ອອປສ ປາຖະກະຖາວັນສ້າງຕັ້ງພັກ


...

03.04.2019 9:19     

   ອົງການໄອຍະການປະຊາຊົນສູງສຸດ (ອອປສ)ໄດ້ຈັດຕັ້ງປາຖະກະຖາຫວນຄືນມູນເຊື້ອວັນສ້າງຕັ້ງພັກປະຊາຊົນປະຕິວັດລາວຄົບຮອບ 64 ປີຂື້ນໃນວັນທີ 2 ເມສາ ເປັນກຽດປາຖະກະຖາໂດຍ ທ່ານ ຄຳສານ ສຸວົງ ຫົວໜ້າອົງການໄອຍະການປະຊາຊົນສູງສຸດ,ມີບັນດາຄະນະພັກ ຄະນະນຳ ຫົວໜ້າກົມ ພະແນກການ ສະຖາບັນ ອົງການໄອຍະການປະຊາຊົນພາກກາງ ແລະສະມາຊີກພັກພະນັກງານ ລັດຖະກອນເຂົ້າຮ່ວມ. ທ່ານ ຄຳສານ ສຸວົງ ໄດ້ຍົກໃຫ້ເຫັນປະຫວັດການ ກຳເນີດ ແລະ ການເຕີບໃຫຍ່ ຂະຫຍາຍຕົວຂອງພັກ ປະ ຊາຊົນປະຕິວັດລາວ ຕະ ຫຼອດໄລຍະ 64 ປີ ຜ່ານມາ ໂດຍໄດ້ຍົກໃຫ້ເຫັນມູນເຊື້ອອັນປີຊາສາມາດສະຫຼາດສ່ອງໃສຂອງພັກທີ່ໄດ້ນຳພາກອງທັບແລະປະຊາຊົນລາວບັນດາເຜົ່າລຸກຂື້ນຕໍ່ສູ້ຍາດເອົາເອກະລາດ ອຳນາດອະທິປະໄຕ ແລະຄວາມມີອິດສະຫຼະພາບມາສູ່ປະຊາຊົນລາວບັນດາເຜົ່າ.ຕະຫຼອດໄລຍະໃນການຕໍ່ສູ້ປົດປ່ອຍຊາດ ພາຍໃຕ້ການນຳພາຂອງພັກປະຊາຊົນປະຕິວັດລາວຕໍ່ສູ້ຕ້ານການຮຸກຮານຂອງຈັກກະພັດ ແລະ ລູກມືປະຕິການຂາຍຊາດໃນແຕ່ລະໄລຍະທີ່ຜ່ານມາຢ່າງດຸເດືອດຂ້ຽວຂາດ ແລະກ້າວໄປເຖີງການປົດປ່ອຍຊາດຢ່າງສົມບູນ,ໃນນາມສະມາຊີກພັກ ຄະນະນຳອົງການໄອຍະການປະຊາຊົນ ຮູ້ສຶກພາກພູມໃຈເປັນຢ່າງຍີ່ງທີ່ເຫັນປະເທດຊາດມີຄວາມເປັນເອກະລາດ ແລະມີການພັດທະນາຢ່າງຕໍ່ເນື່ອງ ຍ້ອນພາຍໃຕ້ແສງສະວ່າງຂອງລັດທິມາກ-ເລນິນ ແລະ ພັກຄອມມູນິດອິນດູຈີນ ກໍຄືຄວາມຮຽກຮ້ອງຕ້ອງການໜ້າທີ່ການເມືອງພັກປະຊາຊົນປະຕິວັດລາວ ຈຶ່ງໄດ້ກຳເນີດຂຶ້ນເພື່ອນຳພາປະຊາຊົນບັນ ດາເຜົ່າຕໍ່ສູ້ປົດປ່ອຍຊາດອອກຈາກແອກປົກຄອງຂອງຈັກກະພັດຕ່າງດ້າວ ແລະ ລະບອບສັກດີນາ ສະຖາປະນາເປັນສາທາລະນະລັດປະຊາ ທິປະໄຕ ປະຊາຊົນລາວຂຶ້ນໃນວັນທີ 2 ທັນວາ. ຜົນງານແລະໄຊຊະນະດັ່ງກ່າວແມ່ນຍ້ອນການນຳພາອັນສະຫຼາດສ່ອງໃສ ແລະ ປີຊາສາມາດຂອງພັກປະຊາຊົນປະຕິວັດລາວເຊີ່ງໄດ້ເຕີບໃຫຍ່ຂະຫຍາຍຕົວແລະເຂັ້ມແຂງເປັນກ້າວໆມາ,ຄຽງຄູ່ກັບການປັບປຸງບູລະນະລະບົບອຳນາດລັດ ປະຊາທິປະໄຕ ປະຊາຊົນ ຕາມແນວທາງປ່ຽນແປງໃໝ່ຢ່າງຮອບດ້ານແລະ ມີຫຼັກການຂອງພັກ ກໍຄືພາລະກິດປົກປັກຮັກສາໝາກຜົນຂອງການປະຕິວັດ ແລະ ການສ້າງສາປະເທດຊາດ, ອົງການໄອຍະການປະຊາຊົນກໍໄດ້ປະ ກອບສ່ວນຢ່າງຕັ້ງໜ້າເຂົ້າໃນພະລະກິດປົກປັກຮັກສາແລະ ກໍ່ສ້າງປະເທດຊາດ ເປັນ ຕົ້ນການປົກປ້ອງຄວາມຍຸຕິທຳ ນອກນີ້ຍັງໄດ້ສ້າງແລະ ປັບປຸງຮ່າງກົດໝາຍໃນຂົງເຂດຍຸຕິທຳກໍ່ຄືຂົງເຂດອື່ນເປັນບ່ອນອີງໃນການຮັບໃຊ້ໜ້າທີ່ການເມືອງຂອງພັກ. (ຂ່າວ:ກົງມະລີ)