ຫວຽດນາມ ມອບຫຼຽນກາລະນຶກໃຫ້ ທູດລາວ ປະຈຳ ຫວຽດນາມ


...

14.05.2019 9:21     

   ກະຊວງຍຸຕິທຳ ແຫ່ງ ສສ ຫວຽດນາມ ໄດ້ມອບຫຼຽນກາລະນຶກ "ເພື່ອພາລະກິດ ຍຸຕິທຳ" ໃຫ້ສະຫາຍ ທອງສະຫວັນ ພົມວິຫານ ເອກອັກຄະລັດ ຖະທູດ ວິສາມັນ ຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ ທ່ີມີຜົນງານດີເດັ່ນປະກອບສ່ວນເຂົ້າໃນການພັດ ທະນາຂອງຂະແໜງການຍຸຕິທຳ ຫວຽດນາມ. ພິທີປະດັບຫຼຽນດັ່ງກ່າວ ໄດ້ມີຂຶ້ນໃນວັນທີ 10 ພຶດສະພາ 2019 ນີ້, ຢູ່ທີ່ກະຊວງຍຸຕິທຳ ຢູ່ນະຄອນຫຼວງ ຮ່າໂນ້ຍ ໂດຍແມ່ນ ສະຫາຍ ເລ ແທ່ງ ລອງ ລັດຖະມົນຕີກະຊວງຍຸຕິທຳ ຫວຽດນາມ ໄດ້ໃຫ້ກຽດປະດັບ ຫຼຽນກາລະນຶກດັ່ງກ່າວ. ສະຫາຍ ທອງສະຫວັນ ພົມວິຫານ ທ່ີໄດ້ປະກອບສ່ວນສຳຄັນເຂົ້າໃນການເພີ່ມພູນຄູນສ້າງຄວາມສຳພັນລະຫວ່າງລາວ-ຫວຽດນາມ ເວົ້າລວມ, ເວົ້າສະເພາະແມ່ນ ສອງກະຊວງ ຍຸຕິທຳລາວ-ຫວຽດນາມ ໃນໄລຍະຜ່ານມາ ແລະ ອວຍພອນໃຫ້ສະຫາຍ ທອງສະຫວັນ ພົມວິຫານ ຈົ່ງປະສົບຜົນສຳເລັດໃນໜ້າທ່ີການງານ ທີ່ພັກ-ລັດ ມອບໝາຍໃຫ້. ສະຫາຍ ທອງສະຫວັນ ພົມວິຫານ ໄດ້ກ່າວສະແດງຄວາມຂອບໃຈ ຕໍ່ກະຊວງ ຍຸຕິທຳ ແຫ່ງ ສສ ຫວຽດນາມ ທີ່ໄດ້ມອບຫຼຽນກາ "ເພື່ອພາລະກິດ ຍຸຕິທຳ" ໃນຄັ້ງນີ້, ຂອບໃຈຕໍ່ການເອົາໃຈໃສ່ ແລະ ການຮ່ວມມືຢ່າງໃກ້ຊິດລະ ຫວ່າງກະຊວງຍຸຕິທຳລາວ ແລະ ຫວຽດນາມ ໃນໄລຍະຜ່ານມາ ແລະ ຫວັງວ່າ ການຮ່ວມມືດັ່ງກ່າວຈະຍິ່ງໄດ້ຮັບການເສີມຂະຫຍາຍ ແລະ ພັດທະນາຢ່າງບໍ່ຢຸດຢັ້ງ.