ຜູ້ແທນລາວເຂົ້າຮ່ວມກອງປະຊຸມ ວັດທະນະທຳ-ສັງຄົມອາຊຽນ ຄັ້ງທີ 18


...

    

   ກອງປະຊຸມສະພາປະຊາ ຄົມວັດທະນະທຳ-ສັງຄົມອາ ຊຽນ (ASCC) ຄັ້ງທີ 18 ໄດ້ ຖືກຈັດຂຶ້ນຢ່າງເປັນທາງການ ໃນວັນທີ 13 ກັນຍາຜ່ານມານີ້ ທີ່ເມືອງຕາກາຍໄຕ, ປະເທດ ຟີລິບປິນ ໂດຍການກ່າວໄຂ ຂອງທ່ານ ອາກາຍ ເອມມານູ ແອນ ລີໂກ (AGAY EMMANUEL LEYCO) ຮັກສາ ການລັດຖະມົນຕີກະຊວງສະ ຫວັດດີການສັງຄົມ ແລະ ການ ພັດທະນາ ປະເທດຟີລິບປິນ ໂດຍການເຂົ້າຮ່ວມຂອງບັນ ດາທ່ານລັດຖະມົນຕີ, ຮອງລັດ ຖະມົນຕີຮັບຜິດຊອບວຽກງານ ປະຊາຄົມວັດທະນະທຳ-ສັງຄົມ ອາຊຽນ ຂອງບັນດາປະເທດສະມາຊິກ ອາຊຽນ, ທ່ານຮອງເລຂາທິ ການໃຫຍ່ອາຊຽນ, ບັນດາຫົວ ໜ້າເຈົ້າໜ້າທີ່ອາວຸໂສປະຊາ ຄົມວັດທະນະທຳ-ສັງຄົມອາ ຊຽນ (SOCA) ແລະ ບັນດາ ແຂກຖືກເຊີນເຂົ້າຮ່ວມ.
ກອງປະຊຸມໄດ້ຮັບຟັງ ການລາຍງານຜົນການປຶກສາ ຫາລືຂອງກອງປະຊຸມເຈົ້າໜ້າ ທີ່ອາວຸໂສວັດທະນະທຳ-ສັງ ຄົມອາຊຽນ ຄັ້ງທີ 23 (11-12 ກັນຍາ 2017) ລາຍງານໂດຍ ຫົວໜ້າເຈົ້າໜ້າທີ່ອາວຸໂສຟີ ລິບປິນ ໃນນາມປະທານກອງ ປະຊຸມ ທ່ານ ນາງ ຟລໍຣິຕາ ວິນລາ (Florita R. Villar) ໄດ້ສະເໜີລາຍງານຄວາມຄືບ ໜ້າ ໃນການຈັດຕັ້ງປະຕິບັດ ບັນດາກິດຈະກຳຕ່າງໆພາຍ ໃຕ້ແຜນແມ່ບົດຂອງປະຊາ ຄົມວັດທະນະທຳ-ສັງຄົມອາ ຊຽນ 2025 ແລະ ວິໄສທັດອາ ຊຽນ 2025, ລວມທັງການສະ ເໜີວິທີການປັບປຸງຮູບແບບ ການຕິດຕາມ ແລະ ປະເມີນ ຜົນການຈັດຕັ້ງປະຕິບັດແຜນ ງານປະຊາຄົມວັດທະນະທຳ- ສັງຄົມ 2025.
ກອງປະຊຸມສະພາປະຊາ ຄົມວັດທະນະທຳ-ສັງຄົມອາ ຊຽນ ຄັ້ງທີ 18 ນີ້ ມີເປົ້າໝາຍ ແລະ ເພື່ອເຄື່ອນໄຫວກິດຈະ ກຳຕ່າງໆຮັບໃຊ້ການຈັດຕັ້ງ ສະເຫຼີມສະຫຼອງການສ້າງຕັ້ງ ອາຊຽນ ຄົບຮອບ 50 ປີ ແລະ ຍິ່ງໄປກວ່ານັ້ນ, ເພື່ອສ້າງບັນ ດາເອກະສານ, ສືບຕໍ່ພິຈາລະ ນາເອກະສານສຳຄັນຕ່າງໆ ເພື່ອນຳໄປສະເໜີຕໍ່ກອງປະ ຊຸມສຸດຍອດອາຊຽນ ຄັ້ງທີ 31 ທີ່ຈະຈັດຂຶ້ນໃນເດືອນພະຈິກ 2017 ນີ້ ທີ່ປະເທດຟີລິບປິນ.
ທ່ານ ສະຫວັນຄອນ ຣາຊ ມຸນຕຣີ ຮອງລັດຖະມົນຕີກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ ໄດ້ສະ ແດງຄວາມຊົມເຊີຍຕໍ່ຄະນະ ຜູ້ແທນເຈົ້າໜ້າທີ່ອາວຸໂສວັດ ທະນະທຳ-ສັງຄົມອາຊຽນ ທີ່ ໄດ້ສຸມເຫື່ອແຮງ ແລະ ສະຕິ ປັນຍາ ເຮັດໃຫ້ກອງປະຊຸມດັ່ງ ກ່າວນີ້ ສຳເລັດພາຍໃຕ້ການ ເປັນປະທານອາຊຽນຂອງຟີ ລິບປິນ.
ພ້ອມດຽວກັນນັ້ນ ປີແຫ່ງ ປະຫວັດສາດອາຊຽນ 2017 ນີ້ແມ່ນປີໜຶ່ງທີ່ມີຄວາມໝາຍ ສຳຄັນໃນການສະເຫຼີມສະ ຫຼອງການສ້າງຕັ້ງອາຊຽນ ຄົບ ຮອບ 50 ປີ ແລະ ສຳລັບ ສປປ ລາວ ກໍສະເຫຼີມສະຫຼອງໃນ ການເປັນສະມາຊິກອາຊຽນ ຄົບຮອບ 20 ປີ, ໃນນັ້ນ ສປປ ລາວ ໄດ້ຈັດຕັ້ງຫຼາຍກິດຈະກຳ ທີ່ນະຄອນຫຼວງວຽງຈັນເຊັ່ນ: ການເຜີຍແຜ່ປະຫວັດສາດອາ ຊຽນ ຜ່ານສື່ມວນຊົນ, ພິທີໃຕ້ ໄຟໃສ່ປະຕູໄຊ, ພິທີເຄົາລົບ ທຸງອາຊຽນ, ການແຂ່ງຂັນບານ ເຕະມິດຕະພາບອາຊຽນ, ການ ຍ່າງມາລາທອນ ເພື່ອສຸຂະ ພາບ ແລະ ການສະແດງດົນຕີ ທັນສະໄໝຊາວໜຸ່ມອາຊຽນ.
ທ່ານ ສະຫວັນຄອນ ຣາຊ ມຸນຕຣີ ຍັງໄດ້ຍົກໃຫ້ເຫັນບາງ ໜ້າວຽກທີ່ສຳຄັນ ໃນການປະ ກອບສ່ວນປະຕິບັດພາລະບົດ ບາດ ໃນການຈັດຕັ້ງປະຕິບັດ ໂດຍສະເພາະຂອງ ສປປ ລາວ ເຊັ່ນໄດ້ເປັນເຈົ້າພາບຈັດກອງ ປະຊຸມຄະນະກຳມະການຄຸ້ມ ຄອງໄພພິບັດ (ACDM) ຄັ້ງທີ 30. ສະເພາະກາງເດືອນຕຸລາ ຈະມາເຖິງນີ້ ກໍຈະມີກອງປະ ຊຸມລັດຖະມົນຕີຄຸ້ມຄອງໄພພິ ບັດ (AMMDM) ຄັ້ງທີ 5 ທີ່ ເມືອງມໍລະດົກໂລກຫຼວງພະ ບາງ ແລະ ໃນປີ 2018 ເປັນ ປີແຫ່ງການທ່ອງທ່ຽວລາວ (Visit Laos Year 2018) ທ່ານໄດ້ສະເໜີເຊີນຊວນບັນ ດາປະເທດສະມາຊິກອາຊຽນ ເຂົ້າມາທ່ຽວຊົມບັນດາແຫຼ່ງ ທ່ອງທ່ຽວຕ່າງໆໃນ ສປປ ລາວ.