ຂົວລົດໄຟຂ້າມນ້ຳຂອງຫຼວງພະບາງ ຈະສຳເລັດ ໃນທ້າຍປີນີ້


...

09.05.2019 9:36     

   ສື່ມວນຊົນລາວ-ຈີນໄດ້ເຄື່ອນໄຫວຕິດຕາມຄວາມຄືບໜ້າໂຄງການກໍ່ສ້າງເສັ້ນທາງລົດໄຟ ລາວ-ຈີນ ພາຍໃຕ້ໜຶ່ງແລວ ໜຶ່ງເສັ້ນທາງ ໂດຍສະເພາະການກໍ່ສ້າງຂົວລົດໄຟຂ້າມນໍ້າຂອງ ຊຶ່ງເປັນໜຶ່ງໃນສອງແຫ່ງທີ່ກຳລັງກໍ່ສ້າງຢູ່ຈຸດເມືອງຈອມເພັດ ນະຄອນ-ຫຼວງພະບາງ ແຂວງຫຼວງພະບາງໂດຍແມ່ນບໍລິສັດທາງລົດໄຟເລກ 8 ສປ ຈີນ ເປັນຜູ້ຮັບເໝົາກໍ່ສ້າງມາຮອດປັດຈຸບັນການກໍ່ສ້າງຢູ່ ໃນໄລຍະເລັ່ງປັບປຸງຕີນຂົວ ແລະ ວາງຄານຂົວໃຫ້ເຊື່ອມຈອດກັນສຳເລັດແລ້ວກວ່າ 80%, ຄາດວ່າຈະໃຫ້ສຳເລັດທັງໝົດ ໃນເດືອນ 10 ປີ 2019 ນີ້. ທ່ານ ຈາງ ເຫວີຍ ຜິງ ຜູ້ຈັດການບໍລິສັດກໍ່ສ້າງທາງລົດໄຟເລກ 8 ໄລຍະສັນຍາທີ 3 ແຂວງຫຼວງພະບາງ ໄດ້ກ່າວຕໍ່ສື່ມວນຊົນ ລາວ-ຈີນ ເມື່ອບໍ່ດົນມານີ້ວ່າ: ຂົວແຫ່ງນີ້ມີຄວາມຍາວ 1.458 ແມັດ, ມີເສົາທັງໝົດ 30 ກວ່າຕົ້ນ, ການກໍ່ສ້າງຮັບປະກັນດ້ານຄຸນນະພາບ ແລະ ມາດຕະຖານດ້ານສິ່ງແວດລ້ອມ, ທັງໃສ່ໃຈເລື່ອງຄວາມປອດໄພຢ່າງເຄັ່ງຄັດ. ສະເພາະຢູ່ໃນຄວາມຮັບຜິດ ຊອບຂອງບໍລິສັດກໍ່ສ້າງທາງລົດໄຟເລກ 8 ການກໍ່ສ້າງທາງລົດໄຟ ລາວ-ຈີນ ຜ່ານແຂວງຫຼວງພະບາງ ມີຄວາມຍາວ 37 ກິໂລແມັດ, ມີອຸໂມງ 10 ແຫ່ງ, ຂົວ 24 ແຫ່ງ, ໂດຍລວມ ທຸກໜ້າວຽກແມ່ນໄດ້ຮັບການຈັດຕັ້ງປະຕິບັດມີຄວາມຄືບໜ້າຕາມ ແຜນ ແລະ ໄດ້ຮັບການຮ່ວມ ມືຈາກຊຸມຊົນເປັນຢ່າງດີ, ປັດ ຈຸບັນມີກຳມະກອນທີ່ເຮັດວຽກ ຢູ່ໂຄງການດັ່ງກ່າວ ມີທັງໝົດ 400 ກວ່າຄົນ, ໃນນີ້ ມີກຳມະ ກອນຄົນລາວ ກວມຫຼາຍກວ່າ 10% ຂອງຈຳນວນກຳມະກອນທັງໝົດ ໂດຍຈະເຮັດວຽກໃນຕຳແໜ່ງງານຕ່າງໆ ເປັນຕົ້ນໜ່ວຍງານຝ່າຍເຕັກນິກ, ນາຍຊ່າງ, ຂັບລົດ, ປຸງແຕ່ງ ແລະ ອື່ນໆໄດ້ມີການພັດທະນາວຽກໄປນຳ ຊຶ່ງທາງບໍລິສັດໄດ້ມີການຝຶກອົບຮົມໃຫ້ພ້ອມຖືວ່າໂຄງການກໍ່ສ້າງທາງລົດໄຟລາວ-ຈີນໄດ້ສ້າງໂອກາດໃຫ້ແກ່ປະຊາຊົນທ້ອງຖິ່ນໄດ້ມີວຽກເຮັດງານທຳທັງເປັນການສ້າງບຸກຄະລາກອນກ່ຽວກັບເສັ້ນທາງລົດໄຟໃຫ້ແກ່ປະເທດລາວອີກດ້ວຍ. ໂຄງການດັ່ງກ່າວ ນອກ ຈາກຊ່ວຍສ້າງວຽກເຮັດງານທຳໃຫ້ກັບປະຊາຊົນທ້ອງຖິ່ນຍັງໄດ້ຊ່ວຍແບ່ງປັນຄວາມຮູ້ແກ່ນັກຮຽນທີ່ຢູ່ໃກ້ກັບຂົວໂດຍສະເພາະໂຮງຮຽນປະຖົມສົມບູນ ບ້ານສະນົກ ເມືອງຈອມເພັດ ນະຄອນ-ຫຼວງພະບາງ ຊຶ່ງຕັ້ງຢູ່ບໍລິເວນໃກ້ກັບຂົວ ໃນໄລຍະຜ່ານມາທາງໂຄງການໄດ້ໃຫ້ການຊ່ວຍເຫຼືອດ້ານອຸປະກອນການຮຽນ-ການສອນ, ອຸປະກອນກິລາ, ສະໜັບ ສະໜູນການຮຽນ-ການສອນ ພາສາຈີນ ແລະ ພາສາອັງກິດ, ໃຫ້ຄວາມຮ່ວມມືແນະນຳການໃຫ້ຄວາມຮູ້ດ້ານສິ່ງແວດລ້ອມແກ່ນັກຮຽນ. ສິ່ງສຳຄັນທາງໂຄງການໄດ້ຊ່ວຍພັດທະນາຖະໜົນຫົນທາງ ເພື່ອຄວາມສະດວກສະບາຍໃນການສັນ ຈອນໄປມາແກ່ຊຸມຊົນອີກ ດ້ວຍ. (ຂ່າວ-ພາບ: ພູວັນ)