ສີເມືອງກຣຸບ ມອບເຄື່ອງໃຊ້ຫ້ອງການໃຫ້ກະຊວງປ້ອງກັນຄວາມສະຫງົບ


...

03.04.2019 9:04     

   ທ່ານ ເອກະພັນ ພະພິທັກ ປະທານບໍລິສັດສີເມືອງກຣຸບ ແລະ ປະທານທະນາຄານຮ່ວມ ພັດທະນາ ພ້ອມດ້ວຍຄະນະ ໄດ້ນຳເອົາເຄື່ອງໃຊ້ຫ້ອງ ການ ໄປມອບໃຫ້ກະຊວງປ້ອງກັນຄວາມສະຫງົບ ເນື່ອງໃນໂອ ກາດວັນສ້າງຕັ້ງກະຊວງປ້ອງ ກັນຄວາມສະຫງົບ ຄົບຮອບ 58 ປີ, ຊຶ່ງກ່າວຮັບໂດຍທ່ານ ພົນໂທ ວິໄລ ຫຼ້າຄຳຟອງ ຄະນະເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ມີທ່ານ ພົນຈັດຕະວາ ສີສະຫວາດ ແກ້ວມາລາວົງ ຫົວໜ້າຫ້ອງວ່າ ການກະຊວງປ້ອງກັນຄວາມສະຫງົບ, ທ່ານ ພັນເອກ ຄຳຫຼ້າ ບົວພະຄຸນຫົວໜ້າກົມເລຂາ, ທ່ານ ພັນເອກ ສິງມະນີ ແສງຄຳຢອງ ຫົວໜ້າກົມບໍລິຫານ, ທ່ານພັນ ເອກ ສົມພອນ ທອງວິໄລ ຫົວໜ້າຫ້ອງການເມືອງ, ຕະຫຼອດ ຮອດສື່ມວນຊົນກໍໄດ້ເຂົ້າຮ່ວມເປັນສັກຂີພິຍານຢ່າງພ້ອມພຽງ. ພິທີດັ່ງກ່າວ ໄດ້ຈັດຂຶ້ນໃນອາທິດຜ່ານມານີ້ ທີ່ກະຊວງປ້ອງກັນຄວາມສະຫງົບ. ເຄື່ອງທີ່ນຳມາມອບໃນຄັ້ງນີ້ ປະກອບມີໂທລະພາບສີຈໍແບນ ຂະໜາດ 30 ນິ້ວຈຳນວນ 20 ເຄື່ອງ, ຄອມພິວເຕີໂນດບຸກ 5 ໜ່ວຍ, ເຄື່ອງປີ່ນເຕີຂາວ-ດຳ 3 ໜ່ວຍ, ເຄື່ອງປິ່ນ ເຕີສີ 2 ໜ່ວຍ, ເຄື່ອງສະແກນເນີ 1 ໜ່ວຍ ລວມມູນຄ່າທັງໝົດ 91 ລ້ານກວ່າກີບ. ໃນໂອກາດນີ້ທ່ານ ພົນໂທ ວິໄລ ຫຼ້າຄຳຟອງ ໄດ້ສະແດງຄວາມຂອບອົກຂອບໃຈມາຍັງບໍລິສັດສີເມືອງກຣຸບ ທີ່ໄດ້ປະກອບສ່ວນ ຊ່ວຍເຫຼືອອຸປະກອນເຄື່ອງເຕັກ ນິກຮັບໃຊ້ວຽກບໍລິຫານໃຫ້ກະ ຊວງປ້ອງກັນຄວາມສະຫງົບ ຊຶ່ງອຸປະກອນຮັບໃຊ້ຍັງບໍ່ທັນພຽງພໍໃນຫ້ອງການກະຊວງ, ການຊ່ວຍເຫຼືອໃນຄັ້ງນີ້, ແມ່ນການປະກອບສ່ວນທີ່ສໍາຄັນ ແລະ ມີຄວາມໝາຍຕໍ່ວຽກງານວິຊາສະເພາະຂອງກະຊວງປ້ອງກັນຄວາມສະຫງົບ. ທ່ານ ຍັງໄດ້ອວຍພອນໃຫ້ທຸລະກິດຂອງບໍລິສັດສີເມືອງກຣຸບ ແລະ ທະນາຄານຮ່ວມພັດທະນາໃຫ້ມີຜົນກຳໄລ ແລະ ໄດ້ປະກອບ ສ່ວນຊ່ວຍເຫຼືອສັງຄົມກາຍ ເປັນບໍລິສັດແບບຢ່າງຂອງປະເທດລາວ ແລະ ໄດ້ມອບໃບກຽດຕິຄຸນ ໃຫ້ກັບທ່ານ ເອກະພັນ ພະພິທັກ ປະທານບໍລິສັດສີເມືອງກຣຸບ ແລະ ປະທານ ທະນາຄານຮ່ວມພັດທະນາ. ປັດຈຸບັນປະ ເທດຂອງພວກເຮົາໄດ້ເຂົ້າສູ່ປະ ຊາຄົມເສດຖະກິດອາຊຽນ ຫຼື AEC ບໍລິສັດສີເມືອງກຣຸບກໍຈະກ້າວໄປຂ້າງໜ້າ ແລະ ເປັນເພື່ອນຮ່ວມງານທີ່ດີ ກັບທຸກຫົວໜ່ວຍທຸລະກິດ ດ້ວຍວິໃສທັດທີ່ວ່າ ແລກປ່ຽນຄວາມຮູ້ ກັບບໍລິສັດລະຫວ່າງປະເທດໃນໂລກ ເປັນບໍລິສັດ ທີ່ຮັບຮູ້ໃນສາກົນ ບໍລິສັດສີເມືອງກຣຸບ ຈະເປັນສ່ວນໜຶ່ງ ໃນການສ້າງສາພັດທະນາປະເທດຊາດ ໃຫ້ມີຄວາມຈະເລີນ ຮຸ່ງເຮືອງສີວິໄລ. (ຂ່າວ-ພາບ: ທະນາຄານຮ່ວມພັດທະນາ)