ສະຖານທູດໄທ ຈັດງານສົງການ ໄທ-ປີໃໝ່ລາວ


...

11.04.2019 9:21     

   ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດ ແຫ່ງຣາຊະອານາຈັກໄທ ປະຈຳ ສປປ ລາວ ພ້ອມພັນລະຍາໄດ້ ຈັດງານສົງການໄທ-ປີໃໝ່ລາວ ພສ 2562 ຂຶ້ນທີ່ສະຖານເອກອັກຄະຣາຊະທູດໄທ ເມື່ອວັນທີ 9 ເມສາ ຜ່ານມາ ໂດຍໃຫ້ກຽດເຂົ້າຮ່ວມຂອງທ່ານ ສິນລະວົງ ຄຸດໄພທູນເຈົ້າຄອງນະຄອນຫຼວງວຽງຈັນ, ທ່ານ ຫຽມ ພົມມະຈັນ ປະທານສະ ມາຄົມລາວ-ໄທ ເພື່ອມິດຕະ ພາບ ພ້ອມດ້ວຍບັນດາລັດ ຖະມົນຕີ, ຮອງລັດຖະມົນຕີ, ທູຕານຸທູດຕ່າງປະເທດປະຈຳ ສປປ ລາວ ແລະ ແຂກຖືກເຊີນທັງລາວ ແລະ ໄທ ເຂົ້າຮ່ວມ ຢ່າງຫຼວງຫຼາຍ.ກິດຈະກຳພາຍໃນງານປະ ກອບດ້ວຍພິທີບາສີສູ່ຂວັນ, ການຫົດນ້ຳຂໍພອນຜູ້ໃຫຍ່, ຫົດ ສົງພຣະພຸດທະຮູບ ການສະ ແດງສິລະປະຮ່ວມ ລະຫວ່າງຄະນະນັກສະແດງຈາກສະຖາ ບັນ ບັນດິດພັດທະນາສິນ ແລະ ວິທະຍາໄລສິລະປະສຶກສາ ສປປ ລາວ ລວມທັງມີການ ເສບບັນເລງດົນຕີຮ່ວມສະໄໝ ໄທ-ລາວ ຈາກວົງດົນຕີ ທັງສອງ ປະເທດລວມທັງການຈັດສະ ແດງຂໍ້ມູນສົ່ງເສີມການທ່ອງ ທ່ຽວໄທ ແລະ ການເປັນປະທານອາຊຽນຂອງໄທໃນປີນີ້ ພາຍໃຕ້ແນວຄິດ "ຮ່ວມມືຮ່ວມໃຈ ກ້າວໄກຍືນຍົງ". ການຈັດງານໄດ້ດຳເນີນໄປດ້ວຍ ບັນຍາກາດທີ່ອົບອຸ່ນ, ມີສີສັນມ່ວນຊື່ນ ແລະ ໃນຂະນະດຽວກັນກໍເປັນການສືບທອດວັດທະນະທຳປະເພນີອັນດີງາມຂອງທັງສອງຊາດ ລາວ ແລະ ໄທ ແລະ ສະທ້ອນໃຫ້ ເຫັນເຖິງຄວາມສາມັກຄີຂອງ ປະຊາຊົນທັງສອງປະເທດ.