ປທສ ເລັ່ງພັດທະນາ ແລະ ສົ່ງເສີມ ການບໍລິຫານລັດດ້ວຍລະບົບດີຈີຕອນ


...

02.04.2019 9:03     

   ກອງປະຊຸມວຽກງານໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດຂຶ້ນໃນຕອນເຊົ້າຂອງວັນທີ 1 ເມສານີ້, ທີ່ສູນຝຶກອົບຮົມ ການຮ່ວມມືສາກົນ ລາວ-ຍີ່ປຸ່ນ ໂດຍການເປັນປະທານຂອງ ທ່ານ ທັນສະໄໝ ກົມມະສິດ ລັດຖະ ມົນຕີກະຊວງ ປທສ, ມີຄະນະນໍາກະຊວງ, ມີພາກສ່ວນກ່ຽວຂ້ອງເຂົ້າຮ່ວມ. ທ່ານລັດຖະມົນຕີກະຊວງ ປທສ ໄດ້ກ່າວວ່າ: ການຈັດກອງປະຊຸມໃນຄັ້ງນີ້, ກໍ່ເພື່ອເປັນການສືບຕໍ່ຜັນຂະຫຍາຍວຽກງານຂະແໜງການໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ບັນລຸວິໄສທັດ "ຫັນວຽກງານໄປສະນີ, ໂທລະຄົມມະນາຄົມ ແລະ ການສື່ສານ ໃຫ້ກາຍເປັນອຸດສາຫະກຳ ແລະ ທັນສະໄໝ ເປັນເຄື່ອງມືທີ່ສຳຄັນ ໃນການຂັບເຄື່ອນການພັດທະນາເສດຖະກິດ-ສັງຄົມ ໃຫ້ເຂັ້ມແຂງຍືນຍົງ, ເປັນຈຸດເຊື່ອມໂຍງກັບພາກພື້ນ ແລະ ສາກົນ, ປະຊາຊົນມີສ່ວນຮ່ວມຢ່າງກ້ວາງຂວາງ'' ພາຍໃຕ້ຄໍາຂວັນ " ສົ່ງເສີມ ແລະ ຫັນການຄຸ້ມຄອງລັດ ດ້ວຍ ລະບົບດີຈີຕອນ" ຊຶ່ງເປັນແນວທາງ-ເປັນເປົ້າໝາຍ ສຳຄັນ ແລະ ສິ່ງທ້າທາຍ ທີ່ຕ້ອງໄດ້ເອົາໃຈໃສ່ ຈັດຕັ້ງປະຕິບັດ ໃຫ້ບັນລຸຜົນສຳເລັດຕາມທິດທາງແຜນການທີ່ວາງໄວ້. ໃນໂອກາດດຽວກັນ, ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີ ກະຊວງ ປທສ ກໍໄດ້ຂຶ້ນຜ່ານບົດສະຫຼຸບການຈັດ ຕັ້ງປະຕິບັດວຽກງານໄປສະນີ, ໂທລະຄົມມະນາຄົມ ແລະ ການສື່ສານ ປະຈໍາປີ 2018 ແລະ ທິດທາງແຜນການ ປີ 2019. ໃນນັ້ນ, ຜົນສໍາເລັດໃນໄລຍະ 1 ປີຜ່ານມາ ຂະແໜງການ ປທສ ສາມາດຍາດໄດ້ຜົນງານ ຫຼາຍດ້ານເປັນຕົ້ນແມ່ນ ສາ ມາດຂະຫຍາຍເຄື່ອຂ່າຍສາຍສົ່ງສາຍກາບໄຍແສງ (Optic Fiber) ໄດ້ 82 ພັນກິໂລແມັດ, ກວມ 90% ຂອງຈໍານວນບ້ານ, ສະຖານີເຄືອຂ່າຍການສື່ສານຄວາມໄວສູງ (Telecom Broadband) 80 ສະຖານີ. ປັດຈຸບັນສັນຍານໂທລະສັບມືຖືຄວບຄຸມ 17 ແຂວງ ແລະ 1 ນະຄອນຫຼວງ, 148 ເມືອງ, ກວມ 95 % ຂອງຈໍານວນບ້ານທັງໝົດ ໃນນີ້ແຍກເປັນລະບົບ 3G ແລະ 4G ກວມ 80%. ຕິດຕັ້ງ ແລະ ຂະຫຍາຍລະບົບຄລາວ (Cloud) ໃຫ້ສາ ມາດຮອງຮັບການບໍລິການເຊີເວີຈຳລອງໄດ້ 1.300 ກວ່າເຊີເວີ, ຮັບຝາກເວັບໄຊ (Hosting) ຫຼາຍກວ່າ 200 ເວັບໄຊ, ປັບປຸງ ແລະ ສ້າງສູນອອກໃບຮັບຮອງເອເລັກໂຕຣນິກແຫ່ງຊາດ National Root Certification Authority (NRCA), ຕິດຕັ້ງລາຍເຊັນ (firewall) ເພື່ອເບິ່ງແຍງ, ຮັກສາລະບົບຄວາມປອດໄພຂອງລະບົບເຄື່ອຂ່າຍ ແລະ ເຊີເວີ ພ້ອມທັງສ້າງສະຖານີກວດກາຄື້ນຄວາມຖີ່ແບບບໍ່ມີຄົນປະຈໍາ 1 ສະຖານີ ທີ່ສະໜາມບິນສາກົນວັດໄຕ ນະຄອນຫຼວງວຽງຈັນ. ປັບປຸງໂຄງສ້າງຕັ້ງຊື່ອົງການຈັດຕັ້ງຂອງລະບົບອີເມວ (E-mail Domainname) @... gov.la, ລະບົບກອງປະ ຊຸມທາງໄກ (VideoConfere- nce) ແລະ ສ້າງລະບົບອີເມວ ຂອງລັດຖະບານທີ່ຮອງຮັບໄດ້ 1.000 ບັນຊີ ແລະໄດ້ຊຸກຍູ້ໃຫ້ຫ້ອງການລັດ ມາໃຊ້ລະຫັດຊື່ອີເມວພາຍໃຕ້ຊື່ .gov.la, ພັດທະນາວຽກງານໄປສະນີ ໃຫ້ຮອງຮັບການບໍລິການ E- commerce, ໂປຣແກມປ່ອງບໍລິການເຄື່ອນທີ່ Counter mobile, ຍົກລະດັບ IPS light ມາເປັນ IPS Post ຊຶ່ງເປັນລະບົບຕິດຕາມ ແລະ ແຈກ ຢາຍເຄື່ອງຝາກໄປສະນີ ຕິດຕັ້ງໃສ່ຈຸດໃຫ້ບໍລິການໄດ້ 17 ແຂວງ. ກຳນົດ, ຄົ້ນຄ້ວາອອກແບບໂປຣແກມມືຖື (Application) ແລະ ສ້າງໂຄງຮ່າງ (Platform) ລະບົບ ICT ເຂົ້າໃນການບໍລິການໄປສະນີທີ່ທັນສະໄໝ ຊຶ່ງປັດຈຸບັນ ສາມາດເຊື່ອມໂຍງກັບບັນດາປະເທດສະມາຊິກ ທັງໝົດ 192 ປະເທດ ສາມາດຕອບສະໜອງການບໍລິການ ແລະ ຮັບໃຊ້ແກ່ສັງຄົມໄດ້ຢ່າງສະດວກ ໃນການບໍລິການຮັບຝາກ, ຈັດສົ່ງ ແລະ ແຈກຢາຍເຄື່ອງຝາກທາງໄປສະນີ ທັງພາຍໃນ ແລະ ລະຫວ່າງປະເທດ. ໃນປີ 2018 ຂະແໜງ ປທສ ສາມາດປະຕິບັດລາຍຮັບທັງໝົດໄດ້ປະມານ 3.428 ຕື້ກ່ວາກີບ, ທຽບໃສ່ປີຜ່ານມາ ເພີ່ມຂຶ້ນ 7% ຊຶ່ງໄດ້ປະກອບສ່ວນສໍາຄັນເຂົ້າ GDP ແຫ່ງຊາດໃນປີດຽວກັນ, ມອບພັນທະທົ່ວຂະແໜງການ ປທສ ເຂົ້າງົບປະມານແຫ່ງລັດໃນປີ 2018 ປະຕິບັດໄດ້ປະມານ 824,32 ຕື້ກ່ວາກີບ, ທຽບໃສ່ປີຜ່ານມາ ເພີ່ມຂຶ້ນ 4,26%. ສໍາລັບແຜນການປະຈໍາປີ 2019 ເປັນປີທີ 4 ຂອງການ ຈັດຕັ້ງຜັນຂະຫຍາຍແຜນພັດທະນາ 5 ປີ ຄັ້ງທີ II (2016-2020) ຂອງຂະແໜງ ປທສ ໃຫ້ບັນລຸໄດ້ຕາມຄາດໝາຍ, ແຜນງານ ແລະ ໂຄງການທີ່ກຳນົດໄວ້ໂດຍຈະສືບຕໍ່ເລັ່ງໃສ່ ພັດທະນາລະບົບບໍລິຫານລັດດ້ວຍເອເລັກໂຕຣນິກໃຫ້ກາຍເປັນພາຫະນະຮັບໃຊ້ ແກ່ບັນດາຫ້ອງການລັດ ເພື່ອຍົກລະດັບການບໍລິຫານ ແລະ ການບໍລິການລັດໃຫ້ກາຍເປັນເອເລັກໂຕຣນິກເທື່ອລະກ້າວ, ຄຽ່ງຄູ່ກັນນັ້ນຈະຕ້ອງໄດ້ເອົາໃຈ ໃສ່ (1) ສ້າງ ແລະ ຍົກລະດັບບຸກຄະລາກອນທົ່ວຂະແໜງ ປທສ; (2) ສ້າງ ແລະ ປັບປຸງນະໂຍບາຍ, ນິຕິກຳເພື່ອຄຸ້ມຄອງສົ່ງເສີມ ແລະ ດັດສົມ ຜູ້ໃຫ້ບໍລິການດ້ານໄປສະນີ ແລະ ໂທລະຄົມມະນາຄົມ/ເຕັກໂນໂລຊີ ສື່ສານ ແລະ ຂໍ້ມູນຂ່າວສານ; (3) ສ້າງເງື່ອນໄຂໃຫ້ການພັດທະນາວຽກງານໄປສະນີກາຍເປັນແບບເອເລັກໂຕຣນິກ ມີຄວາມທັນສະໄໝໄດ້ມາດຕະຖານສູງ ເພື່ອໃຫ້ ການບໍລິການແກ່ສັງຄົມສະ ດວກວ່ອງໄວ, ປອດໄພ, ທົ່ວເຖິງ ແລະ ມີຄຸນນະພາບສູງ; (4) ພັດ ທະນາວຽກງານ ປທສ ໃຫ້ທັນສະໄໝ, ມີພື້ນຖານໂຄງລ່າງ ດີຈີຕອນດ້ວຍລະບົບຄວາມໄວສູງ, ປອດໄພ, ທົ່ວເຖິງ ເປັນຈຸດເຊື່ອມໂຍງກັບພາກພື້ນ ແລະ ສາກົນ; (5) ສົ່ງເສີມໃຫ້ມີການຄົ້ນຄວ້າ ສ້າງນະວັດຕະກຳດ້ານ ໄອຊີທີ ແລະ ສ້າງເງື່ອນໄຂໃຫ້ມີການລົງທຶນເຂົ້າໃນອຸດສາຫະກໍາ ໄອຊີທີ ຢ່າງແຜ່ຫຼາຍ ໃຫ້ພາກທຸລະກິດແລກປ່ຽນຂໍ້ມູນຂ່າວສານ ແລະ ເຮັດການຄ້າທາງອິນເຕີເນັດໃຫ້ມີມູນຄ່າເສດຖະກິດ ໄອຊີທີ ກວມອັດຕາສ່ວນສູງຂຶ້ນ (5) ສ້າງລາຍຮັບເຂົົ້າງົບປະມານລັດ ເພື່ອເປັນການປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມ ໃນສົກງົບປະມານປີ 2019 ໃຫ້ໄດ້ຕາມລະດັບຄາດໝາຍ. (ຂ່າວ:ກະຊວງ ປທສ +ພາບ: ພູວຽງຄຳ)