ຫວນຄືນມູນເຊື້ອວັນສ້າງຕັ້ງຊາວໜຸ່ມຄົບຮອບ 64 ປີ


...

03.04.2019 9:19     

   ສານປະຊາຊົນສູງສຸດ ໄດ້ຈັດຕັ້ງປາຖະກະຖາ ຫວນຄືນມູນເຊື້ອວັນສ້າງຕັ້ງ ຊາວໜຸ່ມ ປະຊາຊົນ ປະຕິວັດ ລາວ ຄົບຮອບ 64 ປີ ຂຶ້ນໃນວັນທີ 2 ເມສາ ນີ້ ທີ່ສານປະຊາຊົນສູງສຸດ,ໃຫ້ກຽດປາຖະກະຖາຂອງ ທ່ານ ຄຳພັນ ສິດທິດຳພາ ປະທານສານປະຊາຊົນສູງສຸດ ຊຶ່ງມີພະນັກງານ ຊາວໜຸ່ມອ້ອມຂ້າງເຂົ້າຮ່ວມ ທ່ານ ຄຳພັນ ສິດທິດຳພາ ໄດ້ຍົກໃຫ້ເຫັນເຖິງປະຫວັດ ແລະ ຄວາມໝາຍ ຄວາມສຳຄັນ ຂອງຊາວໜຸ່ມລາວ ຕະຫຼອດໄລຍະ 64 ປີ . ເພື່ອເປັນການສືບທອດ, ປົກປັກຮັກສາ ແລະ ເສີມຂະຫຍາຍຢ່າງແຂງແຮງໃນພາລະກິດ ປົກປັກຮັກສາ ແລະ ພັດທະນາປະເທດຊາດ ໂດຍພາຍໃຕ້ການນຳພາຂອງພັກ ສືບຕໍ່ປະຕິບັດຄຳຂວັນຊາວໜຸ່ມທີ່ວ່າ: ບ່ອນໃດຍາກຊາວໜຸ່ມບຸກ ບ່ອນໃດທຸກຊາວໜຸ່ມຜ່ານຜາ ຊາດຮຽກຮ້ອງຕ້ອງການຊາວໜຸ່ມຂານອາສາ ແລະ "ຄຳຂວັນທີ່ວ່າ: ເພື່ອພາລະກິດປົກປັກຮັກສາ ແລະ ພັດທະນາປະເທດຊາດ ຊາວໜຸ່ມລາວອາດຫານກ້າວຂຶ້ນ" ດັ່ງນັ້ນທ່ານ ປະທານສານ ຈຶ່ງໄດ້ຮຽກຮ້ອງໃຫ້ຊາວໜຸ່ມອ້ອມຂ້າງສານປະຊາຊົນສູງສຸດ ຈົ່ງໄດ້ພ້ອມກັນນຳເອົາບົດຮຽນນຳຊາວໜຸ່ມຮຸ່ນກ່ອນເຊັ່ນວ່າ ຄົນຮຸ່ນໜຸ່ມມີໜ້າທີ່ສືບທອດມູນເຊື້ອຂອງຄົນຮຸ່ນກ່ອນທີ່ອົງອາດກ້າຫານເດັດດຽວໜຽວແໜ້ນ ທີ່ໄດ້ຕໍ່ສູ້ເພື່ອຄວາມເປັນເອກະລາດ ອິດສະຫຼະພາບ ປະຊາທິປະໄຕ ແລະ ຄວາມສົມບູນພູນສຸກ ມາສູ່ຮຸ່ນໜຸ່ມປັດຈຸບັດ, ຄົນຮຸ່ນໜຸ່ມຕ້ອງອົດທົນຄົ້ນຄວ້າຮຳ່ຮຽນໃຫ້ມີຄວາມຮູ້ຫຼາຍດ້ານ ມີຄວາມຮູ້ ຈຶ່ງຈະເຮັດໃຫ້ປະເທດຊາດຫຼຸດພົ້ນຈາກຄວາມດ້ອຍພັດທະນາ ແລະ ຄົນຮຸ່ນໜຸ່ມຕ້ອງມີຫຼັກໝັ້ນ, ມີອຸດົມການຢ່າງຈະແຈ້ງ ເພື່ອກ້າວໄປຕາມເສັ້ນທາງສັງຄົມນິຍົມ ແລະ ອື່ນໆ. (ຂ່າວ: ຕຸໄລເພັດ ພິມເມືອງ)