ງານສັບປະດາແຫ່ງຊາດ ດ້ານຄວາມປອດໄພ ທາງຖະໜົນ


...

02.04.2019 9:03     

   ງານສັບປະດາແຫ່ງຊາດດ້ານຄວາມປອດໄພທາງຖະ ໜົນຈັດຂຶ້ນໃນລະຫວ່າງວັນທີ 17 ເມສານີ້ ແນໃສ່ເປັນການປຸກລະດົມໃຫ້ທຸກພາກສ່ວນ ແລະ ທຸກຊັ້ນຄົນໃນສັງຄົມໃຫ້ຄວາມສຳຄັນ ໃນການປະຕິບັດກົດລະບຽບຈະລາຈອນເວລາຂັບຂີ່ຍານພາຫະນະຕາມທ້ອງຖະໜົນ ແລະ ເຫັນໄດ້ເຖິງໄພອັນຕະລາຍຈາກການເກີດອຸບັດເຫດ ຊຶ່ງໄດ້ສ້າງຄວາມເສຍຫາຍເປັນຈຳນວນຫຼວງຫຼາຍຕໍ່ຊີວິດ ແລະ ຊັບສິນ. ທ່ານ ວິໄລພັນ ໄຊຍະວົງ ຮອງຫົວໜ້າກົມຂົນສົ່ງກະຊວງ ຍທຂ ຮອງຫົວໜ້າກອງເລຂາຄະນະກຳມະການ ແຫ່ງຊາດດ້ານຄວາມປອດໄພທາງຫຼວງໃນການຈັດສັບປະດາຄວາມປອດໄພທາງຖະໜົນໄດ້ຖະ ແຫຼງຂ່າວການຈັດງານດັ່ງກ່າວເມື່ອວັນທີ 1 ເມສາ ນີ້ ທີ່ຫ້ອງປະຊຸມ ກົມຂົນສົ່ງ ກະຊວງ ໂຍທາທິການ ແລະ ຂົນສົ່ງ (ຍທຂ) ຊຶ່ງມີເນື້ອໃນວ່າ:ການຈັດງານດັ່ງກ່າວໃນປີນີ້ ແມ່ນພໍດີກົງກັບການຈັດງານດ້ານຄວາມປອດໄພທາງຖະໜົນສາກົນ ຊຶ່ງຈັດຂຶ້ນທຸກໆສອງປີ ສະເພາະປີນີ້ສາກົນໄດ້ກຳນົດເອົາ ວັນທີ 612 ພຶດສະພາເປັນສັບປະດາຈັດງານ, ສຳລັບ ສ ປ ປ ລາວ ຕາມກົດໝາຍຈະລາຈອນທາງບົກໄດ້ກຳນົດອາ ທິດທຳອິດ ຂອງເດືອນເມສາເປັນສັບປະດາແຫ່ງຊາດດ້ານຄວາມປອດໄພທາງຖະໜົນ,ສະນັ້ນໃນປີນີ້ ສ ປ ປ ລາວ ໃນນາມທີ່ ເປັນປະເທດສະມາຊິກຂອງ ສະຫະປະຊາຊາດ ກໍຕ້ອງໄດ້ຈັດຕັ້ງ ປະຕິບັດພັນທະສາກົນໄປພ້ອມກັບການຈັດສັບປະ ດາ ແຫ່ງຊາດດ້ານຄວາມປອດໄພທາງຖະໜົນ ຖືເປັນສອງງານພ້ອມກັນ, ທ່ານກ່າວຕື່ມວ່າ: ງານສັບປະດາປີນີ້ ມີແຜນກິດຈະກຳຄື: ເລີ່ມແຕ່ວັນທີ 1 ເມສາເປັນຕົ້ນໄປຈະໄດ້ມີການໂຄສະນາຄວາມປອດໄພຕາມທ້ອງຖະໜົນຜ່ານສື່ຕ່າງໆ, ວັນທີ 45 ເມສາ ຈະຈັດກິດຈະ ກຳ ຢູ່ມະຫາວິທະຍາໄລແຫ່ງຊາດ ແລະ ວິທະຍາໄລການຊ່າງປາກປ່າສັກ ແລະ ວັນທີ 6 ເມສາ ທີ່ສວນສາທາລະນະ ປະຕູໄຊ ຈະມີພິທີໂຮມຊຸມນຸມເພື່ອສະ ເຫຼີມສະຫຼອງສັບປະດາແຫ່ງຊາດດ້ານຄວາມປອດໄພທາງຖະໜົນ ພາຍໃຕ້ຄຳຂວັນ "ຊີ ວິດປອດໄພຮ່ວມໃຈປ້ອງກັນອຸ ບັດເຫດ" ໃນນັ້ນຈະມີຂະບວນຍ່າງ ແຕ່ປະຕູໄຊຫໍຄຳປະຕູໄຊ ແລະ ຈະມີກິດຈະກຳຖາມຕອບກ່ຽວກັບຄວາມປອດໄພທາງຖະໜົນເອົາຂອງລາງວັນ ແລະ ອື່ນໆ. ທ່ານ ແກ້ວມາລາ ແສງທອງ ຮອງຫົວໜ້າກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບຄະນະກຳມະ ການແຫ່ງຊາດດ້ານຄວາມປອດໄພທາງຫຼວງໃນການຈັດສັບ ປະດາຄວາມປອດໄພທາງຖະ ໜົນ ໃຫ້ຮູ້ວ່າ: ກົມຕຳຫຼວດຈະ ລາຈອນໄດ້ຈັດຕັ້ງຕຳຫຼວດທາງຫຼວງ ລົງກວດກາຈັບຄວາມໄວເພື່ອສະກັດກັ້ນອຸບັດເຫດ ແລະ ອາຊະຍາກຳຕາມເສັ້ນທາງຫຼວງແຫ່ງຊາດ ແລະ ລົງຊຸກຍູ້ແຂວງສະຫວັນນະເຂດ ລວມທັງໝົດ 13 ຄັ້ງ ໄດ້ກວດກາລົດທັງໝົດ 12.124 ຄັນ ພົບເຫັນຜູ້ລະເມີດ 8.609 ຄົນ ຍິງ 1.451 ຄົນ ເຖິງວ່າພວກເຮົາຈະໄດ້ຈັດຕັ້ງປະຕິບັດຜ່ານມາຢ່າງຈິງຈັງແຕ່ຍັງມີຜູ້ໃຊ້ລົດ, ໃຊ້ຖະໜົນຈຳນວນໜຶ່ງຍັງມີພຶດຕິກຳລ່ວງລະເມີດ ແລະ ເກີດອຸບັດເຫດຄີື: ໃນປີ 20172018 ອຸບັດເຫດທີ່ເກີດຂຶ້ນທັງໝົດ ປີ 2017 ມີ 5.868 ລາຍ,ພາຫະນະເປ້ເພ 10.793 ຄັນ,ມີຄົນໄດ້ຮັບບາດເຈັບ 9.640 ຄົນ ແລະ ມີຄົນເສຍຊີວິດ 1.053 ຄົນ ສຳລັບໃນປີ 2018 ອຸບັດເຫດເກີດ ຂຶ້ນທັງໝົດ 5.984 ລາຍ,ພາ ຫະນະເປ່ເພ 10.580 ຄັນ, ຄົນໄດ້ຮັບບາດເຈັບ 9.372 ຄົນ ແລະ ເສຍຊີວິດ 995 ຄົນ, ສາເຫດ ຂອງການເກີດອຸບັດເຫດຫຼັກຄື: ມຶນເມົາແລ້ວຂັບຂີ່ ມີ 1.436 ກໍລະນີ,ຄວາມໄວເກີນ 1.296 ກໍລະນີ, ບໍ່ປ່ອຍສິດ 837 ກໍ ລະນີ, ປ່ຽນທິດທາງເດີນກະທັນຫັນ 612 ກໍລະນີ, ຊີງບໍ່ຮັບປະ ກັນ 586 ກໍລະນີ, ລ່ວງປ້າຍຫ້າມ 208 ກໍລະນີ, ມາດຖານເຕັກນິກ 270 ກໍລະນີ, ປິ້ນ ເອງ ແລະ ຕຳສາລະນຸປະໂພກທາງ 739 ກໍລະນີ ໃນນັ້ນ, ບໍ່ມີໃບຂັບຂີ່ 3.346 ຄົນ, ອາຍຸບ່ໍເຖິງກະສຽນ 742 ຄົນ. (ຂ່າວ: ສຳນານ)