ສະແດງລະຄອນຟ້ອນເລື່ອງ ກຳພ້າ ນາງງາ


...

      ສະມາຄົມສິລະປິນແຫ່ງ ສປປ ລາວ ຮ່ວມກັບໜ່ວຍ ງານຮ່ວມມືສະໂມສອນສິລະ ປະ ສາຍຂອງ (MCAClub) ແຫ່ງ ສປ ຈີນ ໄດ້ຈັດການສະ ແດງລະຄອນຟ້ອນ "ກຳພ້າ ນາງງາ" ຄັ້ງປະຖົມມະເລີກຂຶ້ນ ໃນວັນທີ 19 ເມສາ ຜ່ານມານີ້ ທີ່ຫໍວັດທະນະທຳແຫ່ງຊາດ ໂດຍການເຂົ້າຮ່ວມຊົມຂອງ ທ່ານ ບໍ່ແສງຄຳ ວົງດາລາ ລັດ ຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ບັນດາແຂກຖືກເຊີນ ຈາກກະຊວງ, ອົງການຕາງໜ້າ ສະຖານທູດ ສປ ຈີນ ປະຈຳ ລາວ ພ້ອມດ້ວຍມວນຊົນຊາວ ນະຄອນຫຼວງວຽງຈັນ ເຂົ້າຮ່ວມ ຢ່າງຫຼວງຫຼາຍ. ການສະແດງລະຄອນ ຟ້ອນ "ກຳພ້ານາງງາ" ແມ່ນ ເລື່ອງນິທານພື້ນເມືອງລາວແຕ່ ດຶກດຳບັນ, ລະຄອນເລື່ອງນີ້ ພັນລະ ນາເຖິງການຕໍ່ສູ້ລະຫວ່າງ ຄວາມເປັນທຳ ແລະ ອະທຳ, ສ່ອງແສງໃຫ້ເຫັນເຖິງມູນ ເຊື້ອສິລະປະວັດທະນະທຳອັນ ອຸດົມສົມບູນຂອງປະຊາຊົນ ລາວ ບັນດາເຜົ່າມາສ້າງເປັນ ລາຍການສະແດງຊຶ່ງລາຍ ການສະແດງປະກອບມີ 6 ສາກໃຊ້ເວລາສະແດງທັງໝົດ 90 ນາທີ ລວມມີນັກສະແດງ ທັງໝົດ 100 ຄົນ ໃນນັ້ນເປັນ ນັກສະແດງຂອງລາວ ຈຳນວນ 50 ຄົນ ແລະ ນັກສະແດງ ສປ ຈີນ 50 ຄົນ. ໂດຍແຕ່ລະສາກ ການສະແດງລ້ວນແຕ່ສ້າງ ຄວາມຕື່ນເຕັ້ນ ແລະ ສ້າງ ຄວາມປະທັບໃຈໃຫ້ແກ່ຜູ້ເຂົ້າ ຊົມເປັນຢ່າງດີ. ການສະແດງໃນຄັ້ງນີ້ ແມ່ນເປັນການຮ່ວມມືດ້ານວັດ ທະນະທຳ ລະຫວ່າງ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວກັບບໍລິສັດ ຊາຍນາແມ່ຂອງສາກົນຈຳກັດ ແຫ່ງ ສປ ຈີນ ຊຶ່ງບໍລິສັດດັ່ງ ກ່າວໄດ້ນຳເອົານັກສະແດງ ຄົນລາວໄປຝຶກອົບຮົມຢູ່ແຂວງ ຊານຊີ ສປ ຈີນ ຈຳນວນ 50 ຄົນ ໃຊ້ເວລາຝຶກອົບຮົມ 45 ວັນ ໂດຍບໍລິສັດໄດ້ຮັບການ ຕົກລົງເຫັນດີຈາກກະຊວງ ຖວທ ໃຫ້ເລືອກເອົາບົດເລື່ອງ "ກຳພ້ານາງງາ" ທີ່ເປັນນິທານ ພື້ນເມືອງຂອງລາວ ມາສະ ແດງເປັນລະຄອນຟ້ອນ. ນອກ ຈາກນີ້ທາງບໍລິສັດຍັງໄດ້ປະ ກອບລະບົບແສງສີສຽງທີ່ທັນ ສະໄໝ ແລະ ປະກອບອຸປະ ກອນຮັບໃຊ້ການສະແດງຕາມ ເນື້ອເລື່ອງຢ່າງຄົບຖ້ວນ ແລະ ອາລັງການຊຶ່ງທັງໝົດກໍເພື່ອ ເປັນການອະນຸລັກ, ຊຸກຍູ້ສົ່ງ ເສີມ ແລະ ພັດທະນາວຽກງານ ສິລະປະວັດທະນະທຳລາວ ໃຫ້ມີຄວາມຍືນຍົງຕາມທິດນຳ ຂອງພັກເຮົາທີ່ມີຕໍ່ວຽກງານສິ ລະປະການສະແດງຂອງຊາດ ລາວເຮົາ, ພ້ອມກັນນັ້ນຍັງເປັນ ການເຜີຍແຜ່ວັດທະນະທຳອັນ ດີງາມຂອງຊາດລາວເຮົາຕໍ່ສາ ກົນ ແລະ ປະກອບສ່ວນດຶງດູດ ເອົານັກທ່ອງທ່ຽວເຂົ້າມາທ່ອງ ທ່ຽວປະເທດເຮົານັບມື້ຫຼາຍ ຂຶ້ນ. (ຂ່າວ: ວັນສີລິ)