ປະທານ ສນຊ ຕ້ອນຮັບຄະນະຜູ້ແທນ ສປ ຈີນ ເຂົ້າຢ້ຽມຂໍ່ານັບ


...

04.04.2019 9:07     

   ທ່ານ ໄຊສົມພອນ ພົມ ວິຫານ ປະທານສູນກາງແນວລາວສ້າງຊາດໄດ້ຕ້ອນຮັບທ່ານ ຈົ່ງ ກົວຢິງ ຄະນະປະຈຳພັກ ແຂວງ ຮອງເຈົ້າແຂວງໆຢຸນນານ ສປຈີນ ພ້ອມຄະນະເຂົ້າຢ້ຽມຂໍ່ານັບເມື່ອວັນທີ 4 ເມສາ ນີ້ທີ່ສູນກາງແນວລາວສ້າງຊາດ(ສນຊ) ໃນໂອກາດທີ່ ທ່ານພ້ອມຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປ ປ ລາວ ໃນລະຫວ່າງ ວັນທີ 3-4 ເມສາ ໃນໂອກາດດັ່ງກ່າວ ທ່ານ ປະທານ ສູນກາງແນວລາວສ້າງຊາດໄດ້ສະແດງຄວາມຍິນດີຕ້ອນ ຮັບຊົມເຊີຍ ແລະ ຕີລາຄາສູງ ຕໍ່ທ່ານ ຈົ່ງ ກົວ ຢິງ ພ້ອມຄະນະທີ່ເດີ່ນທາງມາຢ້ຽມຢາມ ແລະ ເຮັດວຽກຢູ່ ສ ປ ປ ລາວຄັ້ງນີ້ ຊຶ່ງເປັນມິດໝາຍສຳຄັນເຂົ້າໃນການປະກອບສ່ວນເສີມຂະຫຍາຍສາຍພົວພັນຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນ ລະຫວ່າງ ສປປ ລາວ - ສປ ຈີນ ທີ່ມີມາແຕ່ດົນນານແລ້ວນັ້ນໃຫ້ນັບມື້ເພີ່ມພູນຄູນສ້າງຍິ່ງໆຂຶ້ນ,ທ່ານປະທານ ສນຊ ຍັງໄດ້ອວຍພອນໃຫ້ຄະນະຜູ້ແທນດັ່ງກ່າວຈົ່ງປະສົບຜົນສຳເລັດໃນການມາຢ້ຽມຢາມ ແລະເຮັດວຽກຢູ່ ສປປລາວຄັ້ງນີ້ອີກດ້ວຍ ທ່ານ ຈົ່ງ ກົວຢິງ ກໍໄດ້ກ່າວສະແດງຄວາມຂອບໃຈຕໍ່ ທ່ານ ປະທານ ສນຊ ທີ່ໄດ້ໃຫ້ການຕ້ອນຮັບຢ່າງອົບອຸ່ມ ພ້ອມນີ້ຍັງໄດ້ແຈ້ງຈຸດປະສົງໃນການມາຢ້ຽມຢາມ ແລະ ເຮັດວຽກຢູ່ ສ ປປ ລາວໃນຄັ້ງນີ້ ໃຫ້ ທ່ານໄດ້ຮັບຊາບອີກດ້ວຍ. (ຂ່າວ:ສຳນານ)