ປີ 2018 ບັນດາທະນາຄານທຸລະກິດ ໄຊຍະບູລີ ລະດົມເງິນຝາກ


...

03.05.2019 9:20     

   ກອງປະຊຸມພົບປະລະ ຫວ່າງ ທະນາຄານທຸລະກິດ ກັບ ຜູ້ປະກອບການ, ທຸລະກິດ ຄັ້ງທີ I ໄດ້ຈັດຂຶ້ນໃນວັນທີ 2 ພຶດສະພາ ທີ່ສະໂມສອນ ຫ້ອງວ່າການແຂວງ ໄຊຍະບູລີ, ໃຫ້ກຽດເຂົ້າຮ່ວມເປັນປະທານໂດຍ ທ່ານ ພົງສະຫວັນ ສິດທະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງ ໄຊຍະບູລີ, ມີທ່ານ ສອນໄຊ ສິດພະໄຊ ກໍາມະການສໍາຮອງສູນກາງພັກ ຜູ້ວ່າການທະນາຄານແຫ່ງ ສປປ ລາວ, ມີບັນດາທ່ານຜູ້ອໍານວຍການໃຫຍ່ທະນາຄານທຸລະກິດ, ມີຫົວໜ້າ-ຮອງຫົວໜ້າພະແນກການ, ກົມກອງອ້ອມຂ້າງແຂວງ, ມີເຈົ້າເມືອງ 11 ເມືອງ ຕະຫຼອດເຖິງ ສາຂາທະນາຄານທຸລະກິດ, ຜູ້ປະກອບການ ທົ່ວແຂວງເຂົ້າຮ່ວມ.
    ໃນວາລະດໍາເນີນກອງປະ ຊຸມ, ທ່ານ ປີຊາ ພົມສີ ຕາງໜ້າໃຫ້ທະນາຄານກຸ່ມທຸລະກິດຂັ້ນແຂວງ ໄດ້ສະເໜີຮ່າງບົດສະຫຼຸບຕີລາຄາການຈັດຕັ້ງປະຕິບັດ ວຽກງານທະນາຄານທຸລະກິດ ປະຈໍາປີ 2018 ແລະ ທິດທາງແຜນການປີ 2019 ວ່າ: ປັດຈຸບັນແຂວງໄຊຍະບູລີມີທະນາຄານທຸລະກິດທັງໝົດ 3 ສາຂາ, ມີ 21 ໜ່ວຍບໍລິການຄື: ສາຂາທະນາຄານການຄ້າມະຫາຊົນມີ 4 ໜ່ວຍບໍລິການ, ສາຂາທະນາຄານພັດທະນາລາວມີ 5 ໜ່ວຍບໍລິການ, ສາຂາທະນາຄານສົ່ງເສີມກະສິກໍາມີ 8 ໜ່ວຍບໍລິການ ແລະ ໜ່ວຍບໍລິການທະນາຄານນະໂຍບາຍມີ 4 ແຫ່ງ, ໃນ 1 ປີຜ່ານມາບັນ ດາທະນາຄານທຸລະກິດທົ່ວ ແຂວງສາມາດລະດົມເງິນຝາກ ໄດ້ທັງໝົດ 1.200 ຕື້ກີບ,ໃນ ນີ້ສາຂາທະນາຄານການຄ້າ ມະຫາຊົນ ກວມ 52%, ສາຂາທະນາຄານພັດທະນາລາວ ກວມ 25%, ສາຂາທະ ນາຄານສົ່ງເສີມກະສິກໍາ ກວມ 23%, ອົງປະກອບເງິນຝາກມີ: ເງິນຝາກປະຈໍາ 554 ຕື້ກີບ, ກວມ 46%, ເງິນຝາກປະຢັດ 486 ຕື້ກີບ ກວມ 39%, ເງິນຝາກກະແສລາຍວັນ 159 ຕື້ກີບ ກວມ 13%, ເງິນຝາກຂອງສະຖາບັນການເງິນອື່ນ 14 ຕື້ກີບ ກວມ 1% ແລະ ເງິນຝາກຄໍ້າປະກັນ 4 ຕື້ກີບ ກວມ 0,3%, ພ້ອມດຽວກັນບັນດາທະນາຄານທຸລະກິດໃນທົ່ວແຂວງຍັງສາມາດປ່ອຍສິນເຊື່ອໄດ້ທັງໝົດ 595 ຕື້ກີບ, ກວມເອົາ 49% ຂອງຍອດເງິນຝາກ ໃນນີ້:
    ສາຂາທະນາຄານການຄ້າຕ່າງປະເທດລາວມະຫາຊົນ ປະຕິບັດໄດ້ 157 ຕື້ກີບ, ເທົ່າກັບ 27%, ສາຂາທະນາຄານພັດທະນາລາວ ປະຕິບັດໄດ້ 32 ຕື້ກີບ, ເທົ່າກັບ 5%, ສາຂາທະນາຄານສົ່ງເສີມກະສິກໍາ ປະຕິບັດໄດ້ 193 ຕື້ກີບ, ເທົ່າກັບ 32%, ໜ່ວຍບໍລິການທະນາຄານນະໂຍບາຍ ປະຕິ ບັດໄດ້ 213 ຕື້ກີບ, ເທົ່າກັບ 32%, ຂະແໜງການຄ້າ ລວມມູນຄ່າ 166 ຕື້ກີບ, ເທົ່າກັບ 28%, ຂະແໜງກະສິກໍາ-ປ່າໄມ້ ລວມມູນຄ່າ 367 ຕື້ກີບ, ເທົ່າກັບ 62%, ຂະແໜງກໍ່ສ້າງມູນຄ່າ 13 ຕື້ກີບ, ເທົ່າກັບ 2% ແລະ ຂະແໜງບໍລິການ 49 ຕື້ກີບ, ເທົ່າກັບ 8% ຂອງສິນເຊື່ອທັງໝົດ ແລະ ຂະແໜງການອື່ນໆອີກຈໍານວນໜຶ່ງ.
(ຂ່າວ: ອຸ່ນເຮືອນ ໂພທິລັກ)