ນະຄອນຫຼວງ ເພີ່ມມາດຕະການຮັກສາ ຄວາມປອດໄພໄລຍະປີໃໝ່


...

12.04.2019 11:43     

   ພະແນກຈະລາຈອນ ນະ ຄອນຫຼວງວຽງຈັນໄດ້ຈັດກອງປະຊຸມຜ່ານແຜນປ້ອງກັນມາດຕະການຮັກສາຄວາມປອດໄພຕາມຖະໜົນໃນໄລຍະບຸນປີໃໝ່ລາວ ປີ 2019 ຂຶ້ນເມື່ອວັນທີ 9 ເມສາຜ່ານມານີ້ ທີ່ຫ້ອງຕຳຫຼວດ ປກສ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ພັນເອກ ທົງສະຫວັດ ຫຼວງຈັນດາວົງ ຄະນະພັກ ຮອງກອງບັນຊາການ ປກສ ນະຄອນ ຫຼວງວຽງຈັນ, ທ່ານ ພັນໂທ ຄຳສອນ ສີດາວົງ ຮອງຫົວໝ້າກົມຈະລາຈອນ, ມີຄະນະພະແນກ,ກອງຈະລາຈອນ 9 ເມືອງ ແລະ 6 ກອງວິຊາສະເພາະເຂົ້າຮ່ວມ. ທ່ານ ເພັງສະຫວັນ ທຳມາບູນ ຫົວໝ້າພະແນກຈະລາຈອນ ນະຄອນຫຼວງວຽງຈັນ ຂຶ້ນຜ່ານແຜນປ້ອງກັນບຸນປີໃໝ່ລາວ 2019 ວ່າ: ເພື່ອເຮັດໃຫ້ການສະເຫຼີມສະຫຼອງບຸນກຸດສົງການປີໃໝ່ລາວ ປະຈຳປີ 2019ດຳເນີນໄປດ້ວຍບັນຍາກາດເບີກບານມ່ວນຊື່ນແຫ່ງຄວາມ ສະຫງົບ,ມີຄວາມເປັນລະບຽບຮຽບຮ້ອຍ, ຢືນຢັນເຖິງ ຄວາມມີສະຖຽນລະພາບທາງການ ເມືອງຢູ່ ສປປ ລາວ ຢ່າງໜັກ ແໜ້ນ, ແນໃສ່ປັບປຸງ, ຍົກລະ ດັບແບບແຜນວິທີເຮັດວຽກ, ຂອດປະສານງານສົມທົບຂອງ ບັນດາເຫຼົ່າຮົບວິຊາສະເພາະໃຫ້ມີລັກສະນະວິທະຍາສາດ, ສະແດງຄວາມເກັ່ງກ້າສາມາດຂອງກຳລັງປ້ອງກັນຄວາມສະ ຫງົບ, ຊຸກຍູ້ກຳລັງຢ່າງເປັນປົກກະຕິຕໍ່ເນື່ອງ, ເພີ່ມທະວີຄວາມຮັບຜີດຊອບຕໍ່ໜ້າທີ່ການເມືອງແຂ່ງຂັນກັນເຮັດສຳເລັດໜ້າທີ່, ເຮັດໃຫ້ການຫຼິ້ນບຸນກຸດສົງການປີໃໝ່ລາວ ປີນີ້ມີຄວາມເບີກບານມ່ວນ ຊື່ນ ແລະ ເປັນສິ່ງປະທັບໃຈ ເພື່ອດຶງດູດນັກທ່ອງທ່ຽວພາຍ ໃນ ແລະ ຕ່າງປະເທດຫຼັ່ງໄຫຼເຂົ້າມາທ່ງວຊົມປະເພນີຂອງ ຊາດລາວເຮົາໃຫ້ຫຼາຍຂຶ້ນ, ສຳລັບກຳລັງເຂົ້າປ້ອງກັນ ບຸນປີໃໝ່ລາວ ພສ 2562 ມີທັງໝົດ 588 ສະຫາຍ, ຍິງ 33 ສະຫາຍ,ແຜນບັນຈຸກຳລັງປ້ອງກັນໃສ່ບັນຈຸຕົວຈິງ ປະກອບມີຈຸດກວດກາຄົງທີ່ ຢູ່ເສັ້ນທາງ 13 ໃຕ້, ເສັ້ນທາງ 13 ເໜືອ, ເສັ້ນທາງເລກ 11, ຈຸ ປະຈຳການກວດກາສາຍທາງ, ກຳລັງປະຈຳຢູ່ຈຸດຄິວລົດສາຍໃຕ້ ແລະ ສາຍເໜືອ, ກຳລັງ ປະຈຳຈຸດສາມແຍກ, ສີ່ແຍກ ແລະ ປະຈຳປ້ອມ,ຈຸງານໂຄ ສະນາສຶກສາອົບຮົມຕາມ ເສັ້ນທາງສາມແຍກ ແລະ ສີ່ແຍກ, ຈຸປະຈຳການຄອຍເຫດແກ້ໄຂສະພາບຂອງພະແນກ ຈະລາຈອນ, ຈຸດປ້ອງກັນບັນ ດາກອງຈະລາຈອນເມືອງທົ່ວ ນະຄອນຫຼວງວຽງຈັນ, ຈຸປະ ຈຳການຢູ່ສາງອຸບັດເຫດ C2,ຈຸງານຂັບລົດຂົນສົ່ງກຳລັງ ແລະ ຮັບໃຊ້ວຽກງານບໍລິຫານ, ຈຸດປ້ອງກັນມີທັງໝົດ 32 ຈຸດ, ປ້ອມປະຈຳການ 54 ປ້ອມ ແລະ ຈຸດເຂົ້າ-ອອກ 4 ຈຸດ ໃນໂອກາດດັ່ງກ່າວບັນດາຜູ້ເຂົ້າຮ່ວມໄດ້ຮັບຟັງຄຳສັ່ງແນະນຳ ແລະ ແຈ້ງການ ແລະ ຂໍ້ຕົກລົງວ່າດ້ວຍມາດຕະການຫຼຸດຜ່ອນອຸບັດເຫດ ແລະ ການຮັກສາຄວາມປອດໄພຕາມຖະໜົນທົ່ວນະຄອນຫຼວງວຽງຈັນຕື່ມອີກ. (ຂ່າວ:ສຳນານ)