ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ VIII ຈະພິຈາລະນາ ແລະ ຮັບຮອງເອົາຫຼາຍບັນຫາສຳຄັນ


...

      ທ່ານ ນາງ ສວນສະຫວັນ ວິຍະເກດ ກຳມະການຄະນະ ປະຈຳສະພາແຫ່ງຊາດ ເລຂາທິການສະພາແຫ່ງຊາດ ໄດ້ ຖະແຫຼງຂ່າວຕໍ່ສື່ມວນຊົນເມື່ອວັນທີ 20 ເມສາຜ່ານມານີ້ ທີ່ ສະພາແຫ່ງຊາດວ່າ: ກອງປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ VIII ຈະໄຂຂຶ້ນໃນຕອນເຊົ້າຂອງ ວັນອັງຄານ, ວັນທີ 25 ເມສາ 2017 ທີ່ຫໍສະພາແຫ່ງຊາດ, ນະຄອນຫຼວງວຽງຈັນ ແລະ ຈະດຳເນີນໄປເຖິງວັນພະຫັດ, ວັນທີ 18 ພຶດສະພາ 2017 ຊຶ່ງຈະໃຊ້ ເວລາດຳເນີນກອງປະຊຸມທັງ ໝົດ 17 ວັນ (ບໍ່ລວມວັນພັກ ລັດຖະການ). ກອງປະຊຸມຄັ້ງນີ້ ຈະໄດ້ ຮັບຟັງການລາຍງານ, ພິຈາລະ ນາ ແລະ ຕົກລົງບັນຫາສຳຄັນ ຕ່າງໆດັ່ງນີ້: - ຮັບຟັງລາຍງານໂດຍ ສັງເຂບຂອງທ່ານນາຍົກລັດ ຖະມົນຕີ ກ່ຽວກັບການຈັດຕັ້ງ ປະຕິບັດວຽກງານຈຸດສຸມໃນ ໄລຍະ 6 ເດືອນຜ່ານມາ ແລະ ທິດທາງແຜນການວຽກຈຸດສຸມ ໃນ 6 ເດືອນຕໍ່ໜ້າຂອງລັດຖະ ບານ 2017; - ຮັບຟັງລາຍງານຂອງ ລັດຖະມົນຕີກະຊວງແຜນການ ແລະ ການລົງທຶນ ກ່ຽວກັບການ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ ໝົດປີ 2016 ແລະ ການຜັນຂະຫຍາຍ ການຈັດຕັ້ງປະຕິບັດແຜນປີ 2017. - ຮັບຟັງລາຍງານຂອງ ລັດຖະມົນຕີກະຊວງການເງິນ ກ່ຽວກັບບົດສະຫຼຸຸບສະພາບ ການຈັດຕັ້ງປະຕິບັດແຜນງົບ ປະມານແຫ່ງລັດ 3 ເດືອນຂ້າມ ຜ່ານທ້າຍປີ 2016, ບົດລາຍ ງານສະພາບການຈັດຕັ້ງປະຕິ ບັດແຜນງົບປະມານແຫ່ງລັດ ງວດ 1 ປີ 2017 ແລະ ຄາດ ຄະເນທິດທາງແຜນການ 6 ເດືອນຕົ້ນປີ 2017; - ຮັບຟັງລາຍງານຂອງ ກະຊວງອຸດສາຫະກຳ ແລະ ການຄ້າກ່ຽວກັບສະພາບການ ຄຸ້ມຄອງລາຄາສິນຄ້າ, ອັດຕາ ເງິນເຟີ້, ອັດຕາແລກປ່ຽນທີ່ ພວມກະທົບຕໍ່ການຜະລິດ, ການດຳລົງຊີວິດຂອງສັງຄົມ, ທິດທາງ ແລະ ມາດຕະການ ແກ້ໄຂໃນຕໍ່ໜ້າ. - ພິຈາລະນາຮັບຮອງ ເອົາບົດລາຍງານການເຄື່ອນ ໄຫວວຽກງານ 5 ປີ (2012-2016) ແລະ ທິດທາງວຽກງານ 5 ປີ (2017-2021) ຂອງອົງ ການກວດສອບແຫ່ງລັດ; - ພິຈາລະນາຮັບຮອງເອົາ ການເລືອກຕັ້ງປະທານອົງການ ກວດສອບແຫ່ງລັດ; - ຮັບຟັງລາຍງານຂອງອົງ ການໄອຍະການປະຊາຊົນສູງ ສຸດກ່ຽວກັບການປະຕິບັດສິດ ສັ່ງຟ້ອງຄະດີອາຍາຂຶ້ນສານ ແລະ ການເຂົ້າຮ່ວມການດຳ ເນີນຄະດີແພ່ງຢູ່ທີ່ປະຊຸມສານ ໃນໄລຍະຜ່ານມາ ແລະ ກຳ ນົດທິດທາງໃນການປັບປຸງຍົກ ສູງຄຸນນະພາບກ່ຽວກັບວຽກ ງານດັ່ງກ່າວ; - ຮັບຟັງລາຍງານຂອງ ສານປະຊາຊົນສູງສຸດກ່ຽວກັບ ການດຳເນີນຄະດີຢູ່ສານຂັ້ນ ຕົ້ນ ແລະ ສານຂັ້ນອຸທອນໄລ ຍະຜ່ານມາ, ທິດທາງປັບປຸງ ແລະ ຍົກສູງຄຸນນະພາບໃນ ວຽກງານດັ່ງກ່າວ; - ພິຈາລະນາຮັບຮອງເອົາ ບົດລາຍງານການເຄື່ອນໄຫວ ຂອງຄະນະປະຈຳສະພາແຫ່ງ ຊາດລະຫວ່າງສອງກອງປະ ຊຸມສະພາແຫ່ງຊາດ, ແຕ່ກອງ ປະຊຸມສະໄໝສາມັນ ເທື່ອທີ 2 ຫາກອງປະຊຸມສະໄໝສາມັນ ເທື່ອທີ 3 ແລະ ແຜນການ ເຄື່ອນໄຫວວຽກງານ ແຕ່ກອງ ປະຊຸມສະໄໝສາມັນ ເທື່ອທີ 3 ຫາກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸດທີ VIII; - ພິຈາລະນາຮັບຮອງເອົາ ການສະເໜີແຕ່ງຕັ້ງຮອງປະ ທານກຳມາທິການຂອງສະພາ ແຫ່ງຊາດ, ຕາມການສະເໜີ ຂອງຄະນະປະຈຳສະພາແຫ່ງ ຊາດ; - ຮັບຟັງການຊີ້ແຈງຂອງ ພາກສ່ວນກ່ຽວຂ້ອງຕໍ່ຄຳສະ ເໜີຂອງສັງຄົມຜ່ານໂທລະສັບ ສາຍດ່ວນ ຂອງກອງປະຊຸມສະ ໄໝສາມັນ ຂອງສະພາແຫ່ງ ຊາດ ຊຸດທີ VIII. ພິຈາລະນາຮັບຮອງເອົາ ກົດໝາຍສ້າງໃໝ່, ກົດໝາຍ ສະບັບປັບປຸງ ແລະ ປະກອບ ຄຳເຫັນໃສ່ກົດໝາຍທາບທາມ ລວມທັງໝົດ 14 ສະບັບ ໃນນີ້ ກົດໝາຍສ້າງໃໝ່ ຈຳນວນ 5 ສະບັບ, ໃນຈຳນວນດັ່ງກ່າວ ມີກົດໝາຍຂົງເຂດເສດຖະກິດ -ການເງິນ 2 ສະບັບ, ຂົງເຂດ ການປົກຄອງ ແລະ ຍຸຕິທຳ 2 ສະບັບ, ຂົງເຂດວັດທະນະທຳ- ສັງຄົມ 1 ສະບັບ; ກົດໝາຍ ປັບປຸງຈຳນວນ 8 ສະບັບຄື: ຂົງເຂດການປົກຄອງ ແລະ ຍຸຕິທຳ ມີຈຳນວນ 5 ສະບັບ, ຂົງເຂດເສດຖະກິດ-ການເງິນ ມີຈຳນວນ 3 ສະບັບ ແລະ ກົດ ໝາຍທາບທາມມີຈຳນວນ 1 ສະບັບ. ໃນນາມຄະນະປະຈຳສະ ພາແຫ່ງຊາດ, ຄະນະເລຂາທິ ການສະພາແຫ່ງຊາດ ຂ້າພະ ເຈົ້າ ຂໍເຊີນບັນດາທ່ານ ພະນັກ ງານ, ລັດຖະກອນ, ທະຫານ, ຕຳຫຼວດ, ນັກຮຽນ, ນັກສຶກສາ, ປັນຍາຊົນ, ກຳມະກອນ, ຊາວ ຜູ້ອອກແຮງງານ, ພໍ່ຄ້າຊາວ ຂາຍ, ພໍ່ແມ່ພີ່ນ້ອງ, ປະຊາຊົນ ບັນດາເຜົ່າທຸກຊັ້ນຄົນໃນທົ່ວ ປະເທດ ແລະ ພີ່ນ້ອງຊາວ ລາວທີ່ອາໄສຢູ່ຕ່າງປະເທດ ຈົ່ງຕິດຕາມການດຳເນີນກອງ ປະຊຸມສະໄໝສາມັນ ເທື່ອທີ 3 ຂອງສະພາແຫ່ງຊາດ ຊຸດທີ VIII ຄັ້ງນີ້. ເພື່ອຮັບເອົາຄຳຄິດ ຄຳເຫັນ ແລະ ຄຳສະເໜີໂດຍ ກົງຈາກປະຊາຊົນ ໃນໄລຍະ ດຳເນີນກອງປະຊຸມສະໄໝສາ ມັນ ເທື່ອທີ 3 ຂອງສະພາແຫ່ງ ຊາດ ຊຸດທີ VIII ບັນດາທ່ານ ສາມາດສົ່ງຄຳຄິດຄຳເຫັນ ແລະ ຄຳສະເໜີໄປຍັງກອງປະ ຊຸມໄດ້ຕາມວິທີລຸ່ມນີ້: - ໂທລະສັບບໍ່ເສຍຄ່າ ໝາຍເລກ: 156 - ໂທລະສານ ໝາຍເລກ: 021 452627 - ສົ່ງເປັນຈົດໝາຍທາງ ໄປສະນີ ຕູ້ ປນ. 662 - ສົ່ງອີເມວ: na_session @na.gov.la