານັບ ຂອງຄະນະຜູ້ແທນພັກແຮງງານເກົາຫຼີ


...

02.04.2019 9:00     

   ໃນວັນທີ 31 ມີນາຜ່ານມານີ້ ທີ່ສູນກາງແນວລາວສ້າງຊາດ(ສນຊ), ທ່ານ ໄຊສົມພອນ ພົມວິຫານ ກໍາມະການກົມການເມືອງ ສູນກາງພັກ ປະທານ ສູນກາງແນວລາວສ້າງຊາດ ໄດ້ຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ຣີຊູຢອງ ກໍາມະການກົມການເມືອງສູນກາງພັກ ຮອງປະທານພັກແຮງງານເກົາຫຼີ ຫົວໜ້າຄະນະພົວພັນຕ່າງປະເທດສູນກາງພັກແຮງງານເກົາຫຼີ ພ້ອມດ້ວຍຄະນະໃນໂອກາດທີ່ເດີນທາງມາຢ້ຽມຢາມ ສ ປປ ລາວ ຢ່າງເປັນທາງການ. ໃນໂອກາດນີ້, ທ່ານປະ ທານ ສນຊ ໄດ້ສະແດງຄວາມຍີນດີຕ້ອນ ຮັບ ແລະ ຕີລາຄາສູງຕໍ່ການຢ້ຽມຢາມ ສປປ ລາວຢ່າງເປັນທາງການ ຂອງ ທ່ານ ຣີຊູຢອງ ແລະ ຄະນະໃນຄັ້ງນີ້, ຊຶ່ງເປັນການປະກອບສ່ວນອັນສໍາຄັນເຂົ້າໃນການເສີມຂະຫຍາຍສາຍພົວພັນຮ່ວມມື ທີ່ເປັນມູນເຊື້ອ ລະຫວ່າງ ລາວ-ເກົາຫຼີ ພ້ອມກັນນີ້, ທ່ານປະທານ ສນຊ ໄດ້ແຈ້ງໃຫ້ຮູ້ກ່ຽວກັບພາລະບົດບາດ, ສິດ ແລະ ໜ້າທີ່ ຂອງ ອົງການແນວລາວສ້າງຊາດໃຫ້ຄະນະຜູ້ແທນຂັ້ນສູງພັກແຮງງານເກົາຫຼີໄດ້ຮັບຊາບຕື່ມ. ໃນໂອກາດດຽວກັນນີ້, ທ່ານ ຣີຊູຢອງ ໄດສະແດງຄວາມຂອບໃຈເປັນຢ່າງສູງ ຕໍ່ກັບການຕ້ອນຮັບອັນອົບອຸ່ນ ຂອງທ່ານປະທານ ສນຊ ໃນຄັ້ງນີ້ ພ້ອມກັນຕີລາຄາສູງຕໍ່ການພົວພັນຮ່ວມມື ຂອງ ສອງພັກ, ສອງລັດ ແລະ ປະຊາຊົນສອງຊາດ ລາວ-ເກົາຫຼີ. (ຂ່າວ-ພາບ: ສຊ ຈື້ໄຊ(ສນຊ))