ສົນທະນາວັນຄົບຮອບ 60 ປີ ການຜ່າ ວົງປິດລ້ອມສັດຕູທີ່ທົ່ງໄຫຫີນ


...

14.05.2019 9:22     

   ກົມອົບຮົມຊາວໜຸ່ມ ສູນກາງຊາວໜຸ່ມ ປະຊາຊົນ ປະ ຕິວັດລາວ (ຊ ປ ລ) ໄດ້ຈັດພິທີສົນທະນາ ລະຫວ່າງ ການນຳອາວຸໂສ, ອະດີດຄະນະບັນຊາກອງພັນທີສອງ ກັບຊາວໜຸ່ມ ເນື່ອງໃນໂອກາດວັນຄົບຮອບ 60 ປີ ການຜ່າວົງປິດລ້ອມສັດຕູທີ່ທົ່ງໄຫຫີນຊຽງຂວາງ ຂອງກອງພັນທີສອງ ວິລະຊົນ ຂຶ້ນເມື່ອວັນທີ 13 ພຶດສະພາ ທີ່ສະໂມສອນ ສູນກາງຊາວໜຸ່ມ ປະຊາຊົນ ປະຕິວັດລາວ ໂດຍໃຫ້ກຽດເຂົ້າຮ່ວມຂອງທ່ານ ອາລຸນໄຊ ສຸນນະລາດ ກຳມະການສຳຮອງສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ, ມີບັນດາຄະນະພັກ, ຄະນະບໍລິຫານງານສູນກາງຊາວໜຸ່ມ, ຊາວໜຸ່ມກະຊວງ, ອົງການ ແລະ ພະນັກງານທົ່ວ ຊປລ ເຂົ້າຮ່ວມ. ໃນການຈັດພິທີສົນ ທະນາດັ່ງກ່າວ ເປັນການຫວນຄືນມູນເຊື້ອເຫດການຜ່າວົງປິດລ້ອມສັດຕູຂອງກອງພັນທີສອງຄົບຮອບ 60 ປີ ແນໃສ່ເພື່ອເປັນການສຶກສາອົບຮົມໃຫ້ພະນັກ ງານຊາວໜຸ່ມໃຫ້ມີຄວາມຮັບຮູ້, ເຂົ້າໃຈ ແລະ ເຫັນໄດ້ຄວາມອົງອາດກ້າຫານ, ມີໄຫວພິກໃນການຕໍ່ສູ້ຂອງການນຳໃນໄລຍະຜ່ານມາ,ເຫັນໄດ້ມູນເຊື້ອອັນດີ ງາມຂອງວັນປະຫວັດສາດສຳ ຄັນດັ່ງກ່າວ, ເພື່ອຮໍ່າຮຽນເອົາແບບຢ່າງ ແລະ ເສີມຂະຫຍາຍມູນເຊື້ອອັນດີງາມຂອງຊາດ, ຂອງພັກ, ຂອງນັກຮົບປະຕິວັດ ໃຫ້ແກ່ພະນັກງານຊາວໜຸ່ມຜູ້ທີ່ຈະເປັນຜູ້ສືບທອດອະນາຄົດຂອງປະເທດຊາດ ເພື່ອນຳເອົາໄປຈັດຕັ້ງປະຕິບັດໃຫ້ເກີດຜົນປະໂຫຍດສູງສຸດ. (ຂ່າວ: ສຳນານ)