ຊາວໜຸ່ມ ປະກອບສ່ວນຢ່າງຕັ້ງໜ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ


...

04.04.2019 9:15     

   ທ່ານ ອາລຸນໄຊ ສູນນະ ລາດ ກຳມະການສຳຮອງສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາ ຊົນ ປະຕິວັດລາວ (ຊປປລ)ໄດ້ຖະແຫຼງຂ່າວ ເນື່ອງໃນໂອກາດວັນສ້າງຕັ້ງຄະນະຊາວໜຸ່ມ ປະຊາ ຊົນ ປະຕິວັດລາວ (ຄຊປປລ) ຄົບຮອບ 64 ຕໍ່ສື່ມວນຊົນເມື່ອ ວັນທີ 2 ເມສາຜ່ານມາ ທີ່ ຊປປລ ວ່າ: ພາຍໃຕ້ການຊີ້ນຳໆພາຂອງພັກປະຊາ ຊົນ ປະຕິວັດລາວ, ປະຊາຊົນ ກໍຄືຊາວໜຸ່ມເຍົາວະຊົນລາວໄດ້ພ້ອມພຽງກັນຈັດຕັ້ງປະຕິ ບັດຕາມແນວທາງຂອງພັກ, ຜັນຂະຫຍາຍເນື້ອໃນຈິດໃຈຂອງກອງປະຊຸມໃຫຍ່ ຄັ້ງທີ X ຂອງພັກ, ໂດຍຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາຢ່າງເປັນຂະບວນຟົດຟື້ນ,ສຳລັບຄະນະຊາວໜຸ່ມປະຊາຊົນປະຕິວັດລາວຂອງພວກເຮົາໃນແຕ່ລະຂັ້ນກໍໄດ້ເອົາໃຈໃສ່ໃນການຊີ້ນຳໆພາສະມາຊິກຊາວໜຸ່ມເຍົາວະຊົນລາວບັນດາເຜົ່າຈັດຕັ້ງປະ ຕິບັດມະຕິກອງປະຊຸມໃຫຍ່ຄັ້ງທີ VII ຂອງຕົນ, ຜັນຂະຫຍາຍຂໍ້ແຂ່ງຂັນ 4 ບຸກຂອງຊາວໜຸ່ມ ແລະ ຂໍ້ແຂ່ງຂັ້ນ 3 ດີ 4 ຮູ້ຂອງເຍົາວະຊົນທັນວາເຫັນວ່າໃນ 1 ປີຜ່ານມາຄະນະຊາວໜຸ່ມ, ໜ່ວຍຊາວໜຸ່ມຫຼາຍໆແຫ່ງກໍໄດ້ຮັບນາມມະຍົດເປັນໝ່ວຍຊາວໜຸ່ມ 4 ບຸກ ແລະ ກອງເຍົາວະຊົນດີເດັ່ນຫຼາຍໆກອງ. ພ້ອມນີ້ ຄະນະຊາວໜຸ່ມແຕ່ລະຂັ້ນພວກເຮົາກໍບໍ່ໄດ້ລົດລະໃນການໂຄສະນາສຶກສາອົບຮົມທາງດ້ານການເມືອງແນວຄິດໃຫ້ແກ່ຊາວໜຸ່ມເຍົາວະຊົນລາວບັນດາເຜົ່າ, ເຮັດໃຫ້ເຂົາ ເຈົ້າມີຄວາມຮັບຮູ້ ແລະ ເຂົ້າ ໃຈຢ່າງເລິກເຊິ່ງຕໍ່ແນວທາງຂອງພັກ, ລະບຽບກົດໝາຍຂອງລັດ, ມີແນວຄິດຮັກຊາດຢ່າງສູງສົ່ງໄດ້ຮູ້ໄດ້ເຫັນເຖິງ ວັດທະນະທຳຮີດຄອງປະເພນີອັນດີງາມຂອງຊາດ, ຮູ້ເຖິງມູນ ເຊື້ອຂອງຊາດ,ຂອງບັນພະບູລຸດ ກໍຄືຊາວໜຸ່ມຮຸ່ນກ່ອນ,ຊາວໜຸ່ມເຍົາວະຊົນຈຳນວນຫຼາຍໄດ້ເອົາໃຈໃສ່ຄົ້ນຄວ້າຮາໍ່ຮຽນຊອກຮູ້ສະແຫວງຫາດ້ານດີ ເພື່ອນຳມາພັດທະນາຕົນເອງໃຫ້ກາຍເປັນຄົນຮູ້ຜູ້ດີ, ເປັນພົນລະເມືອງດີຂອງຊາດ, ເປັນຜູ້ສືບທອດທີ່ດີຂອງພັກ ແລະ ເປັນລູກຮັກຫຼານປະເສີດຂອງພໍ່ແມ່,ປ້າ,ລຸງ, ອາວ, ອາ ພ້ອມກັນຕີຖອຍປະກົດການຫຍໍ້ທໍ້ຕ່າງໆໃນສັງຄົມໃຫ້ຫຼຸດໜ້ອຍຖອຍລົງ. ທ່ານກ່າວຕື່ມວ່າ: ເນື່ອງໃນໂອກາດວັນກຸດສົງການປີໃໝ່ລາວ ພສ 2562 ແລະ ກົງກັບວັນທີ 14 ເມສາທີ່ຈະມາເຖິງນີ້ກໍແມ່ນວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວຄົບຮອບ 64 ປີ ຂ້າພະເຈົ້າຂໍອວຍພອນໄຊອັນປະເສີດ ແລະ ຮູ້ບຸນຄຸນຢ່າງລົ້ນເຫຼືອມາຍັງການນຳພັກລັດ,ນັກປະຕິວັດອາວຸໂສທຸກໆທ່ານຈົ່ງມີຂຸຂະພາບເຂັ້ມ ແຂງ, ມີຄວາມຜາສຸກໃນຊີວິດ, ສືບຕໍ່ເບິ່ງແຍງດູແລ ແລະ ຊີ້ນຳ ນຳພາເຮັດໃຫ້ປະ ເທດພວກເຮົາ ໄດ້ຮັບການພັດ ທະນາ ແລະ ກ້າວໄປສູ່ຄວາມມັ່ງຄັ່ງ, ເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ, ປະຊາທິ ປະໄຕ, ຍຸຕິທຳ ແລະ ສີວິໄລ, ຂໍອວຍພອນອັນປະເສີດມາຍັງຄະນະຊາວໜຸ່ມປະຊາຊົນ ປະ ຕິວັດລາວແຕ່ລະຂັ້ນ, ສະມາ ຊິກຊາວໜຸ່ມເຍົາວະຊົນ ແລະ ອະນຸຊົນລາວບັນດາເຜົ່າຈົ່ງມີແຕ່ຄວາມຫ້າວຫັນເຂັ້ມແຂງ, ມີຄວາມສຸກຄວາມຈະເລີນ, ພ້ອມກັນສືບຕໍ່ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ມະຕິກອງປະ ຊຸມໃຫຍ່ຄັ້ງທີ VII ຂອງຕົນໃຫ້ບັນລຸຜົນສຳເລັດຢ່າງຈົບງາມ, ສືບຕໍ່ຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມ ແລະ ຂໍ້ແຂ່ງຂັນ 3 ດີ 4 ຮູ້ຂອງເຍົາ ວະຊົນທັນວາ, ຍູ້ແຮງຂະບວນການແຂ່ງຂັນຮັກຊາດ ແລະ ພັດທະນາຕາມທິດນຳ 3 ສ້າງຂອງພັກໃຫ້ປະກົດຜົນເປັນຈິງ, ຊາວໜຸ່ມເຍົາວະຊົນ ແລະ ອະນຸຊົນລາວບັນດາເຜົ່າຈົ່ງພ້ອມກັນຖືເອົາຖືວັນທີ 14 ເມສາ ຊຶ່ງເປັນວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວເປັນວັນທີ່ສຳຄັນຍິ່ງເພື່ອລະນຶກເຖິງມູນເຊື້ອແລະ ຄຸນງາມຄວາມ ດີຂອງຄົນຮຸ່ນກ່ອນທີ່ໄດ້ອຸທິດຊີວິດເລືອດເນື້ອເຫື່ອໄຄຂອງຕົນໃຫ້ແກ່ປະເທດຊາດ,ເປັນວັນເຕົ້າໂຮມຄວາມສາມັກຄີຂອງຊາວໜຸ່ມເຍົາວະຊົນ ແລະ ອະນຸຊົນລາວບັນດາເຜົ່າ, ເປັນວັນແຫ່ງການສຶກສາຮ່ຳຮຽນ, ກໍ່ສ້າງ ແລະ ພັດທະນາຕົນເອງໃຫ້ມີຄຸນສົມບັດສິນທຳປະຕິ ວັດ, ມີຄວາມຮູ້ຄວາມສາມາດ ແລະ ມີຄວາມກ້າວໜ້າ, ວັນແຫ່ງການປັບປຸງການຈັດຕັ້ງຂອງຊາວໜຸ່ມໃຫ້ມີຄວາມໜັກແໜ້ນເຂັ້ມແຂງ, ຊາວໜຸ່ມໃຫ້ເປັນຜູ້ທີ່ໄວ້ໃຈຂອງພັກໃຫ້ສົມກັບຄຳວ່າ: ຊາວໜຸ່ມເປັນແຂນຂວາຂອງພັກ, ເປັນກະດູກສັນ ຫຼັງຂອງປະເທດຊາດ,ຊາວໜຸ່ມຈົ່ງນຳໜ້າປະຈັນບານເຂົ້າໃນທຸກໜ້າທີ່ວຽກງານໃຫ້ສົມກັບປະທານ ໄກສອນ ພົມວິຫານ ເຄີຍໄດ້ໃຫ້ສັນຍານາມໄວ້ວ່າ: ຊາວໜຸ່ມຈົ່ງເປັນດັ່ງນົກອິນຊີ ທີ່ບໍ່ຫວັ່ນກົວຕໍ່ພາຍຸລົມແດງ ຈົ່ງກາຍເປັນສິນໄຊແຫ່ງຍຸກສະໄໝຂອງພວກເຮົາ, ອິນຊີທັງຫຼາຍຈົ່ງບິນໃຫ້ສູງບິນໄປໃຫ້ໄກແສນໄກໃຕ້ທ້ອງຟ້າສີຄາມຂອງປະເທດຊາດ ແລະ ນຳເອົາອະນາຄົດອັນສົດໃສມາໃຫ້ແກ່ຄົນຮຸ່ນໜຸ່ມພວກເຮົາ ເພື່ອພາລະກິດປົກປັກຮັກສາ ແລະ ພັດທະນາປະເທດຊາດ ຊາວໜຸ່ມລາວອາດຫານກ້າວຂຶ້ນ. (ຂ່າວ: ສຳນານ)