ກອງປະຊຸມວຽກງານກວດກາທະນາຄານ ແຫ່ງ ສປປ ລາວ


...

10.04.2019 9:18     

   ກອງປະຊຸມວຽກງານກວດ ກາ ທະນາຄານແຫ່ງ ສປປ ລາວ ປະຈຳປີ 2018 ໄດ້ຈັດຂຶ້ນໃນລະຫວ່າງວັນທີ 89 ເມສາ ນີ້ ຢູ່ທີ່ສະໂມສອນໃຫຍ່ສະຖາບັນການທະນາຄານ , ໂດຍພາຍໃຕ້ການເປັນປະທານຂອງ ສະຫາຍ ສອນໄຊ ສິດພະໄຊ ກໍາມະການສຳຮອງສູນກາງພັກ ເລຂາຄະນະພັກ ຜູ້ວ່າການທະນາ ຄານແຫ່ງ ສປປ ລາວ; ຊຶ່ງມີບັນ ດາສະຫາຍຄະນະປະຈຳພັກ, ຄະນະພັກ, ເລຂາໜ່ວຍພັກ, ເລຂາຄະນະພັກຮາກຖານ, ຄະນະກວດກາພັກ, ປະທານກວດກາຄະນະພັກຮາກຖານ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ກອງປະຊຸມ ໄດ້ຜ່ານຮ່າງບົດສະຫຼຸບການເຄື່ອນໄຫວວຽກງານກວດກາ ທະນາຄານແຫ່ງ ສປປ ລາວ ປະຈຳປີ 2018 ແລະທິດທາງແຜນການ ປີ 2019 ຊຶ່ງເປັນການສະຫຼຸບຕີລາຄາການ ເຄື່ອນໄຫວວຽກງານກວດກາພັກລັດ ຢ່າງຮອບດ້ານ ແລະພາວະວິໄສ ເພື່ອຍົກໃຫ້ເຫັນດ້ານດີທີ່ຄວນເສີມຂະຫຍາຍກ່ຽວກັບການຊີ້ນຳນຳພາ ແລະດ້ານອ່ອນຂໍ້ຄົງຄ້າງ ທີ່ຕ້ອງຮີບຮ້ອນເອົາໃຈໃສ່ປັບປຸງແກ້ໄຂໃຫ້ມີການຫັນປ່ຽນທີ່ຕັ້ງໜ້າຕໍ່ກັບວຽກງານຕິດຕາມກວດກາກ່ຽວກັບການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່, ບັນດາມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງ ພັກ, ກົດໝາຍຂອງລັດ ແລະ ຄວາມເປັນແບບຢ່າງນໍາໜ້າ ຂອງບຸກ ຄົນ, ສະມາຊິກພັກທີ່ຂຶ້ນກັບອົງ ຄະນະພັກ ທຫລ ເພື່ອເປັນການສະກັດກັ້ນ ແລະຕີຖອຍປະກົດການຫຍໍ້ທໍ້ທີ່ອາດຈະເກີດຂຶ້ນ. ນອກຈາກນັ້ນ, ກອງປະຊຸມ ຍັງໄດ້ຮັບຟັງການເຜີຍແຜ່ບົດສະ ຫຼຸບຕີລາ ຄາການເຄື່ອນໄຫວວຽກງານກວດກາທົ່ວປະເທດ ປະຈໍາປີ 2018 ແລະ ທິດທາງແຜນການ ປີ 2019 ຂອງຄະນະກວດກາສູນກາງພັກ, ບົດໂອ້ລົມຂອງ ສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ ຄະນະເລຂາທິການ ສູນກາງພັກ ຮອງນາຍົກລັດຖະມົນຕີ ປະທານຄະນະກວດກາສູນກາງພັກ ປະທານອົງການກວດກາລັດຖະບານ ແລະ ຫົວ ໜ້າອົງການຕ້ານການສໍ້ລາດບັງຫຼວງຂັ້ນສູນກາງ ຕໍ່ກອງປະຊຸມວຽກງານກວດກາທົ່ວ ປະເທດ ປະຈໍາປີ 2018 ເພື່ອ ເປັນທິດທາງໃຫ້ຄະນະພັກ ຄະນະນໍາ ແຕ່ລະຂັ້ນຂອງທະ ນາຄານແຫ່ງ ສປປ ລາວ ໃນ ການຊີ້ນຳນໍາພາ ທີ່ຢູ່ໃນຄວາມຮັບຜິດຊອບຂອງຕົນໃຫ້ສອດ ຄ່ອງກັບແນວທາງນະໂຍບາຍ, ມະຕິ, ຄໍາສັ່ງ, ຂໍ້ກຳນົດ, ກົດລະບຽບຂອງພັກ ລັດ ໄດ້ວາງອອກ. ພ້ອມນີ້, ຍັງໄດ້ຮັບຟັງການເຜີຍແຜ່ເອກະສານສຳຄັນຈຳນວນໜຶ່ງ ແລະການປະກອບຄຳເຫັນຈາກບັນດາຜູ້ແທນເຂົ້າຮ່ວມກອງປະຊຸມ ທີ່ຕິດພັນກັບວຽກງານກວດກາ ແລະ ການ ຈັດຕັ້ງປະຕິບັດວຽກງານວິຊາສະເພາະຂອງຕົນ ເພື່ອເຮັດໃຫ້ການເຄື່ອນໄຫວວຽກງານຕົວຈິງຢູ່ແຕ່ລະຂັ້ນ, ແຕ່ລະພາກສ່ວນໄດ້ຮັບການຈັດຕັ້ງປະຕິບັດຢ່າງມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າໃນຕໍ່ໜ້າ. (ຂ່າວ: ທະນາຄານ ແຫ່ງ ສປປ ລາວ)