ທຸກຄົນຈົ່ງພ້ອມກັນເປັນເຈົ້າການສະຫຼອງ ປີໃໝ່ລາວ


...

10.04.2019 9:19     

   ທ່ານ ພັນໂທ ກົງສີ ສຸວັນ ນະຕຸ້ມ ຫົວໜ້າກົມຕຳຫຼວດຈະລາຈອນ ກະຊວງປ້ອງກັນຄວາມສະຫງົບ (ປກສ) ໄດ້ຖະແຫຼງຂ່າວກ່ຽວກັບການກຽມຄວາມພ້ອມໃນໄລຍະສະ ເຫຼີມສະຫຼອງສົ່ງທ້າຍປີເກົ່າ ຕ້ອນ ຮັບປີໃໝ່ລາວ ພສ 2562 ຕໍ່ສື່ມວນຊົນ ເມື່ອວັນທີ 6 ເມສາຜ່ານມາ ທີ່ກົມຕຳຫຼວດຈະລາຈອນ. ກ່ອນອື່ນທ່ານ ພັນໂທ ກົງສີ ສຸວັນນະຕຸ້ມ ໄດ້ຍົກໃຫ້ເຫັນສະພາບການສັນຈອນ ແລະ ອຸບັດເຫດຂອງ ປີຜ່ານ ມາ ເປັນຕົ້ນໃນປີ 2018 ຜ່ານມາມີອຸບັດເຫດເກີດຂຶ້ນໃນທົ່ວປະ ເທດ ຈຳນວນ 5.984 ລາຍ, ພາ ຫະນະເປ່ເພ ຈຳນວນ 10.580 ຄັນ, ຄົນໄດ້ຮັບບາດເຈັບ ຈຳ ນວນ 9.372 ຄົນ, ຄົນເສຍຊີວິດ ຈຳນວນ 995 ຄົນ ສະເພາະປີໃໝ່ລາວ ພສ 2561 ມີອຸບັດເຫດເກີດຂຶ້ນ 287 ລາຍ, ພາຫະນະເປ່ເພ ຈຳນວນ 490 ຄັນ, ຄົນໄດ້ຮັບບາດເຈັບຈຳນວນ 528 ຄົນ, ຄົນເສຍຊີວິດ ຈຳນວນ 39 ຄົນ ຍິງ 6 ຄົນ, ທ່ານກ່າວຕື່ມວ່າ: ເພື່ອເຮັດໃຫ້ການສະເຫຼີມສະ ຫຼອງສົ່ງທ້າຍປີເກົ່າຕ້ອນຮັບ ປີໃໝ່ລາວ ພສ 2562 ມີຄວາມສະຫງົບປອດໄພ, ມີບັນຍາ ກາດເບີກບານມ່ວນຊື່ນ ແລະ ປາສະຈາກໄດ້ຜົນເສຍຫາຍ ທາງສຸຂະພາບ, ຊີວິດ ແລະ ຊັບ ສິນທີ່ເກີດຈາກອຸບັດເຫດຈະລາ ຈອນທາງບົກ,ເພື່ອຊຸກຍູ້ແນະ ນຳຜູ້ໃຊ້ລົດໃຊ້ຖະໜົນຍົກສູງສະຕິເຄົາລົບກົດຈະລາຈອນຢ່າງເຂັ້ມງວດ, ມີສ່ວນຮ່ວມເປັນເຈົ້າການໃນວຽກງານປ້ອງກັນ, ສະກັດກັ້ນ ແລະ ສະພາບ ການສັນຈອນຕາມເສັ້ນທາງບົກໃນໄລຍະສະເຫຼີມສະຫຼອງປີໃໝ່ລາວ ພສ 2562 ຢູ່ທົ່ວປະເທດຮັບປະກັນໄດ້ຄວາມສະຫງົບ, ຄວາມເປັນລະບຽບຮຽບຮ້ອຍປອດໄພໃນການສັນ ຈອນ,ເພື່ອປ້ອງກັນ, ສະກັດກັ້ນຄວາມຮຸນແຮງ ແລະ ຫຼຸດຜ່ອນຜົນເສຍຫາຍຈາກການເກີດອຸ ບັດເຫດ ໃນໄລຍະສະເຫຼີມສະ ຫຼອງປີໃໝ່ລາວໃຫ້ຫຼຸດໜ້ອຍຖອຍລົງເທື່ອລະກ້າວ, ເພື່ອຊອກຮູ້ສາເຫດ, ເງື່ອນໄຂຂອງການລະເມີດກົດຈະລາຈອນທີ່ພາໃຫ້ເກີດອຸບັດເຫດ ເພື່ອນຳໄປຄົ້ນຄວ້າ ແລະ ວາງແຜນປ້ອງກັນ, ສະກັດກັ້ນໃນປີຕໍ່ ໜ້າ ສຳລັບເນື້ອໃນວຽກຈຸດສຸມ ແມ່ນໄດ້ອອກແຈ້ງການເຖິງພໍ່ແມ່ປະຊາຊົນ, ພະນັກງານ, ທະ ຫານ, ຕຳຫຼວດ ແລະ ຜູ້ໃຊ້ລົດ ໃຊ້ຖະໜົນໃນນາມກົມຕຳ ຫຼວດຈະລາຈອນກ່ຽວກັບການປ້ອງກັນ, ສະກັດກັ້ນອຸບັດເຫດໃນໄລຍະຫຼິ້ນບຸນປີໃໝ່ລາວ ພສ 2562, ຄຳແນະນຳໃນນາມ ກົມໃຫຍ່ຕຳຫຼວດ, ກະຊວງ ປກສ ສະບັບເລກທີ 05/ຕຫຼ, ລົງວັນທີ 1 ເມສາ 2019 ກ່ຽວກັບການ ເພີ່ມທະວີວຽກງານ ປ້ອງກັນ ແລະ ຈັດສັນຄວາມເປັນລະບຽບຮຽບຮ້ອຍໃນການສັນຈອນໄລຍະສະ ຫຼອງສົ່ງທ້າຍປີເກົ່າຕ້ອນຮັບ ປີໃໝ່ລາວ ພສ 2562, ຈັດຕັ້ງຈຸປະຈຳການຄອຍເຫດຢູ່ກົມຕຳ ຫຼວດຈະລາຈອນຕະຫຼອດ 24 ຊົ່ວໂມງ ເພື່ອຕິດຕາມ ແລະ ແກ້ໄຂຂໍ້ມູນອຸບັດເຫດ, ຈັດຕັ້ງກຳ ລັງອອກກວດກາເກັບຄວາມໄວ ແລະ ກວດທາດເຫຼົ້າຕາມກົດ ໝາຍວ່າດ້ວຍທາງຫຼວງ ແລະ ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸບັດເຫດ ແລະ ການຮັກສາຄວາມປອດໄພຕາມຖະ ໜົນທົ່ວນະຄອນຫຼວງວຽງຈັນ ສະບັບເລກທີ 1323/ຈນວ, ລົງວັນທີ 21 ທັນວາ 2018 ທີ່ໄດ້ກຳນົດມີ 3 ຈຸດຄື: ຈຸດພາກເໜືອແມ່ນເຂດ ກາສີວັງວຽງ ແລະ ຈຸດພາກກາງແມ່ນເຂດ ບໍລິຄຳໄຊຄຳມ່ວນ, ຈຸດພາກໃຕ້ ແມ່ນເຂດ ສາລະວັນຈຳປາສັກ, ແຕ່ງຕັ້ງຄະນະຮັບຜິດຊອບ ຊຶ່ງປະ ກອບມີ: ຄະນະກົມ ແລະ ວິຊາການລົງຊຸກຍູ້ກວດ ກາການປ້ອງກັນປີໃໝ່ຢູ່ບັນດາແຂວງ ແລະ ໃນໄລຍະສະເຫຼີມສະຫຼອງສົ່ງທ້າຍປີເກົ່າ ແລະ ຕ້ອນຮັບປີໃໝ່ລາວ ພສ 2562 ບັນດາຜູ້ຂັບຂີ່ ກ່ອນນຳໃຊ້ລົດຕ້ອງກວດກາສະພາບເຕັກນິກ ແລະ ຄວາມພ້ອມຂອງລົດໃຫ້ຮັບປະກັນຄວາມປອດໄພເປັນຢ່າງດີ, ຫ້າມນຳໃຊ້ລົດກະບະບັນທຸກຜູ້ໂດຍສານໃສ່ກະບະ ຫຼື ນັ່ງຝາທ້າຍລົດຢ່າງເດັດຂາດ, ຜູ້ດື່ມສິ່ງມຶນເມົາຫ້າມຂັບລົດຢ່າງເດັດຂາດ, ຫ້າມເອົາຖັງນຳ້ໃສ່ລົດຫົດ ຫຼື ສາດໃສ່ກັນຕາມເສັ້ນ ທາງ, ຫ້າມຫຼິ້ນນຳ້ຢູ່ເສັ້ນທາງ, ຫ້າມຂີ່ລົດຈັກເປັນພຶງເປັນແພ ແລະ ແຂ່ງຂັນຕາມເສັ້ນທາງ, ຫ້າມເອົານຳ້ ແລະ ນຳ້ກ້ອນ ໃສ່ຖົ່ງຢາງແລ້ວແກ່ວງໃສ່ກັນ, ຜູ້ຂັບ ແລະ ຜູ້ຊ້ອນທ້າຍຕ້ອງໃສ່ໝວກກັນກະທົບ, ຫ້າມຜູ້ປົກຄອງປ່ອຍເດັກທີ່ມີອາຍຸ ບໍ່ເຖິງກະສຽນຂັບຂີ່ລົດຈັກ ແລະ ອື່ນໆ. (ຂ່າວ: ສຳນານ)