ຄົ້ນຄວ້າຮ່າງມະຕິຄະນະບໍລິຫານງານສູນກາງພັກ ຕໍ່ວຽກງານວັດທະນະທຳ


...

11.04.2019 9:22     

   ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມຜ່ານຮ່າງມະຕິຂອງຄະນະບໍລິຫານງານສູນກາງພັກປະຊາຊົນປະ ຕິວັດລາວ ກ່ຽວກັບການເພີ່ມ ທະວີການນຳພາຂອງພັກ ຕໍ່ ວຽກງານວັດທະນະທຳ ໃນໄລ ຍະໃໝ່ ເມື່ອວັນທີ 10 ເມສານີ້ ທີ່ຫໍວັດທະນະທຳແຫ່ງຊາດ ໂດຍ ການເປັນປະທານຂອງທ່ານ ບໍ່ແສງຄຳ ວົງດາລາ ລັດຖະມົນ ຕີກະຊວງ ຖວທ, ມີຮອງລັດຖະ ມົນຕີ, ບັນດາຫົວໜ້າກົມຮອງກົມເຂົ້າຮ່ວມ. ທ່ານ ບໍ່ແສງຄຳ ວົງດາລາ ກ່າວເປີດກອງປະຊຸມວ່າ: ກອງປະຊຸມຄັ້ງນີ້ ໄດ້ເຊີນເອົາຄະນະນຳ ແລະ ຜູ້ຕາງ ໜ້າຈາກຫຼາຍພາກສ່ວນທີ່ກ່ຽວ ຂ້ອງລວມ ທັງພະນັກງານພາຍໃນກະຊວງ ຖວທ ຈຳນວນ 17 ກົມກອງເຂົ້າຮ່ວມ ເພື່ອພ້ອມກັນຄົ້ນຄ້ວາ, ປຶກສາຫາລື ແລະ ປະກອບຄຳຄິດຄຳເຫັນຢ່າງກົງໄປກົງມາ ແລະ ວິທະຍາສາດ ຕໍ່ຮ່າງມະຕິດັ່ງກ່າວໃຫ້ມີເນື້ອໃນສົມບູນ, ກະທັດຮັດ, ຄົບຖ້ວນ, ຖືກຕ້ອງສອດຄ່ອງກັບສະພາບຄວາມເປັນຈິງໃນຍຸກສະໄໝໃໝ່ ຊຶ່ງເປັນມະຕິທີ່ກວມລວມຮອບດ້ານຂອງພັກໃນການຄຸ້ມຄອງລັດ, ຄຸ້ມຄອງສັງຄົມທາງດ້ານວັດທະນະທຳໃຫ້ໄດ້ຮັບການປັບປຸງດີຂຶ້ນ, ຍູ້ແຮງການພັດທະນາ, ອະນຸ ລັກສົ່ງເສີມ ແລະ ເຜີຍແຜ່ວຽກ ງານວັດທະນະທຳຂອງຊາດໃຫ້ຖືກຕ້ອງຕາມແນວທາງ ຂອງພັກ, ກົດໝາຍຂອງລັດ, ມີລັກຊະນະຊາດ, ກ້າວໜ້າ ແລະ ມະຫາຊົນສາມາດເຊື່ອມໂຍງແລກປ່ຽນກັບວັດທະນະທຳຂອງສາກົນນັບມື້ນັບກວ້າງ ຂວາງຍິ່ງໆຂຶ້ນເທື່ອລະກ້າວ, ທ່ານກ່າວຕື່ມວ່າ: ເພື່ອໃຫ້ບັນລຸຕາມຈຸດປະສົງຄາດໝາຍຮຽກ ຮ້ອງບັນດາສະຫາຍ ຈົ່ງພ້ອມກັນຍົກສູງຄວາມຮັບຜິດຊອບ, ສຸມສະຕິປັນຍາຄົ້ນຄ້ວາປະ ກອບຄຳຄິດຄຳເຫັນຢ່າງກົງໄປກົງມາ, ພາວະວິໃສ, ສ່ອງແສງເຖິງຄວາມສະພາບເປັນຈິງໃນໄລຍະໃໝ່. ກອງປະຊຸມຄັ້ງນີ້ ບັນດາຜູ້ເຂົ້າຮ່ວມໄດ້ຮັບຟັງການສະ ເໜີກ່ຽວກັບການສ້າງຮ່າງມະຕິຂອງຄະນະບໍລິຫານງານສູນກາງພັກ ປະຊາຊົນ ປະຕິວັດ ລາວ ກ່ຽວກັບການເພີ່ມທະວີການນຳພາຂອງພັກຕໍ່ວຽກງານວັດທະນະທຳ ໃນໄລຍະໃໝ່ສະ ເໜີໂດຍ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖ ວທ ຈາກນັ້ນ ບັນດາຜູ້ເຂົ້າຮ່ວມໄດ້ພ້ອມກັນປະກອບຄຳຄິດຄຳເຫັນ ໃນຮ່າງມະຕິດັ່ງກ່າວ ແນ ໃສ່ ເພື່ອກ້າວໄປໃນການຈັດຕັ້ງປະຕິບັດໃຫ້ມີຜົນສຳເລັດດີຂຶ້ນເປັນກ້າວໆ. (ຂ່າວ: ສຳນານ)