ກຊສ ຫວນຄືນວັນສ້າງຕັ້ງພັກ ຄົບຮອບ 64 ປີ


...

08.04.2019 8:46     

   ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ (ກຊສ) ໄດ້ຈັດພິທີຫວນຄືນມູນເຊື້ອຂອງວັນສ້າງຕັ້ງພັກ ປະຊາຊົນ ປະຕິວັດລາວ ຄົບ ຮອບ 64 ປີ (22/3/1955-22/ 3/2019), ໃນວັນທີ 4 ເມສາ ຜ່ານມາ ທີ່ ກຊສ ໃຫ້ກຽດບັນລະຍາຍເອກະສານໂດຍ ສະຫາຍ ກິແກ້ວ ໄຂຄຳພິທູນ ຄະນະເລ ຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ, ໂດຍມີ ສະຫາຍ ສົມມາດ ພົນເສນາ ກຳມະການສູນກາງພັກ ເລຂາຄະນະພັກກະຊວງ, ລັດຖະມົນຕີ ກຊສ, ມີຮອງລັດຖະມົນຕີ ຕະຫຼອດຮອດພະ ນັກງານ-ລັດຖະກອນເຂົ້າຮ່ວມຮັບຟັງ.ຈຸດປະສົງ ໃນການປາຖະ ກະຖາ ເພື່ອໃຫ້ບັນດາພະນັກງານ-ລັດຖະກອນ, ສະມາຊິກພັກ, ພະນັກງານຫຼັກແຫຼ່ງພາຍໃນ ກຊສ ໄດ້ຮັບຮູ້, ເຂົ້າໃຈ, ກຳ ແໜ້ນມູນເຊື້ອວັນປະຫວັດສາດ ສຳຄັນໃຫ້ເລິກເຊິ່ງ ແລະ ກວ້າງ ຂວາງຂອງການກຳເນີດ ພັກ ປະຊາຊົນ ປະຕິວັດລາວ; ຜົນສຳເລັດແຫ່ງການຊີ້ນຳໆພາຂອງພັກ ປະຊາຊົນ ປະຕິວັດລາວ; ເສີມຂະຫຍາຍມູນເຊື້ອຂອງພັກ ປະຊາຊົນ ປະຕິວັດລາວ.
ສະຫາຍ ກິແກ້ວ ໄຂຄຳພິທູນ ໄດ້ຍົກໃຫ້ຮູ້ວ່າ: ພາຍຫຼັງພັກປະຊາຊົນປະຕິວັດລາວ ໄດ້ຮັບການສ້າງຕັ້ງຂຶ້ນກໍໄດ້ປະ ເຊີນໜ້າກັບຈັກກະພັດອາເມຣິ ກາ ຊຶ່ງເປັນຈັກກະພັດໂຕໃໝ່ ແຕ່ພັກເຮົາກໍໄດ້ແບກຫາບເອົາພາລະກໍາອັນໜັກໜ່ວງ ເພື່ອຊີ້ນຳໆພາປວງຊົນລາວທັງຊາດ ຕໍ່ສູ້ຕ້ານການຮຸກຮານຂອງຈັກ ກະພັດ ແລະ ລູກມືປະຕິການ ຂາຍຊາດຢ່າງດຸເດືອດຂ້ຽວ ຂາດ ຈົນກ້າວໄປເຖິງການປົດປ່ອຍປະເທດຊາດຢ່າງສົມບູນ ແລະ ພັດທະນາຢ່າງມີໝາກ ຜົນເປັນແຕ່ລະໄລຍະຄື: ໄລຍະຕໍ່ສູ້ປົດປ່ອຍຊາດ, ໄລຍະປົກ ປັກຮັກສາ ແລະ ສ້າງສາປະ ເທດຊາດ ແລະ ໄລຍະຈັດຕັ້ງປະຕິບັດແນວທາງປ່ຽນແປງ ໃໝ່. ຊຶ່ງໃນໄລຍະນີ້, ສປປ ລາວ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ເສດຖະກິດແຫ່ງຊາດຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນໄດ້ຮັບການປັບປຸງ ແລະ ຍົກສູງຂຶ້ນລື່ນແຕ່ກ່ອນຢ່າງຈະແຈ້ງ. ອັນພົ້ນເດັ່ນ ແມ່ນຍອດຜະລິດຕະພັນພາຍໃນໄດ້ເພີ່ມຂຶ້ນເປັນແຕ່ລະໄລຍະ, ຊຶ່ງສະແດງໃຫ້ເຫັນວ່າ ພັກໄດ້ເອົາໃຈໃສ່ຕໍ່ການພັດທະນາແຕ່ລະດ້ານໄດ້ຮັບການຈັດຕັ້ງປະຕິບັດຢ່າງແຂງແຮງ ເປັນຕົ້ນດ້ານການກະສິກໍາ, ດ້ານຄົມມະນາຄົມ-ຂົນສົ່ງ, ດ້ານພະລັງງານ-ບໍ່ແຮ່, ດ້ານການສຶກສາ, ດ້ານຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແລະ ດ້ານອື່ນໆ ກໍໄດ້ຮັບການພັດທະນາໃຫ້ດີຂຶ້ນເປັນກ້າວໆ. (ຂ່າວ: ແສງຈັນ)